من أنا.. الجزء الثاني

10

  وكيما كان الحال زوجت بيه ومن نهاري شفت الويل حسبي الله ونعم الوكيل ضاع صغري وشبابي _لا ختي متقوليش هك ماضاع ماوالو راكي مزلتي صغيرا وجاية لدنيا شابة وقارية وبربي نشالله توقفي على رجليك وتتحسن حالتك ويرتاح وليدك وترجع حياتك هانية جيست ديري املك فربي _ان شاء الله ختي ربي يحفظك لي سمعتيلي اسمحيلي ضك نروح نشوف طبيب اذا جا باه يشوفلي الطفل _معليش براحتك ختي بصح قوليلي وين راكي تباتي مش قلتي حاوزك_ايه راني عند وحدة فاميلية تاع ماما ربي يرحمها يكثر خيرها لي آواتني في دارها انا ووليدي مابين لاشفت خدمة ودبرت اموري _معليش قوليلي وش قارية_ انا قريت حقوق_صحة ختي هاكي لاكارت هاذي فيها نميرو تاعي وعيطلي كي تسطالي وبإذن الله نلقالك حل _ان شاء الله شكرا بزاف راها تبان على وجهك الطيبة ربي يحفظك _امين شكرا ، مع خرجت رجعت بيا الذاكرة لأيام رفيق وكيما كان يعذبني ااه يادنيا شوفني الويل على كل حال ربي يرحمو الرهج لي كان يشرب فيه هو يلي مأثرلو على عقلو وحالتي كانت كي حالة المرا هاذي صغيرة وجاية لدنيا ضيعوها وضيعولها حياتها مع واحد كيما هاذا مي نعرف بلي غلطة اهلو كفاه بنهم تاع شي هاذا ويروحو يجيبولو بنت الناس يدموروها معاه تحت شعار زوجوه يستعقل ، ربي يهدي ماخلق تخمام المجتمع لازم يتغير سينو راح يدمرو بزاف بنات من هاذ التخمام ، مافيقني من تخمامي غير صوت لارا _ماما ماما _اا بنتي_من قبيل وانا نهدر معاك_مسمعتكش وقيلا داني تخمامي لبعيد هاه كشما حتجتي_ ايه جعت حابة ناكل ، شفت الساعة لقيتها 12 اوه فات الوقت ومافقتش _ايه هيا نوضي نروحو نتغداو وبلاك نرجعو لدار مكانش لخدمة ليوم ، هزيت حوايجي وهبطنا دخلنا ريسطورون تغدينا وخرجنا عيطت لوحيد مارفدش عليا عرفتو مزال في العملية وليت كتبتلو ميساج "راني راجعة لدار ماتشقاش ليا للجمعية" ، رجعت لداري فرزت حالتي وسيقت كملت مع اذان المغرب صليت ووجدت لعشا لارا طلبت الطعام وليت درتلها خاطرها ؛ للغدوة تلايمت مع خاوتي وخواتاتي ورحنا للكلينيك باه نديرو  تحاليل ونعرفو شكون منا يقدر يتبرع لبابا سهى بالحمل متقدرش تتبرع مي حبت تروح ومام ماما زمرتها مهيش كيما تاع بابا، لحقنا ثما قعدنا مع وحيد فالبيرو تاعو قالي سامي فرح حنا من لول علابالنا منقدروش نتبرعو لبابا_بصح لاه؟ _ زمرة الدم مش كيف كيف وهاذي لحاجة ساهل باه نفهموها مي حبينا نجيو معاك نتي ويحي باه نديرولكم الكوراج _ اا كفاه راحت من بالي نسقسي على هاذ الحاجة انا والله ماكان عندي حتى فكرة على التبرع بصح اذا نطابقت زمرتي مع تاع بابا نمدلو بلا تخمام المهم يريح _وهاذا لي توقعتو منك ، نطق يحي قالو اذا قبلو انا لي نتبرع من الاحسن نمدلو انا خير فرح نخاف عليها وعلابالي معندهاش لكوراج ،تبسم سامي _بون كوراج ان شاء الله يفوت كلش على خير، دخلت فرملية قالي وحيد روحي معاها نتي ويحي تنحيلكم الدم وارجعو ، نضنا معاها دخلتنا لوحد لاصاي ونحاتلنا الدم ودرنا تحاليل البول ، ورجعنا للبيرو فاتت ساعة وحنا نستناو راح نهبل وانا نستنا وندعي انو يفوت كلش على خير دخل طبيب هاز وراقي ..