( البارت الحادي عشر )
.
.
على نفس الحال ابو متعب وعياله يروحون المدينه ويرجعون الديرة في الويكند و هيام ومتعب مستانسين معا بعض و ريناس كل ماشافت خالد تبكي و خالد انجرح من ريناس الي ماردت عليه من هاذاك الوقت وسعود الي كان يحاول يعترف لريناد انه يحبها و اما اريام الى تستحي اذا شافت وليد وتهج مكان ثاني وهاذا حالهم قبل مرور شهرين
بعد مرور شهرين
زيد ؛ يبه انا ابي اخطب بنت عمي راما
ابو زيد ؛ مشاءالله متى تبي ؟؟
زيد ؛ اليوم اذا جو باجيب الشيخ وابخطب وابي شوفه شرعيه
ابو زيد ؛ مايصلح ياولدي بكلم عمك ونروح لهم احنا نبي نشتري مره مو هم بيجون يشترون رجال
زيد ؛ ابشر بكلم امي و اريام
دخل زيد لامه وقال تكشخي بنروح عند عمي وخالتي ام متعب بنخطب بنتهم راما لي بس كلمي خالتي وقولي لها ان بنجي
وطلع وهو يركب الاغراض وركبو السيارات وحركو للمدينه
< المدينه >
ابو متعب ؛ ابو زيد وعياله بيجون يخطبون راما لزيد البسو ونظفو البيت وجهزو القهوه
البنات ؛ ابشر
طلعو البنات يلبسون ويكشخون اما ريناس الي كانت تبكي في غرفة رنيم
رنيم ؛ وش فيك
ريناس ؛ بيجي هنا كيف اقوله وبعدين يروح يتهاوش معا الناس
رنيم ؛ ريناس انتي قدها اذا ماقلتي له هنا بتقولين له هناك كلها نفس الشيء بس قولي له بعد العشاء يجي الحوش تكلمينه
ريناس ؛ ماعندي رقمه
رنيم ؛ روحي خذي جوال وليد
ريناس راحت تاخذ جوال وليد الى كان يتروش واخذت الرقم منه واتصلت على طول بدون تردد
رد عليها خالد وهو يقول ؛ اهلين
ريناس سكتت ونطق خالد ؛ من معي
ريناس ؛ خالد
خالد عرف صوتها ؛ ريناس ليش دقيتي بعد الي سويتيه بقلبي وخليتيه يصير رماد ليش جايه تخربين فرحي ليش مارديتي لي مر شهرين متخيله شهرين وانا اشوفك وقلبي يتقطع اكثر وانا احاول اغبي ضيقتي الانسانه الي حلمت فيها هاذي هي تدق بعد شهرين وش تبين مني
ريناس ؛ خالد بكلمك اليوم بعد العشاء في الحديقة الخلفيه ادخل معا الحوش الرئيسي لا احد يشوفك
خالد ؛ ماراح اجي لاتتعبين نفسك
ريناس ؛ بقول لك شيء مهم وانت كيف تبي تعال واذا ماتبي قلي لي عشان ما انهار
خالد ؛ من الحين اقول لك ماراح اجي
ريناس ؛ استودعتك الله
وقفلت وهي تبكي ورنيم تهديها اما خالد الي كان راكب معا سعود لحالهم وجلس ضايق وصد يناظر شباكه ولف على سعود ؛ سعود احس قلبي تقطع زيادة وش اسوي
سعود ؛ وش بلاك انت لك فتره منت على بعضك
خالد ؛ سعود حبيتها ياسعود وقطعت قلبي تقول تعال الحديقة الخلفيه بقول لك شيء مدري وش اسوي اروح ولا ما اروح وكلمتني وهي تبكي وش اسوي يارب يسرها
سعود ؛ رح وشف وش تبين احسن لك عشان ترتاح انت
خالد ؛ سعود قلت اني ماراح اجي وبتنتظر عبث
سعود ؛ صلى على محمد ورح لها وشوف وهي تبغى
وصلو ودخلو وسلمو وقال
ابو زيد ؛ حنا وانا اخوك جايين نطلب القرب منكم ونطلب بنتكم الكريمه ل زيد ولدي على سنة الله ورسوله
ابو متعب ؛ الله يسلمك واحنا موافقين بس اسال البنت اخر مره ونشوف ونبدا خطبة
وجا الشيخ وجلس زيد يسار الشيخ و ابو متعب يمين الشيخ وبداو ونطق زيد ؛ ياعم عن اذنك ابغا اشوف البنت شوفة شرعية
ابو متعب ؛ من حقك وليد قم شف اختك ونادها المجلس وود زيد المجلس راح زيد معا وليد ينتظر راما دخلت وطلع وليد وجلست قدامه ونطق ؛ مبروك
راما ؛ الله يبارك فيك
زيد ؛ وش رايتس نبدا من البدايه انا والله ماحبيت احد ولكن شكلتس بتسكنين القلب واذا ممكن نكون اقرب من كذا
جلس جنبها وهو يمسك كفوفها الى ترجف وقال ؛ ممكن احبتس وتحبيني ونجيب عيال ونكون مرتاحين معا بعض ولا يغرك شكلي الي اشبه ابوي ولكن لاتحكم على الكتاب من غلافة ممكن ابوستس
هزت راسها با الايجاب وهي مستحيه وباسها في طرف خدها وهي ردت فعلها باسته في خده وطرف شفته
ونطق وقال ؛ انا من شفتتس وانا طحت في غرامتس عشقتتس من اول نظرة حبيتتس من اول نظرة هل تبادليني الشعور ؟؟
راما هزت راسها بصوت خافت ؛ احبك
زيد ؛ ياجعل محد يحبني غيرتس
راما ؛ زيد عادي اطلبك طلب
زيد ؛ عيوني لتس اطلبي وانفذ على طول
راما ؛ انا ما ابي عرس كبير ابي عرس صغير بيننا وبعزم صاحباتي بس في قاعه هنا ممكن
زيد ؛ ابشري
راما ؛ شكراً ياعيوني
زيد ؛ العفو ياروحي
طلع زيد للرجال وطلعت راما للحريم وهم مبتسمين اما خالد الى كان مكشر وقامو للعشاء وتعشو وقام خالد بسرعه وهو يروح المكان الى وصفته له
وانصدم من وصل وشافها تبكي وشاف عندها ورقه من معاذ ولد جارهم ومكتوب " افتحي الباب لي بجي ابوسك واسوي شيء واطلع .
احبك من معاذ "
خالد بعصبية ؛ ريناس وش فيك من ذا
ريناس ؛ خالد تكفى كان بيتحرش فيني وهاذا ولد جيرانا
بكت وهي تحضنه وتبكي في حضنه وهو يهديها وقام قال ؛ ادخلي عند اريام شوي واجي
ريناس ؛ خالد تكفى لاتروح تكفى باقي ابيك وهاذا قليل ادب بنات الناس عنده لعبه
خالد ؛ ريناس اصحي جاي عندك ولمسك وراح واخليه واسكت
ريناس ؛ خالد والله ما فتحت الباب والله ماجاني بس انه رمى الورقة من فوق الجدار انا كنت هنا استناك وجات لي هاذي الورقة بس والله مالمسني ولو لمسني بنتحر ما راح اخليك تلمسني وهو لمسني
حضنها وهي تبكي وبعد ما هدت جلسو على الكراسي وهو يقول ؛ يله تكلمي وش عندك
سكتت ونطق خالد ؛ ماعندك كلام تتكلمينه خلاص اجل انا بروح
عقدت حاجبينها ونطق ؛ انا قلت لتس اني بواسيتس وبستقبلتس باحضاني اذا بكيتي بس هاذا مايعني اني باقي ابيتس ممكن عاف الخاطر ممكن نفسي مو متقبله هاذا الكلام ولاكن انتي لو كنتي تبيني كان جيتي لي يوم قلت لتس ردي علي صح ولا لا
ريناس نزلت دموعها على خدها وهي تتزفر وتقول ؛ خالد هاذا ولد جارتنا خطبتني له وامي وافقت عشانها صديقتها من زمان وانا ما ابيه ابيك انت انا احبك انت ماكنت ابيك تتعلق فيني ولا انا اتعلق فيك عشان كذا مارديت خالد ملاحظ ان باقي على تخرجي اسبوع وهو يقول اذا تخرجتي بجيك اخطبك انا ما ابيه ما احبه انا احبك انت وحبيتك زياده تكفى لا تخليني
قام خالد وهو يقول ؛ الحين يا ريناس الحين يوم طاب الخاطر وعاف الي كان يحبه لو قلتي لي من زمان كان عرفت اتصرف الحين وش اسوي ما اقدر اسوي شيء وخالتي موافقه عليه ما اقدر والحين انا جرحي زاد مابرى من اشوفتس يحرقني قلبي زود والحين بعيش جسد بلا روح متخيله انتي بتروحين معاه ويعوضتس عني وتجيبون عيال وانا هنا مو قادر اسوي غير اني كل يوم اروح المستشفى متخيله كل الفتره ذي وانا اروح المستشفى كل يوم مو عشان رجلي لا عشان قلبي الي يوجعني فجاء وانا جالس ولا فجاء وانا اتخيلتس طيفتس يمر علي حتى في منامي وش اسوي من دونتس اتزوج وحده ما ابيها غصب علي عشاء رضا اهلي واسمي بنتي عليتس واتخيلتس وانا بين ناس ثانيه واخليهم يكرهونتس انتي تبينه الله معتس ماتبينه فا بنواجه مشاكل معا اهالينا
ريناس ؛ تكفى خالد اكرهه والله اكرهه واحبك وش اسوي من غيرك فهمني كيف بقدر اعيش معا شخص اكرهه ويطلع لي في كوابيسي كيف اعيش معا عيالي وهم مو منك ولا انت معي ما اقدر اعيش خلاص بنتحر وبروح نار جهنم احسن من العيشه هاذي وانا كنت بقول لك من زمان بس رنيم قالت خليه الى خطبة راما وقولي له ولا كنت ابكي كل يوم واكتئبت وصرت اروح دكتور نفسي واخذ علاجات حقت النفسيه متخيل كاني عجوز
وبكت ريناس وهو يضمها ويسمي عليها ويهديها واخر كلامها قالت ؛ خالد انا احبك انت ما احبه
وقام خالد وقال ؛ لازم نوقف ضدهم ولا بنقعد طول عمرنا مفترقين ونتقابل في مستشفى المجانين
وقامت وقالت ؛ بكلم امي اليوم بعد ماتروحون
خالد ؛ انا بروح انادي ابوي الحوش واقول له اني ابيتس
وراحو كل واحد قسمه ودخل
خالد ؛ يبه ابيك شوي
ابو زيد ؛ نعم وش بغيت
خالد ؛ يبه صراحه اني ابي ريناس بنت عمي
ابو زيد ؛ ماتصلح لك ذي مدلعه
خالد ؛ يبه ابيها مدلعه ماهي مدلعه مو عيب تخليني ابعد عنها انا ابغاها بسنه الله ورسوله واذا عاندتوني فابسوي شيء مايرضي الجميع
دخل ابو زيد وهو يقول ؛ ابو متعب
ابو متعب ؛ سم
ابو زيد ؛ سم الله عدوك احنا نبي نخطب بنتك ريناس لولدنا خالد والمهر الى تطلبه جاهز
ابو متعب ؛ والله ان نسبكم غالي ولاكن البنت مخطوبة ل ولد جارنا ابو معاذ لاكن بسال البنت واشوف صد خالد بحقد على معاذ وهو وده يتكلم وده يقول لاكن خلها اذا عيا ابو متعب
دخل ابو متعب ينادي ام متعب وهو يقول؛ ام متعب خالد يقول يبي يخطب ريناس
ام متعب ؛ ياويلي لايكون وافقت
ابو متعب ؛ قلت اشوف البنت وارد لهم
ام متعب ؛وش اقول ل ام معاذ ياربي ياحبيبي
ابو متعب ؛ وش رايتس نوافق على خالد والله رجال والنعم فيه وسمعته وهو يتكلم معا ابوه في الحوش يقول انا ابغاها اذا عاندتوني بسوي مايرضي الجميع وانتي تعرفين خالد لاقال شيء سواه
ام متعب ؛ بنادي ريناس ونشوف
جات ريناس وسالها ابوها وردت ؛ انا ابي خالد ولد عمي عبدالله ما ابي معاذ كنت بقول لكم لاكن كنتو مشغولين
ابو متعب ؛ ها تجهزي للشوفه الشرعيه
دخلت وهي مبسوطه راحت تلبس فستان ودخل
ابو متعب ؛ البنت عيت وانا اخوك والله اني اعتذر امسحها بوجهي
ابو زيد ؛ افا يله يا عيال قومو
ابو متعب ؛ وين رايحين اجلسو بيجي ابو معاذ الحين وبيجي الشيخ بعده وبتبدا الخطبة
هنا خالد تلون على وجهه الغضب يحسب انه يقصد ريناس بتتزوج معاذ وطلع وهو يدخن برا ومعصب ودخل بعد ما طفى الدخان وتكلم وهو واقف في نص المجلس ؛ ماهي مرجله ترد اخوك ولاهي مرجله تروح تعطي بنتك شخص ماتبيه ولا هي مرجله تعطي بنتك شخص يحاول يتحرش فيها ولاهي مرجله ترد اخوك وولد اخوك الي يعزك عشان والله صديقي وجاري
وقف ابو متعب ؛ انا اقصد انك تتزوجها انت ولاكن اقعد على راسك الحين بعد كلامك وش يضمن لي كلامك انه صح يمكن تكذب
ابو زيد ؛ ابو متعب اقطع الشر وانت اطلع برا اطلع
متعب ؛ استهدو بالله سعود طلع اخوك برا
خالد ؛ رح شف بنتك واسالها وش فيها و يسون لها الناس وبعدين تعال تكلم ماشفت كيف انها تهرب من المتحرش معاذ وتبي دليل بعد طلع صورة معاذ معا بنات بصورة سيئة مره
انصدم ابو متعب و انصدم ابو زيد ونطق خالد ؛ هاه باقي بتعطي بنتك شخص راعي بنات ولا بتعطيني وانا جيتك طلبتها على سنة الله ورسوله ما طبيت من فوق الجدران اتحرش في البنات
سعود سحب خالد برا والكل مصدومين
ونطق سعود ؛ ولد خالد صاحي انت تتكلم نفس كذا ذلحين مافي زواج وتجلسون كذا وابوي بيزوجك غزيل الي عييت عليها
خالد ؛ اقول لك شايفها تبكي قدام عيوني والورقة بالارض مكتوب عليها تقول خربت بيتي طلع وهو معصب وكان يمشي بسرعه وطاحت الشاحنه عليه ونقلوه المستشفى على طول دقو على ابوه
المستشفى ؛ الوه سلام عليكم والد خالد
ابو زيد ؛ اي نعم من معي
المستشفى ؛ معك دكتوره خالد صار عليه حادث طاحت الشاحنه عليه وهو الحين في العنايه المركزه
