من أنا.. الجزء الثاني

02

وصلنا لمقر الجمعية الخيرية لبلاصة جاية بناية كبيرة فيها ايطاجات وكل ايطاج وش فيه كاين تاع اطباء ومكاتب محامات وانا ثم درت جمعيتي وسميتها ﴿فرحة يتيم﴾ هذا الاسم اقتارحو عليا بابا ووحيد هوما يلي فكرو فالاسم وقالولي عليه انا ووحيد شركاء وبابا عاوني بزاف ومع سامي طبعا يلي مستحيل نستغنا عليه معاوني و Mon bras droit ، طلعنا للايطاج الدوزيام جبدت لمفاتح يديا يرجفو مديت لوحيد فتح دخلنا مع بعض كانت الساعة 06:30 ، رحت فتحت تواقي ودرت قرآن شوي هك لحق قروب مكلف بهاذ الحفلات وجابو حوايج كومونديتهم (راكم تعرفو تقديمات ليصالي لقاطو تحليات تارت..) حطو ووجدو كلش فبلاصتو بتوجيهاتي طبعا ريقي نشف وانا نوجه فيهم حط هنا حط لهيه وانا نوجد لحقت تسنيم وسامي ومن وراهم ماما وبابا بقاو يشوفو شكروني على توجاد ،مع كملنا بداو يلحقو الناس وقفت مع وحيد حكملي يدي دارلي الكوراج (الجمعية انا ووحيد شركاء يعني بإسمي وإسمو) بداو يجيو الناس ومن اكبر الشخصيات تقريبا اكل معارف بابا وسامي ووحيد وهذا شي عاوني بزاف لاخاطر لقيت بزاف لي يعاونو فالجمعية ويتبرعو للأيتام ؛ فات نهار كامل مع الغاشي جاو بزاف ناس سيرتو من معارف وحيد و الحمدلله فاتت على خير كي لحق الليل وخلاصو الناس لي يجو مأمنتش قعدت فالبيرو مع عايلتي فرحانة ودنيا مش واسعتني مالقري تعبانة مي كي فات هاذ النهار على خير نسيت كل تعبي واخيرا هاذو عامين من التعب الحمدلله نجحت وربي يقدرني فالمستقبل ونعاون كل الايتام ، بديت في مشروع الجمعية وانا مزال نقرا وضك كملت قرايتي ودرت جمعيتي حلمي تحقق واخيرا ، قعدنا شوي وناضو كامل راحو بقيت غير انا ووحيد راح معاهم غلق الباب ورجع عندي وقف فالباب وفتحلي ذرعيه رحت نجري عندو تحضنتو _كنت محتاجة حضنك_حتى انا نعرف مرتي لعزيزة وش تحتاج ونعرف مليح بلي كي تتعبي في نهارك لازمك حضني _يعمري نتا ربي يحفظك ويخليك ديما سند ليا ، باسني على راسي_هيا عمري نرجعو لدار علابالي عييتي _ايه نروحو مام نتا حبي راك عيان وغدوة تخدم_لالا انا موالف بالوقيف بزاف وتعب ، صكرنا لباب وخرجنا ركبنا طوموبيل ورجعنا لدار الساعة 22:00 محبيتش نجيب لارا اكيد تكون رقدت لاخاطر جات فنهار مع جداتها ونسا عمامها وروحو مع لعشية ، طلعت مع سكالي نجر في روحي لحقني محبوبي حط يدو على خصري وسندني عليه وطلعنا مع لحقت لدار رحت طول دوشت لبست بيجامتي وتوضيت ، خرجت لقيت حتى هو يستنا دخل دوش وانا رحت صليت وقاتي كملت نشفت شعري ودرت مرطب لوجهي وطول لفراشي ، خرج وحيد جبد سيرفات سروال وتريكو لبسهم وراح صلى وجا حكم بلاصتو فتحلي ذراعو هيا عندي _حتى انا كنت نستنا فيها راك ولفتني طبيعة هاذي حتى عند ماما عدت منقدرش نروح نبات تالمو والفت غير صدرك نرقد عليك وكون منسمعش نفسك ودقات قلبك ونشم ريحتك منرقدش ، ضحك وباسني _ياعمري على بنتي حتى انا والفت نديرك عندي كي القطة وباه نرقد ..