The Mehrotras series:
Book 1: Uljhe Dor
Book 2: Ulajhte Dil
Yeh kahani teen bhaiyon, Mehrotra pariwar ke vaaris Kunal, Anshuman aur Veer ki hai. Kunal bhale hi dono ka cousin hai, lekin teeno ke beech pyaar sage bhaiyon se bhi badhkar hai. Inki zind...
Oops! This image does not follow our content guidelines. To continue publishing, please remove it or upload a different image.
Kunal jab neeche pohochta hai, tab Aarohi ki mehendi shuru ho chuki hoti hai. Veer aur Shaivi pehle hi dance floor par hain, jo living room ke furnitures ghiska kar banaya free space hai. Shaadi ki bhaaga-daudi mein dance reharsal ke liye kisi ko time nahi mila, to koi performance nahi de raha hai. Sab bas saath mein dance aur enjoy kar rahe hain.
Shaivi kheech ke Maan ko beech mein le aati hai. Veer bhi Anshuman aur Kunal ko le aata hai. Anshuman Maan ko dekhe jaata hai. Use yeh baat bhaati nahi hai ki instead of making a move on Kunal, Maan kahin aur hi distracted hai. Iske liye Kunal se flirt karne ke alawa kuchh important nahi hona chaahiye, to phir kahan khoyi hui hai? Ispar mujhe activlely najar rakhna hoga. At this point, main iska next move predict bhi nahi kar pa raha hoon. She's pulling all the unexpected moves.
Dusri taraf Kunal Bela ko dhoondh raha hota hai. Pata nahi yeh ladki kahan hai. Dadi, Mom, Chhoti Maa, sab yahin hain. Phir kya kar rahi hai? Iske dimaag mein pata nahi kya chal raha hai.
"Aap dono statues ho kya?"
"What?" Anshuman aur Kunal ek saath, distracted, puchhte hain.
"Maine kaha, AAP DONO STATUES HO?" Veer dono ke kaam mein chillata hai.
"Pagal hai kya? Kaan mein kyun chilla raha hai?" Kunal apne kaan band karte hue kehta hai.
"Aap dono dance floor par aise khambe ki tarah khade rahoge to pagal aap lagoge, main nahi. Dance floor par khada kaun rehta hai? Iska naam 'dance' floor hai. Yahan aapko dance karna padta hai. Bhaiya, agar aapko Bela Bhabhi ki itni hi yaad aa rahi hai to jaakar unhe dhoondh lo na. Kab se unhe khoj rahe ho. Aur Ansh, aap Maan Bhabhi ke paas jaakar unke saath dance kyun nahi karte? Clearly aap unhe hi dekhe ja rahe ho. Aur lagta hai Bhabhi bhi aapke bina dance nahi karegi." Maan halke halke sway kar rahi hoti hai lekin koi bhi dekh kar bata dega ki uska dhyaan kahin aur hi hai.
"Bakwaas mat karo, Veer," Anshuman kehta hai.
"Main aapke aur Maan Bhabhi ka, aur Bhaiya aur Bela Bhabhi ka number one shipper hoon. Mujhse jyada koi nahi chaahta hai aap log ek ho jao. To ab main aapki help karunga."
"Kuchh ulta-seedha-" Veer Anshuman ko Maan ke taraf dhakel deta hai aur dono collide karte hain. Maan pichhe girne wali hoti hai jab Anshuman ka haath uske kamar par jaata hai aur wo use pakad leta hai. Veer Shaivi ko apni taraf kheech leta hai. Usi samay Kunal Bela ko dhoondhne chala jaata hai.
"Kya kar rahe ho?" Maan apne usual gusse wale tone mein puchhti hai.
Anshuman use chhod deta hai. "Veer ne dhakka de diya."
"Bahana banana tha to dhang ka banate. Itne built ho aur usne tumhe dhakka de diya? Creep! Door hato," Maan Anshuman ko apne aap se door karte hue kehti hai, lekin jor se nahi warna baaki sab ka attention un dono par chale jaata. Use aur koi embarrassing situation nahi chaahiye. Waise bhi kal jab dulha-dulhan dono gayab honge to humiliation us samay bohot hogi hi.
