Uljhe Dor (The Mehrotras book 1)

24. Dulhan ka Joda, Sherwani aur Kamra

  Plan ke mutabik, Maan Niharika ko bathroom mein baandh deti hai aur uske muh pe patti laga deti hai.

  "Didi, mujhe aapke plan ka pata chal gaya tha. Aap Kunal se shaadi nahi karogi. Shaadi to main hi karungi. Aapse main shaadi ke baad baat karungi."

  Niharika ke kamre ke darwaze par khatkhatane ki awaaz aati hai. Maan ne Niharika ko pehle hi sleeping pill khila diya tha, uske protein mein milakar, to Niharika sone lagti hai. "Didi, Radhika ka joda chahiye. Main Mehrotra Mansion ja raha hoon," Adhij ka awaaz bahar se aata hai.

  "Main busy hoon, khud le lo," Maan kehti hai. Kyunki dono ki awaaz ek jaisi lagti hai, upar se Maan bathroom mein hai aur Adhijkamre ke bahar, to use pata nahi chalta hai.

  "Aap de do. Aapne mujhe to bataya nahi kaun si wali Radhika ki hai."

  "Pink wali meri hai. To red wali le lo."

  "Aapne Maan ko baandh diya na?"

  "Haan, lekin mujhe jagah badalna pada."

  "Koi baat nahi. As long as plan kaam kar jaye." Adhij ke jaane ke baad Maan Niharika ke kamre ka darwaza band kar deti hai.

---☆---

  "Kunal, Veer ko dekha tune?" Anshuman puchhta hai.

  "Main dulha hoon, mujhe mere kamre mein band kar diya gaya hai, main Veer ko kaise dekhunga? Nahi dekha."

  "To seedhe seedhe bol na. Achha, tu ready hai? Hamein venue ke liye nikalna hai."

  "Yup, just give me a minute, main aata hoon."

  "Theek hai. Main aur Veer tera neeche wait karenge."

  Anshuman Veer ko Shaivi ke saath baat karte dekhta hai. Jab se iski dosti hui hai Shaivi ke saath, tab se yeh har wakt usi ke saath hota hai. Phir bhi 50% time yeh dono ladte hi hain.

  "Veer, chalo, hamein nikalna hai. Kunal bhi bas aata hi hoga."

  "Aap chalo, main aata hoon."

  Aadhe ghante baad teeno bhai venue pohonchte hain. Mehmaan aana shuru ho jaate hain. Dulhanein abhi tak aayi nahi hain.

  Anshuman ko unknown number se message aata hai.

Unkown: Aarohi hamare paas hai.

Unkown: * video*

  Anshuman video play karta hai jimein Aarohi ke haath- pair aur muh bandhe hain, aur wo behosh hai. Anshuman idhar udhar dekhta hai lekin saare mehmano ke beech wo dhoondh nahi paata hai.

Unkown: Adhij bhi hamare paas hai. Aaj uski jagah shaadi mein tum baithoge, warna apni behen ko hamesha ke liye alvida keh dena.

Anshuman: Kaun ho tum? Kya chahiye tumhe?

Unkown: sawal mat puchho, jaisa keh raha hoon waisa karo. Aur agar kisi ko bataya, to yahan tumhari behen tain (same pronunciation as main) bol jayegi. Main yahin hoon aur tumpar nazar rakh raha hoon.

Unkown: Tumhare liye dulhan ka intazaam ho gaya hai, uski tension mat lo.

  Kaun hai yeh banda? Yeh Aarohi se kya chaahta hai? Kya yeh kisi business rival ka kaam hai? Wait, this must be the same person jisne Bela di ke phone se footage hataya tha.

Anshuman: Done, lekin meri behen ko kuchh nahi hona chahiye. Agar use ek kharoch bhi aayi, to I'll find you.

Unkown: Adhij ke room mein tumhe apne kapde milenge. Be ready. Koi shaan patti dikhai to Aarohi bhugtegi.

---☆---

  Adhij apna chehra dhak kar mehmano ke beech sab dekh raha hota hai jab use Radhika dikhti hai. Radhika yahan hai to uski jagah kaun hai? Kahin Maan chhut to nahi bachi? Shit! Dekhna padega.

  Adhij Niharika ke kamre mein jaata hai usse puchhne lekin wahan wo Maan ka phone dekhta hai. Maan yahan hai, yaani Didi Aarohi wale kamre mein hain. Zaroor Maan ne yeh adla- badli kiya hai. Is wakt main Anshuman ke liye dulhan nahi la paunga, to Maan ko Anshuman se hi shaadi karna hoga. Didi, you owe me big time. Aapki shaadi Kunal se ho uske liye main mehnat kar raha hoon.

  Adhij staff ko batata hai ghar walon ko batane ki room 104 mein Kunal ki dulhan hai aur room 108 mein Adhij ki dulhan.

  Staff jaake Sonia aur Maya ko batati hai. "Hain? In bacchon ne pehle dulhan ka joda badal diya, phir dulhe ki sherwani badal di aur ab kamra badal diya. In bacchon ko ant tak chain nahi hai. Agla kya, jodi hi badal jayegi?"

  "Sonia, kaisi baat kar rahi hai?"

  "Sorry Mummy ji."

---☆---

  Shaadi ki rasmein shuru hoti hain. Pehle dulhe ko bulaya jata hai, phir dulhan ko.

  "Hamari dulhan ne itni lambi ghoonghat kyun daali hai?"

  "Hamare yahan dulhan ghoonghat seedhe suhaag raat ke wakt uthati hai apne pati ke liye, aur baaki sab ke liye muh dikhayi ke wakt," Ronit kehta hai. "Ab muh dikhayi ka matlab bhi to hona chahiye. Agar sab ne abhi chehra dekh liya to muh dikhayi mein kya hoga. Ma ji, aap to hamare is rasm ke baare mein jaanti hain na, aapne samdhan ji ko bataya nahi?"

  Niharika kahan hai? Yeh nalayak bacche pata nahi ab kya kar rahe hain. Mujhe chain se jeene nahi denge. Agar aaj mere bete aur beti ki shaadi theek se nahi hui to teeno ko chhodunga nahi. Pata nahi kya kya khurafat karte rehte hain.

  "Sonia, Ronit ne mujhse pehle baat kar liya tha. Rehne de."

  "Sorry Mummy ji. Main nahi jaanti thi to bas puchh rahi thi."

  "Dulha dulhan ko varmala pehnaiye," Pandit ji kehte hain. Dono dulhe varmala pehnate hain.

  "Ab dulhan dulhe ko varmala pehnayegi."

  Jab Kunal ki dulhan varmala nahi pehnati hai to Dadi kehti hai, "Puttar, varmala pehna."

  "Pata nahi kya ho raha hai."

  "Lagta hai nervous ho rahi hai. Rukiye," Ronit dulhan ke paas jata hai aur usse Kunal ko mala pehenwata hai.

  Puja ke aage ki vidhi shuru hoti hai. Phir pheron ki baari aati hai. Phir se Kunal ki dulhan khade nahi hoti hai.

  "Kya ho gaya hai ise?" Sonia puchhti hai.

  "Koi na, Sonia. Shaadi ke din ghabrahat hoti hai. Ja, madad karde uski."

  Sonia Kunal ki dulhan ko khada hone mein madad karti hai, aur jab phere chal rahe hote hain to use sahara deti hai. Kya ho raha hai yeh? Kuchh sahi nahi lag raha hai. Maan ki tabiyat theek hai? Abhi sab ke saamne tamasha karne ka matlab nahi banta hai, shaadi ke baad dekhungi.

  "Vivah sampann hua. Dulha- dulhan ab badon ka aashirvaad le sakte hain."

  Kunal nayi bahu ke saath apne Maa ka aashirvaad lene jaata hai jab achanak ek aurat jor se bolti hai, "Kunal, apni saas ka aashirwaad nahi loge?"

--------------------------------------------------------------------------------------------------------------------------------

A/N:
Yeh chapter thoda chhota ho gaya, par agla chapter bada hoga, I promise. Sab koi aise hi mujhe pyaar dete rahiye aur mere saath bane rahiye aage janne ke liye ki dono shaadi- shuda jode ki shaadi- shuda jeevan kaisi hoti hai, ya inki shaadi bani bhi rehti hai ya nahi. Agar aapko chapter pasand aaye to vote kariyega aur aapka comment bhi most welcome hai yahan, mujhe achha lagega aapse baat karke.

Love,
SilverStar