من أنا.. الجزء الثاني

18

    بقيت نشوف فيها هاذي ضك وش جابها ياخوفي تهدر قدام بابا مريض يزيد عليه لحال ناضت ماما سلمت عليها ودخلتها قعدت قرصتني ماما شفت فيها بقات تهدر بيني وبينها _لاه جات كشما كاين؟_ كي تروح نحكيلك _ولاه متهدريش من قبيل _ خلينا ماما مباعد نحكيلك ، ناضت تسنيم حطتلها ديسار وجي وهي غير ساكتة ناضو خاوتي طلعو لديارهم و ماما عاونات بابا دخل للاشومبر  تاعو ورجعت ثم ثم قعدت غير انا وماما و تسنيم وسناء يشوفو فيا وفيها حابين يفهمو وشكاين  سكتت شوي ونطقت _ياطفلة وش مقعدك هنا ومخليا راجلك ولارا وحدهم فدار ، شفت فيها بحقد وجاوبتها بتشناف هدرتها لضك مزالت فراسي قتلها _ وش السؤال هاذا نضن هاذي حاجة تخصني غير انا وراجلي وزيد هو ولا بنتو وش راح يخصهم ياك ليلة ونرجع _ايه قلت بلاك مكيش قادرة على مسؤولية لارا ولا مع الجمعية تولي متلحقيش عليها راهم كاين حلول (تهدر وتذبل فعينيها وتتمسكن استفزتني) ، وقفت قدامها اعصابي على نار منعرف وشبيا وليت ننفاعل ثم ثم ونتقلق هاذا اكل من الضغوطات لي راني عايشتهم ، شفت فاز vase فوق الطابلة خبطتو طاح _وش تقصدي بهدرتك هاذي تاع كاين حلول ، وقفت ماما حكمتني من يدي _وشبيك بنتي مرت عمك مقالت والو _(وليت نبكي) نتي مكيش فاهمة والو ماما نطقت عجوزتي يابنتي وشبيك انا قصدي يعني اذا متلحقيش نولي انا نحكمها عادي راها بنت بني _قصدك واضح وانا فهمتك مليح وش تحوسي ووش ناوية نتي حابة تهبليني يا مخلوقة اخرجي من راسي اخرجي من حياااتي خليني فحالي راني في وقت صعيب مرض بابا من جيهة و مشاكلي مع وحيد من جيهة وتعب الخدمة من جيهة وزدتيني نتي بهمك ، نهدر ونبكي ونعيط حتى لكيسان وطباسا لي حطت فيهم تسنيم هزيت كسرتهم وماما ونسا خاوتي واقفين غير يتفرجو وداهشين فيا حتى انا ومفهمتش روحي لاه راني ندير هك وليت خفيفة وعلى كلش نتقلق حاسة بضغوطات نفسية كبيرة مالقري فوت ماكثر بصح الله غالب قلبي معادش يتحمل ، سمعت صوت بابا يعيط على ماماقاتلي اسكتي فرح باباك راه مريض وليت سكت خليتها غير راحت ليه شفت لمرت عمي وضك تقدري تروحي ويعطيك الصحة على لحالة هاذي لي وصلتيني ليها ، ناضت خارجة وتمتم وتقلي والله يافرح غير تندمي وصارة مرجعتها مرجعتها هزيت لكاس لخر لي بقا واقف راح نطيشو عليها حكمتني تسنيم وصكرتلي فمي قاتلي اسكتي باباك يسمع راه مريض ومخصوش ، سناء لايمت زجاج وتسنيم طيبتلي نعناع باه نهدا ونتكالما شربتو وحطيت راسي على لفوتاي تنفست زماان وباه تكالميت جات ماما _ياطفلة وشكاين وش بينك نتي ومرت عمك يخي كنتو لاباس عليكم راني نشوف فيك يافرح وليتي على اعصابك بشوي برك تكالماي راكي كي نضتي تخبطي هكذاك شوكيتيني تحسب مش فرح بنتي حتى باباك قالي وش صرا وليت غير نكذب ونقلو ولد سامي وولد يحي طيحو لماعن تكسرو اهدري وشكاين ..