من أنا.. الجزء الثاني

11

دخل طبيب راجل كبير فسن ،ناض وحيد _تفضل اقعد واشرحلهم الوضع (وحيد مالقري طبيب مي كي عدنا عايلو يخلي طبيب اخر يتصرف) ، قعد _فرح## _انعم انا هي _ و يحي ## ،قالو يحي انعم ، شوفو وليداتي بما انكم توأم من الطبيعي انو عندكم نفس الزمرة تاع الدم وعلى حساب الزمرة راكم لزوج تقدرت تتبرعو مي المشكل راح في يحي ### على حساب ليزاناليز عندو السكر طالع والملف الطبي تاعو بين بلي هو من مرضى Diabète (السكري) يعني نتي مدام فرح لي راح تتبرعي للسيد حبيب### مزالت حاجة وحدة تفوتي لطبيبة امراض النساء باه نتأكدو انو كلش مليح ونكملو الاجراءات ، فرحت وقلت الحمدلله ياربي انا بابا نمدلو عينيا وبلا حتى تخمام شحال وانا بعيدة عليهم وكي لقيتو منقدرش نتخيل تصرالو حاجة مزلت مشبعتش منو ومن حنانتو مالقري فاتو ثلاث سنين ملي رجعت مي مزلت ماشبعتش والديا وخاوتي ، نضت وجا معايا وحيد كي خرجنا قالي فرح تمنيت يكون واحد من خاوتك متبرع والله راني خايف عليك العملية هاذي صعيبة _ يعيشك اذا حاب نبقاو حباب متعاودش الهدرة هاذي انا علاجال بابا نمد روحي ومعنديش مشكل راه بابا يا وحيد حاجة ماتحبسني لا مرض ولا حاجة اخرى ( انا اريد وانت تريد ولكن القدر يفعل مايريد هاذي لي راح تصرا معايا وراح يكون لمكتوب ربي ومشيئتو راي اخر) ، دخلنا لطبيبة لي موالفة ديما نروح ليها شافتني ناضت سلمت عليا قاتلي مدام وقيلا حبيتي ترجعي لعلاجك قالها وحيد لالا جينا باه تكمليلها الاجراءات بالفحص الطبي تاعك انو مكان حتى مشكل باه اذا كتب ربي تتبرع بكليتها للوالد تاعها _ايه صحة ، تفضلي مدام اطعلي فوق لاطابل ، انا طلعت وتكسلت ووحيد خرج جات قدامي بدات ديرلي في السونار بقات تشوف وتتأكد ممبعد تبسمت _مدااام خبر يفرح _غير الخير _الحمدلله ياربي راكي تخلصتي من التكيس قعدت حاجة قليلة مع الوقت ان شاء الله راح تتهناي منو _الحمدلله ياربي(ماكنتي مركزا مع الموضوع هاذا ولا عاطية اهتمام نحوس غير طمني بلي نقدر نتبرع) قوليلي دكتورة ياك معندي حتى مشكل ونقدر نتبرع لبابا _وي نورمالمو مكاش وزيد نعطيك تحاليل اخرى نتأكدو منهم وخلاص _اوكي الحمدلله طمنتيني ، رحت ثم ثم درت ليزاناليز لي عطاوهملي ورجعت شافتهم وكلش مليح ؛ روحنا كامل لدار قلت لبابا لخبر فلول محبش قالي انا راني كبرت ولا لحق وقتي نروح مهني راني درت كلش فحياتي بصح نتي مزلتي صغيرا وجاية لدنيا وعلاه تفرطي فصحة من ضك خلي يابنتي اربحي صحتك انا راني مش راح نعيش كثرمن مما عشت _بعيد الشر عليك يابابا وانا منيش راح نمدهالك وانا ملزومة والله ماني معتابرتها واجب كبنت بصح هاذي من محبتي ليك وتعلقي فيك يابابا انا عينيا نمدهملك متتقلقش من جيهتي طول ..