رغم قسوة الحياة سأحيا

اقتباس.

كنت محتارة ما بين أكتر من اقتباس، لكن اختارت ده في الآخر.... قراءة مُمتعة. ♥

♡ ................... ♡

تنفَّس "طلال" بصعوبةٍ، زاغت عيناه بعيدًا، بعيدًا للغاية عن هنا، فهزه "فراس" بمزيدٍ من قسوةٍ تغلف عتابًا له، هتف سائلًا وغضبه لازال يتحكم به:
_ليه عملت في نفسك وفينا كده؟ ليه؟ قــــــول!

تراخى جسد "طلال" فبات هامدًا، رفع عيونه في عيني الآخر ناظرًا إلى أعماقهما، بينما انطلق لسانه مسترسلًا في تساؤلاتٍ تهلك عقله وتُرجف قلبه مع ذلك كان صوته خافتًا رغم كل آلامه المتفجرة بدواخله:
_عشان تعبت، تعبت، أنا إنسان، بحس، بخاف، بتألم، وعندي قدرة تحمل وطاقة والاتنين خلصوا خلاص، ليه لازم أظهر بشكل القوة؟! ليه لازم أكون طلال الجامد إللي أمه وأبوه اتقتـ.ـلوا قدامه ومتهزش؟!!
ليه لازم أكون متماسك وأنا كل يوم بيوصلني تهديد على حد بحبه، ليه مش عارف أكون قريب من اللي بحبهم ودايمًا ببعدهم عني؟!

صمت "طلال" قليلًا، وعيناه رصدتا دموعًا متدفقة في عيون "فراس"، اختنق أكثر وأكثر ثم فاجؤه بصراخه المحتد:
_ليه يا فراس رد عليـــــــا؟!

ضاقت الدنيا على صدره، داهمه دوارٌ غادر أربك جسده فتمايل في وقفته، صرخ "فراس" باسمه بذعرٍ تملك منه:
_طـــلال!!

.♡♡♡♡♡♡♡♡♡♡♡♡♡♡♡♡♡♡♡.

تتوقعوا طلال عمل إيه؟
وليه فراس متعصب؟
وإيه إللي ممكن يحصل؟
آراءكم تهمني. 💙