( البارت الثامن )
<ماليزيا>
.
.
متعب ؛ انهاري يله تاخرنا بتروح الرحله
انهار ؛ ثواني البس عبايتي
متعب ؛ انتظرتس برا بسرعه
طلع وجلس في السياره وهو يتامل الاغراض الي على المرتبه الي ورا من المرايه وهو يضحك دقايق وهي جايه تركب جنبه وهي تمسك كفه وهو مبتسم ومشى وهي تقول ؛ متعب عادي اشغل الراديو
متعب ؛ عيوني انتي عادي
ابتسمت هيام وهي تشغل الراديو على خالد عبدالرحمن ؛
وشلون ما اغليك ..وانت الذي علمتني حبك
ياهاجسي عشقي عيونك ..وشلون ما اغليك
وانت الذي علمتني حبك .. ياهاجسي عشقي عيونك
اسال وتقرا الجواب .. في نظرت عيوني
ناظرها متعب ونطق ؛ تحبيني ؟؟
هيام ؛ احبك حب ماينوصف بالكلمات الصغيرة ذي بس قسم بالله الحب الي بداخلي مايوصف بكلمات ولا اعرف اوصفه لك لاكن شعور حلو تحبين شخص يحبك
متعب لف لها ويشد على كفها الي ماسكه كفه ويردد معا الاغنيه ؛ كلها لذت غرام تلقا حياتي كلها لذت غرام لذت غرام
وكملت هيام ؛ وشلون ما اغليك ..وانت الي علمتني حبككك
وصلو المطار ودخلو ياخذون كوفي وجلسو ينتظرون الطياره قامو من سمعو يقولون اخر ندا ولف لها ؛ هيام تسمعين يقولون اخر ندا قومي بسرعههه
ومشو باتجاه ممر السعاده للدخول الى الطياره وهم يسرعون خطواتهم وارتاحو من دخلو وعلمتهم المضيفه اماكنهم وجلسو وهو يربط لها الحزام وهي تقول ؛ متعب احس اني خايفه لاتفك يدي تكفى
لف لها متعب يتامل عيونها من النقاب الي مغطي وجهه وهو يقول ؛ ماراح اتركك حياتي كلها وانتي اجمل شيء صار في حياتي وانتي اول واخر حب عمري
ضحكو وماهي دقايق الى نامت هيام الي كانت تعبانه من الصداع ما نامت ومتعب يتاملها وهي نايمه
وصلو ونزلو للمطار ومتعب يدور تكسي وما لقاء لفت له هيام ؛ حبيبي اطلب سياره احسن
لف متعب وهو ذايب ؛ وش قولي ثاني
هيام بـ استحى ؛ توتو خلاص
متعب ؛ امانه قوليها
هيام وهي تشتت نظرها عنه ؛ حبيبي
ضحك متعب وهي يحط يده ورا ظهرها ويبتسم لها وطلعو من المطار من شافو السياره وصلت وركب قدام وهي وراه وراحو البيت
< المدينه >
.
.
دق الباب وفتحت الخادمه
متعب ؛ وين بابا وماما
الخادمه ؛ في الصاله فوق
طلع متعب وهو ماسك كف هيام ودخل وهو يقول ؛ السلام عليكم
ردو عليه ؛ وعليكم السلام ارحب
جلس متعب وبجنبه هيام بعد ما سلمو عليهم
متعب ؛ كيف البيت من دوني
وليد وهو يضحك ؛ هادي و الكل مروق
ضحك متعب وهو يلتفت له ؛ وش تقصد انت هاه
وليد لف لهيام ؛ الله يعينك عليه متقلب المزاج
ولف لمتعب ؛ امزح معك لا تشدها
ضحكو الكل وجلسو يسالون كيف كانت الرحله وبعدها قال ؛ يله اجل استاذن بروح لعمي نسلم عليه ثم نروح بيتنا
طلعو وركبو وراح للديرة
< الديرة >
.
.
المغرب 6:00
ابو زيد ؛ سعود وانا ابوك رح جب للبيت اغراض
سعود ؛ ابشر
ابو زيد ؛ معك فلوس
سعود ؛ اي
طلع سعود وقال خالد ؛ استاذن بروح معا سعود اساعده
طلع خالد ورا سعود
خالد ؛ سعود ودي اصارحك بشيء
سعود ؛ تفضل اخ خالد وش تبي
خالد ؛ ياولد طحت في حفرتك الي طحت فيها
قال كذا وهو يقصد الحب الاعجاب الغيره كل شيء
وضحك سعود لوهله وقال ؛ افا ماتوقعتها منك انا احفر حفر من متى
لف خالد بغضب ؛ ياغبي اقصد اني حبيت ماتفهم انت
ضحك سعود ؛ ادري بس كنت برفع ظغطك اي والله وكيف الشعور الي تحس فيه ومن هي تعيسة الحظ
لف خالد عليه وقال سعود ؛ اقصد سعيده الحظ
خالد ؛ ريناس
سعود ؛ اخسسس والله طلعت تعرف تختار
خالد ؛ وجععع لايكون شفتها
سعود ؛ افا انا اشوف حبيبة اخوي
خالد صد بغضب ولف عليه ؛ وحسيت بشعور كان في سكاكين في قلبي
سعود بصدمه ؛ ليه
خالد ؛ شفتها اليوم يوم رحنا بيتهم عشان وليد نازله من سياره غريبه
سعود ؛ راكبه قدام ؟؟؟
خالد ؛ لا ورا بس يحظة ياشيخ
سعود ؛ ياهوه تغار من واحد يوصل الناس
خالد ؛ كيف ؟
سعود ؛ يعني يشتغل في برنامج توصيل الناس الى المكان الي يبون
خالد ؛ وليش هي راكبه معه
سعود ؛ يمكن ماعندها احد يوصلها
سكتو من وصلو وخذو الاغراض ورجعو البيت قبل مايدخلون سمعو صوت متعب وراهم لفو عليه
سعود ؛ ارحب يا النسيب
متعب ؛ البقاء
دخلو وهم يسلمون عليهم وراحو سعود وخالد للمطبخ يدخلون الاغراض وناظرتهم اريام ؛ ترا عمي وبناته جايين بعد شوي
ضحك سعود يلف على خالد الي صد بربكه وطلع مسرع ولفت اريام على سعود ؛ وش فيه ذا لايكون طاح بالفخ
هز راسه سعود بإيجاب وطلع لاخته هيام و متعب وجلس وهو يسولف لمتعب ومتعب منصت له بانتباه
وقام خالد يفتح الباب وطلع وسكره وجلس على الرصيف وهو يطلع دخانه من جيبه وهي ماسكه بين شفايفه ويولعه وهو يهوجس كيف طاح بالفخ وكيف انه يقول ما راح احب و طاح بالحب على وجهه وعند سعود الي طلع وراح لخالد الي جالس على الرصيف وجلس جنبه ؛ خالد
خالد ؛ هاه
سعود ؛ وش بك
خالد ؛ مابي شيء
سعود وهو يغمز ؛ ولا حبيبة القلب بتجي تجهز كلام هاه
خالد ؛ اقول ترا ماني فاضي لك ضف وجهك
سعود جلس وهو يفكر ؛ امزح امزح
جلسو كل منهم غارقين بالتفكير الى ما شاف سعود سيارة عمهم وفز سعود ؛ خالد ولد قمم بنروح العزبه عمي جاء
قامو وراحو العزبه وجلسو في مكانهم ورا العزبه على المطل وجلسو لف سعود على خالد ؛ خالد وش تحس به علمني عادي ترا
خالد ؛ ياخي احس انه في شعور داخلي حلو بس الغيره ضابحتني ليش تركب معا أنسان غريب
سعود ؛ طيب اذا ماركبت وش تسوي ترجع رجليه مثلا ولا تقعد مكانها
خالد ؛ انا حطيت لها الف عذر و عذر ولاكن ليش انا احس باحساس كذا وشفتها تنزل من السياره وهي تحط الشيله على راسها كانت فاكه الشيله ولابسه عبايه بنفسجيه يعني تقنعني انك ماشفتها
سكت وهو يلف بغضب ونزل راسه وهو بداخله الف شعور و كلام و الف تساولات ولف سعود وهو وده يروح يشوف ريناد ويقول لها انه يحبها ويعشقها ويعشق ريحة عطرها الى اذا مشت من عنده يشم ريحة عطرها
