Uljhe Dor (The Mehrotras book 1)

21. Master Plan

  "Kunal, hamein tujhse baat karna hai." Ansh aur Veer Kunal ke kamre ke bahar khade hote hain.

  "Haan, bolo." Dono Kunal ke kamre ke andar jaake sofa pe baith jaate hain.

  "Ham log tujhse subah mein hi baat karna chahte the, lekin subah ko tu tired tha. Lekin ab baat karna zaroori ho gaya hai."

  "Kis baare mein?"

  "Bela ke baare mein."

  "Uske baare mein mujhe kuchh nahi sunna hai," Kunal ko gussa aane lagta hai.

  "Bhaiya, aap galti kar rahe hain. Gusse mein aake aapne already ek galti kar diya hai, hamari baat na sunkar ek aur galti mat kariye."

  "Haan, Kunal. Tujhe apni ego aur arrogance ke aage kuchh dikhta hi nahi hai. Hamari baat sun to le."

  "Ismein ego kahan se aa gayi?"

  "Shuru se Bela Di aapko challenge karti aa rahi hai. Wahi ek aisi insaan hai jo aapko takkar de sakti hai. Aisa Maan Bhabhi bhi nahi kar sakti hai. Yeh baat aapke ego ko hurt karti hai kyunki wo hamare class ki nahi hai. Lekin Kunal, iske wajah se tune bohot badi galti kar diya aaj."

  "Maine sab sahi kiya. But you guys, tum dono dekho tum kya kar rahe ho. Us ladki ke liye mujhse lad rahe ho. Wo mujhse zyada important ho gayi?"

  "Kunal, tu baat ko kahan se kahan lekar ja raha hai? Ham dono tujhe bas itna batana chahte hain ki tune jo aaj kiya wo galat tha, aur ham tujhe yeh is liye bata rahe hain kyunki tu hamara bhai hai."

  "Please, Bhaiya, hamari baat to sun lo."

  "Achha, batao." Kunal thak ke dono bhaiyon ke opposite baith jata hai.

  "Aapne jab Bela Di ko ghar se bahar nikala, uske baad ham us room ke paas se guzar rahe the jahan shayad Bela Di ne aapko wo video dikhaya, kyunki hamein wahan ek phone mila. Hamne wo phone Ansh ki PA ko diya check karwane ke liye. Bela Di aapko jo video dikhana chahti thi, wo zahir si baat hai kal raat ke pehle hi record kiya gaya hoga. At the most kal raat ke function mein. Kyunki that was the last time jab Bela aur Adhij ek hi premises mein the. Lekin wo video Bela ke phone mein aaj aaya tha."

  "Kya ho raha hai? I don't get it."

  "Main batata hoon. Hamein pata chala ki Bela jo video tumhe dikhana chaahti thi wo ek camera footage tha. Apparently, Bela ne saare extra rooms mein cameras lagwaya tha jo uske phone se connected tha. Which means saare videos uske phone mein automatically aa jaate hain. So, usne jab bhi video liya, saare feeds uske phone mein usi samay aa gaye honge, automatic download. Suhani ne pata lagaya ke usne jo cameras lagwaye the, they were hacked. So, Bela ke phone mein saare feeds gaye, except the one she wanted. Us feed ke jagah wo video uske phone mein chala gaya jo tune dekha."

  "Iska matlab yeh ho sakta hai ki koi hamein kisi tarah ka message dena chahta hai hamein darane ke liye." Veer kehta hai.

  "Exactly. And maybe usi insaan ke wajah se Bela ko Adhij ko lekar galat fehmi hui. Jaise usne Bela ke phone ko tamper kiya, shayad waise hi wo use manipulate kar raha hai. It's possible one of our business rivals ka khel hai yeh, just to fuck with us."

  "Nahi Ansh," Veer kehta hai. "This seems more personal. Unhone Big Dad ka scandal wala video use kiya. Agar wo log is limit tak ja rahe hain then it must be personal. Maine Mom ko Dadi se baat karte suna tha. Mom keh rahi thi ki wo video destroy kar diya gaya tha. Dad and Big Dad ne jaake wo saare videos khareed liya tha. Ghar mein kisi ko wo mil hi nahi sakta tha. Jisne bhi yeh kiya hai, unke paas yeh pandraa saal se hai aur unhone yeh soch- samajh ke kiya hai. It's well planned."

  "Wah, Veer! Tune zindagi mein pehli apna unused dimaag ka istamaal kiya hai."

  "But kaun ho sakta hai wo? Aur usne Bela ko apna target kyun banaya?"