من أنا.. الجزء الثاني

15

  خرجت لقاتني  في وجها لونها تبدل قاتلي كشما نسيتي لي رجعتي ؟_ مارحت مانرجع وهدرتك اكل سمعتها والله ماتحشمي هاذا لمزية مرت عمي تجي تهدري عليا هك وزيد تحوسي تخربيلي داري _انا راني نخمم في مصلحة بني _ ايه معليش ممبعد يجي بنك واحكي نتي وياه على مصلحتو انا ماعندي مانجاوبك حاليا نخليك بينك وبين لي خلقك لاخاطر نتي كثرمني وراكي ام راجلي وفي نفس الوقت مرت عمي يسما واجبي نحتارمك بصح والله والله والله ياو تزيدي تتجاوزي حدك معايا مانفوتهالك ماشي كي شفتيني نحشم وساكتة تحسبي منعرفش نرد على روحي وانا نهدر معاها خرجت عبير _يافرح انعلي الشيطان ماصرا والو ساعة شيطان برك _ايه علابالي مي راني نحط في النقاط على الحروف انا علاجال نفسي وراجلي وزواجي متتوقعوش مني وش ندير مالا من ضك حل واحد يلزم حدو ويعيش حياتو احسنلو ؛ قلت هدرتي وطلعت خليت عبير ورايا تهدر وزعما تهدي فيا ماقدرتش نجاوبها لاخاطر دمعتي سبقتني وتخنقت مش حابتهم يشوفو دمعتي ، طلعت منشوفش قدامي لي نلقاها في طريقي نكسرها حسيت النار تخرج مني يديا يرجفو وجسمي اكل يرجف ماحبسني غير صوت لارا من ورايا _ماما وشبيك؟!، شفت فيها مسحت دموعي وحاولت نتحكم فروحي _والو بنتي وين كنتي طولتي _جا بابا داني من المدرسة _ ووين كنتو فهاذ الوقت داك للماناج؟؟_لالا ، بدات تهدر وتأتأ _لارا اهدري وين كنتي نتي وباباك ولا هو قالك متقوليش_خلاص ماما ضك نقلك بصح متزعفيش _اهدري لارا اهدري _ رحت شفت ماما _ماماك؟! وين تعرفي نتي ماماك هاذي_ جدة ديما توريلي فطواتها وتقلي هاذي ماماك بصح انا ديما نقلها لالا ماما فرح حتى ليوم كي داني باباها لعندها وزاد قالي بلي هي ماما وباه صدقت ، جات تجري عندي تحضنتني من كرشي وانا غير واقفة ومصدومة مقدرتش حتى نهبط عندها مأمنتش بلي وحيد يدير هاذ الحاجة ياك نهار لول قال تروح مو واشرف يدوها باه تشوفها لاه راح هو وتلاقاها حتى على هاذ الموضوع ماهدر ماعلمني اصلا كنت حابة نحكي معاه كيما وصاتني امو وكي جات ضربة بابا نسيت زعما يكون يتواصل معاها ؟ اييه وكون مجاش يتواصل معاها كيفاش يتفاهمو وقتاش يتلاقاو ، بقيت نطلع ونهبط زمان وباه رجعت لوعيي لقيت لارا مزالت شادة فيا وتبكي _نتي هي ماما ونحبك نتي منحبهاش هي ، حطيت يدي على راسها قتلها نتي بنتي ونحبك كيما تحبيني وكثر ماتزيديش تبكي لارا ماصرا والو وهيا ضك روحي بدلي قشك وارواحي نوجدو لعشا كيف كيف ممبعد نراجعو الدروس هكاا ماما ؟ ، ضحكت وقاتلي ايه  دقيقة ونجي ؛ بدلت قشي ورحت لايمت الزجاج ولحوايج لي طيحتهم من قلقتي مافقتش دخلت للكوزينة وجدت لعشا وتعشيت انا ولارا ووحيد مارجع لدار قلت بلاك يخدم مي مش عوايدو جيت نعيطلو وليت حبست قلت نخليه علابالي هو مقلق وانا كثرمنو مانحكي معاه ماتزيد تتأزم الحالة ، لحق وقت رقاد لارا ديتها لشمبرتها وغطيتها قريتلها قصة حتى رقدت ...