ဆေးရုံဆိုတဲ့နာမည်အတိုင်း ဘေးပတ်ပတ်လည်မှာဆေးနံ့တွေမွှန်ထူနေတယ်။ ဆရာဝန်တွေ၊သူနာပြုတွေကလည်းကိုယ့်အလုပ်နဲ့ကိုယ်ဟိုပြေးဒီပြေး။ ရိပေါ်ဆေးရုံကိုရောက်နေတယ်။ အတိအကျပြောရရင် ယင်းအားရီကိုရုတ်တရက်ဆေးရုံတင်လိုက်ရာကနေစတာဘဲ။ မနက်ကဟင်းသွားပို့တော့ယင်းအားရီကရိပေါ်ခေါ်နေတာကိုပြန်မဖြေသလို အရင်အကြိမ်တွေတုန်းကလိုမျိုး ဖြတ်ခနဲလက်သွားတတ်တဲ့မျက်ဝန်းတွေကိုလည်းမမြင်ရဘူး။ ဧည့်ခန်းရဲ့ဆိုဖာကလေးပေါ်မှာ ခွေခွေကလေးအိပ်ပျော်နေတယ်။ ရိပေါ်ကလှုပ်နှိုးပေမယ့် ယင်းအားရီကနိုးမလာခဲ့ပါဘူး။ ပြီးတော့အသက်ရှူသံကတအားကိုတိုးလျလွန်းနေခဲ့သေးတယ်။ ရိပေါ်ကအရမ်းလန့်သွားတယ်။ ဘာလုပ်ရမှန်းလည်းမသိဘူး။ မားမားကိုပြေးခေါ်လိုက်တာကလွဲရင် ရိပေါ်လုပ်နိုင်တာမရှိခဲ့ဘူး။
"ရိပေါ်"
နွမ်းလျဖျော့တော့နေတဲ့အသံနဲ့မားမားက လူနာစောင့်ခုံတန်းမှာထိုင်နေတဲ့ရိပေါ်အနားကို ရောက်လာတယ်။ မားမားမျက်ဝန်းတွေကနီရဲနေတယ်။ ရိပေါ်သိပါတယ်။ မားမားငိုထားတယ်ဆိုတာ။
"အားရီရော အားရီအဆင်ပြေရဲ့လား မား"
ရိပေါ်မေးတော့ မားမားကခေါင်းယမ်းရင်းမျက်ရည်တွေနဲ့ရှိုက်ငိုတယ်။ အတော်ကြာသည်အထိရိပေါ်ကိုဘာမှမပြောလာဘူး။
"ရှောင်ယင်းကထားသွားပြီ အားလုံးကို"
ပြောလက်စ,စကားကိုရပ်ပြီး မားမားကရှိုက်ငိုနေသေးတယ်။ ယင်းအားရီဆုံးသွားပြီပေါ့။ ရိပေါ်ရင်ထဲတင်းကျပ်နေတယ်။
"အပူအပင်ကင်းကင်းနဲ့ အားကျန့်ကိုရော မားမားကိုရောသူထားသွားပြီ ရိပေါ်ရဲ့"
မားမားကစကားဆက်မပြောနိုင်တော့ဘူး။ ရိပေါ်ကိုဖက်ပြီးကျောတွေတသိမ့်သိမ့်တုန်အောင်ငိုနေတယ်။ ရိပေါ်ရဲ့အဖြူရောင်ရှပ်လက်တိုလေးရဲ့နောက်ကျောက မားမားရဲ့မျက်ရည်တွေနဲ့စိုနေတယ်။ သည်းသည်းထန်ထန်ငိုနေတဲ့မားမားရဲ့ပုခုံးကို ခပ်ဖွဖွပုတ်ရင်းနှစ်သိမ့်ပေးတာကလွဲရင် ဘာလုပ်ပေးရမယ်ဆိုတာရိပေါ်မသိဘူး။ ရိပေါ်ကိုယ်တိုင်လည်းဆို့နင့်နေတယ်။ စီနီယာအစ်ကိုကြီးနဲ့တွေ့ရင် ရိပေါ်ဘယ်လိုပြောပြရမလဲ။ အသက်ကြီးလာလို့လူကြီးရောဂါနဲ့ဆုံးပါးရတယ်ဆိုတာထက် ကျန့်ကောအနားမှာမရှိခြင်းဆိုတဲ့အကြောင်းပြချက်နဲ့စတင်ပြိုလဲခဲ့တဲ့ယင်းအားရီရဲ့စိတ်တွေကပိုပြီးထုထည်ကြီးမားပါတယ်။ အသံကြားတိုင်းကျန့်ကောလို့ထင်တတ်လာတဲ့အခါ၊တားလိုက်မိတာသိပ်မှားတာဘဲလို့တစ်ကိုယ်တည်းကြိတ်တွေးမိတဲ့အခါ၊ကျန့်ကောတော့သူမကိုအမုန်းကြီးမုန်းနေမှာဘဲလို့ကိုယ့်အတွေးနဲ့ကိုယ်ပြန်သတ်နေတဲ့အခါ ယင်းအားရီကတစ်ချိန်လုံးပြိုလဲနေခဲ့တာပါဘဲ။ အခုတော့ပြိုလဲရတာပင်ပန်းလာတဲ့ယင်းအားရီကအရာအားလုံးကိုလွှတ်ချသွားခဲ့ပြီ။ ရိပေါ်ကိုတော့တာဝန်လှလှတစ်ခုပေးအပ်ပြီး သူမကိုယ်တိုင်ကတော့လွတ်မြောက်လမ်းကိုရှာသွားခဲ့ပြီ။ ဘယ်လိုဘဲဖြစ်ဖြစ် သူမ,မရှိတော့ရင်တောင်ကျန့်ကောကိုပြန်ခေါ်လာပေးဖို့တဖွဖွမှာခဲ့တဲ့အားရီကြောင့်ရော၊ရိပေါ်ကိုယ်တိုင်ရဲ့စိတ်အလိုကြောင့်ရော ကျန့်ကောကိုရိပေါ်ရှာဦးမယ်။ ရေအဆုံးမြေအဆုံး၊စကြဝဠာအဆုံး။
YOU ARE READING
Came From Deepest Somewhere
Hayran Kurguရှောင်းကျန့်ကအများပြောသလို ဂြိုဟ်ဆိုးကလေးဆိုရင်တောင် ဝမ်ရိပေါ်ကိုတော့ရှောင်ကွင်းသွားချင်တဲ့ဂြိုဟ်ကလေးပဲဖြစ်ခဲ့ပါတယ် Started date-17.6.2022(Fri) Completed date-23.9.2022
