(البارت الاول )
في الديرة
.
.
بيت ابو زيد
ابو زيد ؛ يله قم انت وياه لا صلاه ولا عبادة قم
العيال بصوت واحد ؛ قمنا قمنا
سمعوا صوت عصا ابو زيد في السيب ركضوو على الحمام يتهاوشون من يدخل اول
خالد ؛ سعد ابعد خلني ادخل
سعد ؛ انت الي ابعد انا ابي اتروش بعدين انت ادخل
زيد ؛ ياورع انت وياه مب وقت هواشكم
سعود دخل الحمام يركض وسكر الباب وجلسو يدقون الباب عليه وتروش وخلص وطلع وهم باقي يتهاوشون من يدخل اول
طلعو العيال بعد ما خلصو فطور وجلسو عند ابوهم ويشتغلون شغلهم المعتاد سعود يجيب العزبة عشان القهوة والشاهي و زيد يشب النار وخالد يجيب الفناجيل من داخل وسعد يصب لابوه القهوه
خلصو وجلسو
ابو زيد ؛ يله كل واحد يشوف شغله زيد و خالد المحل وسعد وسعود العزبه
العيال بصوت واحد ؛ ابشر
طلعو العيال كل واحد على شغله
في المدينة
.
.
ابو متعب ؛ يله يا متعب قومو دوامات يله
متعب ؛ قمت قمت
ابو متعب ؛ وليد وينه ؟
متعب ؛ قايم من اول مدري وين راح
قام متعب يفطر معا اهله وكل واحد راح لدوامه وبما ان اليوم خميس فـ راح يروحون الديرة عند عمهم ابو زيد
اول ما رجعو من الدوامات كلهم بلا استثناء تجمعو على الغداء
ابو متعب ؛ تجهزو اليوم بنروح الديره عند عمكم عبدالله
البنات ؛ كم بنقعد هناك ؟
العيال ؛ ابشر
ابو متعب ؛ بنقعد الى يوم السبت
في العصر مشو اتجهو للديرة
في الديرة
.
.
ابو زيد ؛ اليوم بيجي عمكم من الرياض
العيال؛ الله يحييه
البنات قامو معا امهم ينظفون البيت والغرف حقت ابو متعب وعياله
ام زيد؛ هيام جيبي المكنسة
هيام ؛ ابشري
اريام ؛ يمه ام فهد تدق عليتس
ام زيد؛ هاتي ارد عليها
في اثناء ان ام زيد تكلم ام فهد جارتهم البنات انسدحو
هيام ؛ اريام تتوقعين بيجون كلهم
اريام ؛ اكيد
هيام ؛ خل ندق على البنات نسالهم
اريام ؛ قدام
في المدينه
.
.
راما ؛ ريناد جيبي جوالي شوفيه يدق
ريناد بغضب ؛ طييبب
ريناس؛ بنات احس مالي خلق اروح
رنيم ؛ انا مره متحمسة انو اروح الديرة احس في فعاليات
راما ؛ اييي نفسي مره متحمسة
ريناد جالسه على جوالها ودقت اريام عليها وردت
ريناد ؛ هلا والله
اريام ؛ هلا فيتس
ريناد ؛ وحشتيني
اريام ؛ اكثر الى ابي اسالتس بتجون كلكم
ريناد ؛ اي ليه ؟
اريام ؛ لا مافيه شيء لكن اسال
ريناد ؛ شكلتس تبين وليد هاه
اريام ؛ لا يـبنت مو عن لكن اسال
ريناد ؛ اي بنجي كلنا لاتخافين
في الديرة
.
.
اريام راحت ركض لهيام
اريام ؛ بيجون كلهم
هيام ؛ اماا وانا هاذا لبسي كملي شغل بروح البس بسرعه واجي
اريام ؛ لا تتاخرين حتى انا ابي ابدل ملابسي
هيام ؛ طيب
دخلو العيال
زيد ؛ اريام اكوي غترتي
سعد ؛ وانا
اريام ؛ زين
هيام ؛ سعود بما انك خلصت روح البقالة جب الاغراض الي فالورقة
سعود ؛ طيب
راح سعود وعلى رجعته البيت لقاء عمه عند الباب وشاف ريناد بحكم انها تتحجب كانت في قمة الجمال
ابو متعب ؛ السلام عليكم
الكل ؛ وعليكم السلام
ابو زيد ؛ ارحب الله يحييك
ابو متعب ؛ البقاء
ابو زيد ؛ القهوه يا ولد
قام سعود يصب القهوه للكل في الخيمة
ابو متعب ؛ كيف الحال
ابو زيد ؛ بخير نحمدالله ونشكره
دخلو الحريم جوا وجلست ام متعب و ام زيد في المجلس والبنات في الصالة
.
عند الحريم
ام متعب ؛ كيفتس
ام زيد ؛ بخير الحمدالله
ام متعب ؛ دوم انشاءالله
ام زيد ؛ كيف تغير الجو معكم
ام متعب ؛ والله هنا افضل هناك بالرياض كتمه
.
عند البنات
اريام جالسه معا ريناد في الطرف و هيام معا راما وريناس ورنيم
هيام ؛ يوه يبنات من زمان ماتقابلنا
راما ؛ اي والله من زمان
ريناس ؛ الى صدق فيه بقالة قريبة من هنا
هيام ؛ اي في الحي الي ورانا بس لازم معنا احد من العيال لان فيه عيال
رنيم ؛ شرايكم نكلم سعود ونروح
ريناس؛ اي والله صدق وناخذ معنا خالد بعد
البنات ؛ قداممم
راحت اريام تكلم سعود يروح معهم البقالة و هيام كذالك راحت تكلم خالد وافقو العيال وقالو يله
البنات؛ والله انكم كفو
طلعو البنات ومعهم خالد وسعود الي كانو يسولفون قدامهم والبنات ورا يخططون وش يشترون
راما ؛ بنات شرايكم نشتري مكرونه عشان اسوي لكم باستا
البنات ؛ تمم
ريناد الي كانت تتامل سعود واريام كانت على الجوال وصلو
خالد ؛ بسرعه لاتتاخرون وجيبو لنا معكم
سعود ؛ اي لاتنسون تجيبون لنا معكم
البنات ؛ طيب
دخلو البنات وجلسو ياخذون اغراض وطلعو ومعا كل وحده ثلاث اربع اكياس عند العيال الي انصدمو من الاكياس الكثير والمليانه
خالد ؛ وش ذا قاشين البقالة كلها
سعود ؛ هاذا كله بتاكلونه في يوم هاذا تاكلونه في سنه
البنات ضحكو على رياكشناتهم وكلامهم
هيام ؛ اي معليك عندنا فرامات وناظرت في ريناد و اريام
ريناد ؛ وش فيكم تناظرون فيني كذا ؟؟
اريام ؛ هيام تطقطق علينا تقول فرامات
ضحكو الكل وراحو البيت
