من أنا.. الجزء الثاني

21

   _وحيد قبل كلش راح نهدرو ونتفاهمو ومنيش راجعة معاك غير لا حطينا النقاط على الحروف _انا صح غلطت معاك بصح اعذريني كنت مقلق وكانو عندي مشاكل فالخدمة ونتي زدتي عليا انا تشكي فيا بلي نخدعك؟ فرح انا من غيرك مانشوف لحتى مرا غير كونك متهنيا انا نحبك غير نتي ونشوفك غير نتي وماتحلى حتى مرا في عيني _بصح وين كنت هذيك الليلة ويماك وش لهدرة لي تقول فيها _ فذيك الليلة رحت جبت واحد صاحبي من المطار وهو طبيب جبتو باه يولي يخدم معايا فالكلينيك وصراو مشاكل مع les Papiers تاعو علابيها مرجعتش لصباح ووش قصة يما وش دارتلك لي راكي تقولي يماك يماك_خلاص مكان والو_فرح اهدري ياك قلتي نحطو النقاط على الحروف هيا اهدري كلش وش كاين ونفريوها ضك _يماك راهي تقولي اذا مش قادرة على يارا نقول لوحيد يرجع مرتو وراها كل مرة تعاود هاذ الهدرة وتقلي غير صارة لي مرجعتها وانا هاذ الهدرة هبلتني مخلاتليش عقل فراسي ، جبدني ليه حطلي راسي على صدرو _ونتي صدقتيها لاه تشوفي فيا موذن ؟ ولا صغير ولا منعرفش صلاحي ااه ولا  تحسبيني طرطور الريح لي جا يديني انا يما ماتجرأش حتى تفتح هاذ الموضوع قدامي على هاذي جات ليك ونتي حبي زربتي روحك كان غير حكيتيلي فهذيك والله مانلحقو حتى هنا (فكرت نحكيلو على الميساج مي قلت منكبرهاش ماعندها ماديرلي بصح ياريتني قتلو) _منعرف وحيد انا اصلا كنت مقلقا وعقلي مش معايا على هاذي لي زربت روحي ومسمعتش منك_خلاص حياتي ضك نروح نتفاهم مع يما  تولي حتى قدام خيالها متقدرش تفتح الموضوع هذا مش غير قدامك نتي وش الحالة هاذي نتي من وقتاه وليتي متسرعة هك كنت غير انا نزرب روحي ضك ولينا لزوج الله يستر برك _ولاه ديت لارا لأمها ياك تفاهمنا ماتتلاقاهاش _امها لي جات ليها للاكراش تاعها وكانت مع خوها عطيتلو لارا ليه وقتلو 10دقايق وندي بنتي  خليتهالهم قعدو معاها شوي ورجعتها لدار انا هاذي ام لارا ماشافتني ماشفتها وماتربطني بيها حتى علاقة مالا نحي الافكار هاذو تاعك ويما نروح ونتفاهم معاها كيما قتلك هاه زيدي كاشما نسيتي نقطة محطيتهاش على الحروف _ولكف _نشالله تتكسر يدي قبل ما نخمم مرة أخرى نهزها عليك رضيتي هك؟!_ رضيت غير 40% _ و60% لخرى وين راحت _مع الوقت تزيد النسبة ضك مزالني زعفانة منك ، ضحك وتحضني _هيا حبي نوضي نروحو لدارنا لارا توحشتاتك وانا كثر _لالا منروحش_ووش كنا نهدرو فرح حبيتي تهبليني هيا عمري متصعبيهاش علينا كثر راني توحشتك بزاف وتوحشت حسك فدار هدرتك ضحكتك تزحشت كي تستقبليني فالباب ،بقيت نشوف فيه ونخمم انا صح توحشتو وحابة نرجع لداري بصح حاسة روحي كارهاتو ومرات حتى نحس روحي راح نرجع كي نشوفو ولا نشم ريحتو اكيد حالتي هاذي من القلقة وكي شديت فقلبي من جيهتو مي لازم نقاوم ومنخليهمش يغلبوني ويفسدولي حياتي قتلو خليني نخمم _فرح تحوسي نديك بسيف؟! وش تزيدي تخمي هيا نوضي عينيا ولا حبيتي كملي زعافك عندك المهم تقعدي معايا ونشوفك قدامي ، درتلو براسي ايه ونضت نوجد روحي ومتردا دخلت ماما لقاتني نلبس _الحمد لله يابنتي هكذا نستعرف بيك ماتمدي الفرصة لحتى واحد يفسدلك زواجك وحيد راجل لاباس عليه ملازمش تخليهم يدخلو بيناتكم وان شاء الله هاذي اخر مرة يصرا بيناتكم هاذ المشاكل وسوء التفاهم _ان شاء الله ماما بصح راني حاسة روحي كارهاتو ومش حابة نرجع والله مزال محتاجة وقت_ لالا متقوليش هك بنتي هاذا راه غير الشيطان يديرلك هك تعوذي منو وشهدي وستغفري وارجعي لدارك..