من أنا.. الجزء الثاني

22

لبست حيجابي ودرت خيماري رحت لبابا بقيتو على خير وهبطو تسنيم وسناء بقيتهم على خير وخرجت مع وحيد لحقتنا ماما حتى للباب توصي فيا وتقول لوحيد تهلاو في بعضاكم ومتخلو حتى واحد يدخل بيناتكم سلمت عليها وخرجنا ، دخلنا لدارهم وقفنا فالجاردان _حبيبي مزالت حاجة مهدرناش فيها_واش هي؟؟_ تاع تدي قرارات بلا ماتشاوريني راني راجلك فرح واذا سكتلك من قبل راها من معزتي وحبي ليك مالا منا ولجاي متتجاهلينيش باه نعيشو آلاز بلا مشاكل (كشغل حس بشي لي راح يصرا قال نعيشو بلامشاكل يحسراه لاه فرح وقتاه عاشت بلامشاكل )، درتلو براسي ايه تبسم وحكملي يدي ودخلنا لقيت يماه كي العادة مع عبير ولارا ولولاد دخلنا حاكملي يدي قال لعبير ادي لولاد منا تعيشي ، ناضت داتهم وراحت شاف في يماه قالها يما وش لهدرة لي سمعتها مش عيب عليك تستصغريني هكذا قدام مرتي وطيحي بيا ؟! وتزيد تكوني السبة باه تتخربي عايلة ماخممتي لا فيا ولا في لارا ، جات تهدر قاطعها _والله صح يما وشراكي حابة مني ملخر هاذي صارة لي كلاتلك راسك نسيتي وش دارت!! علابالك فالوقت لي طيشت فيه هيا بنتها كانت فرح هي لي تربي فيها ودارتها كي بنتها وبالعكس لارا ريحت مع فرح كثرمن امها الحقانية_ بصح راهي فعامين بلا ولاد وانا غاضني حالك_ يما انا شكيتلك؟! قتلك حاب لولاد؟؟ وديجا بلاك لمشكل فيا مش في فرح ،_بصح نتا ضنيت_وفرح ثاني جابت من قبل ديجا خلينا يرحم والديك هاذا موضوع يخصني غير انا ومرتي مانقبل حتى واحد يدخل واذا شفتك غير راح تبقاي ديريلي فالمشاكل ندي مرتي وبنتي ونرجع لداري الحل كاين _هك يا وليدي علاجال مرتك تروح وتخليني(تهدر وتبكي تبان تمثل) _انا مش حاب تخليكم بصح نتي راكي تجبري فيا مالا خلينا ملاح وصارة لي راها تعمرلك فراسك قلها قالك وحيد كان جيتي مرا ماطيشي بنتك وهي فذاك لعمر خلي ترجع للخارج بلاك ينفعوها ولا كي ماصلحتلهاش ثما رجعت هنا هي دير فالمشاكل ونتي عاونيها ، شاف فيا قالي هيا تطلعي ويزيد يتفتح موضوع لي متتسماش نعرف وش ندير هيا اطلعي ضك نقضي شغل ونجي درتلو براسي ايه وعيطت ل لارا و طلعت لداري مع لحقت شعلت للارا تيلي وخليتها تتفرج رحت  فتحت تواقي هويت الدار وسيقت لقيت وحيد مطيش القش فكل بلاصة ماجيت نخلص حتى غلبت جبتها نهار كامل حتى للعشية وباه كملت بصح رجعت الدنيا تشعل ، رجع وحيد وجاب قضيان لقاني فالكوزينة نخمم وش نطيب ، حط من يدو وجا عندي كل ماقرب ليا يتحضني ولا يبوسني قلبي يخرج فلول حشمت ممبعد بعدتو عليا _وحيد تعيش منيش مليحة هاذو ليامات خليني براحتي حتى تتنحالي اكيد هاذ اكل من الزعاف وستراس لي فوتو ، ماهدر حتى حرف بعد عليا وخرج خبط لباب اووه وكفاه الحل معاه لي نهدرها يزعف الله غالب مش بيدي خليني منو كون ندير عليه نفوت حياتي غير قلقة وتخمام ، جبدت سقمت القضيان فبلاصتو وطيبت لعشا حطيت كليت انا ولارا خليتلو عشاه فوق لاطابل ورحت مع لارا قريتلها قصة قاطعتني فالنص قاتلي ماما لارا صح جدة وش تقول؟_لاه وش قالت _قالت بلي مش راح ترجعي وقاتلي ضك ترجع ماماك وتولي تعيش معاك هنا _ونتي حابتها ترجع؟_ لالا حاباتك نتي تقعدي معايا ، بستها من راسها وكملتلها القصة حتى رقدت صكرت الباب وخرجت طليت لقيت وحيد يتعشا قالي لاه متستنايش راجلك يالفصعونة راني نشوف فيك تبدلتي عليا ياك تفاهمنا وسامحتيني ولا كشما مزال ، قعدت قدامو حاولت نهدر معاه غير بشوي ومنكونش غبية هاذ المرة _حبيبي افهمني والله راني نفوت في فترة صعيبة مرض بابا ومشاكلي معاك ومع يماك هاذو اثرو فيا نورمالمو غير نتا لي تفهمني حنوني _ايه فاهمك عمري بصح انا راني نحاول نصلح لي بيناتنا متنسايش بلي المشاكل يخليو فجوة بين اي زوجين ولازم انا نصلح ونتي تصلحي وياربي تتسقم الحالة _ايه عندك الحق بصح_ اشت متهدريش بزاف هيا نوضي جيبيلي لما عطشت...