(البارت الثالث والعشرون )
.
.
في الطرف الثاني
فواز ؛ مامي يلا نروح السوق ونشتري اثاث لبيتنا الجديد
ام فواز ؛ يلا يلا
لمياء ؛ مامي ضروري اروح ؟
فواز ؛ لمياء يلا قومي ضروري تروحين البيت مو لي لوحدي ولا هو حق ماما لوحدها ذا البيت لنا كلنا لازم نختار مع بعض
لمياء ؛ تمام
. في الطرف الثاني .
دخلو متعب و هيام وزيد وراما للبيت حق ابو متعب
متعب ؛ السلام عليكم
زيد ؛ السلام عليكم
الكل ؛ عليكم السلام
ام متعب ؛ وش فيكم تاخرتو
متعب ؛ ابد مافيه شيء بس هيام تعبت وودينها المستشفى
ام زيد ؛ بسم الله على بنتي وش فيك يا امي
هيام ؛ مافيني الى العافيه بس اكلت اكل مو زين
ام متعب ؛ سلامتك يا بنيتي
ام زيد ؛ سلامتك يانظر عيوني
هيام ؛ الله يسلمكم جميعاً
دخلت هيام عند البنات وهي ماتدري تقول لهم ولا لا ولا تدري وش فيها ريناد يوم تبكي
هيام ؛ هاي
الكل ؛ هلا
هيام و راما استغربو من الوضع مره
راما ؛ رنود وش فيتس
ريناس ؛ بعلمكم بعدين
قامت اريام واخذت ريناد للسطح عشان تبكي براحتها ونزلت الغرفه عشان تكلم سعود
اريام ؛ سعود
سعود ؛ هلا
اريام ؛ شسوي البنت مره منهاره والبنات كل شوي يسالونها ومحد يدري الى ريناس و خالد واحنا الباقي مايدرون
سعود ؛ وش يعني داقه وش تبيني اسوي ؟
اريام ؛ ريناد قالت لي كلام ودها تقوله لك بس ما اعطيتها فرصه تشرح
سعود ؛ اريام الكلام الي عندي انتهاء ولا ابي اسمع من احد شيء
اريام ؛ عشاني يا اختك
سعود ؛ طيب طيب بعدين
اريام ؛ سعود الحين تفضى وتجي السطح سريع
سعود ؛ ان شاء الله
قفلت وطلعت تجلس مع ريناد جلست جنبها وحضنتها وريناد تبكي بحضن اريام وبهاذي اللحظه كان فيه من يراقبهم الى هو سعود
سعود تنحنح عشان تعرف انو جاء سمعت الصوت اريام ودرت انو سعود جاء التفتت ريناد وهي تشوف من هو بعدها رجعت في حضن اريام تكمل بكي متجاهله وجود سعود وراهم
سعود ؛ اشوف ماعندك كلام ؟
اريام ؛ سعود حبيبي بـ اسلوب احسن من كذا
التفت عليها سعود والتفتت عليها ريناد من نطقت ( حبيبي ) وسكتو وجلست تضحك اريام
سعود ؛ مريضه انتي
اريام ؛ والله الي يشوفكم غصب يصير مريض تغار عليك رغم مدى معرفتها انو غزيل اعترفت لك واحتمال كبير انو تكون تبادلها بس قلبها طيب يا ربي
سعود ابتسم من تذكر غزيل وتذكر انو اعترفت له وهو ما اعترف انه ما يحبها وساكت ماقال شيءٍ التفتت عليه ريناد
ريناد ؛ طبعا يتبوسم يوم تذكر حبيبة القلب
سعود ؛ من قال لتس اني اتبوسم عشانها يمكن عشان غيرها
ريناد ؛ ومن هي تعيسه الحظ
سعود ؛ مالتس دخل تبين تقولين كلامتس قولي ماتبين براحتتس
ريناد ؛ يعطيك العافيه بحتفظ فيه بقلبي احسن
اريام ؛ هدو شوي انتو شفيكم تكلمو واخذو راحتكم ريناد بنتظرتس تحت في الغرفه
سعود ؛ تفضلي استاذه ريناد تكلمي
ريناد ؛ اولاً الله يهنيكم
سعود ؛ مين
ريناد ؛ حبيبتك
ضحك سعود وهو يناظر عيونها ؛ ومصدقه انتي
ريناد ؛ ماعلينا ثانياً انه الولد الي تحسب اني اخونك معه ذا كان مندوب وانا جبت لك هديه عشان يوم ميلادك
سعود سكتت من حس انه تهور في التفكير والشك
ريناد ؛ وعاد الحين اقدر اقول الله يستر عليك دور لك بنت الناس الي تحبها وخذها
سعود ؛ ريناد باقي تحبيني ؟
ريناد ؛ لا طبعا
ريناد سكتت وهي متوتره ونزلت على طول وهي فيها الغصه تبي تبكي
- اليوم التالي -
ابو زيد ؛ الله يكثر خيركم حنا ماشين اليوم
ابو متعب ؛ اليوم بنملك لخالد و ريناس وبعدها تقدرون تروحون
ابو زيد ؛ ابشر والله يكتب الي فيه الخير
~ تسريع الاحداث ~
جاء المملك وجلسو ابو متعبت و خالد جنبه وفتح الكتاب
المملك ؛ بسم الله الرحمن الرحيم نبدا
ابو متعب ؛ بسم الله
خالد ؛ بسم الله
المملك التفت على ابو متعب ؛ قل زوجتك بنتي على سنه الله ورسوله
ابو متعب ؛ زوجتك بنتي على سنه الله ورسوله
~ تسريع الاحداث ٢ ~
بعد ماخلصو ووقعو التفت خالد على ابو متعب ؛ عن اذنك يا عم ابغى اشوف زوجتي
ضحكو العيال والتفت عليهم خالد ؛ نعم وش المضحك في الموضوع ؟
سعد ؛ زوجتك مره وحده اهد من كذا توك مالك دقايق موقع
ضحكو الكل ومن ضمنهم ابو متعب و ابو زيد
ابو متعب ؛ ابد ابد خذ راحتك شفها في المجلس الثاني
قام خالد وهو يروح المجلس الثاني على جيه وليد من برا ؛ هاه على وين بدينا زوجتي وزوجتي
خالد ضحك ؛ ايه شعندك زوجتي
ضحك وليد على تعابير خالد القادحه ؛ هيا هيا بروح معك
مشو وهم يسولفون ويضحكون ودخلو المجلس وجلس خالد
خالد التفت على وليد ؛ هاه وين زوجتي
وليد ؛ الحين تحضر عندك ثواني
ماهي الى دقايق الى وجات لابسه احمر مخصر عليها ومنفوش من تحت وشعرها مفتوح ومحاطيه ميكب مناسب لوجهها وعادي وروج احمر وتتمايل لان تدري خالد يذوب
وليد ؛ اعجلي خلي التمخطر الولد بينتحر علينا اذا ماجيتي
ضحكت بضحكتها الجذابه و الساحره ؛ جيت جيت
قام خالد وقف وهو ينتظر يشوف وجهها الى يفتح نفسه لكل شيء في الحياه وابتسم من شافه مقبله عليه لابسه احمر واردف ؛ يا مرحباً يادهر قلبي ورجعانه
ابتسم وليد من كلامه وحضنه لها وواضح الحب بينهم وطلع وسكر الباب
اما ريناس الى حضنت خالد وجلست تتزفر براحه في حضنه وهو يسحبها ويجلسها جنبه
خالد ؛ اخخ يا ريناسي صرتي حقتي صرتي زوجتي قدام الله وخلقه يا الله كم ربي يحبني وراضي عني
ريناس ؛ ياعيون ريناس انت وروحها اي والله صرت حقتك وصرت حقي
وباسته في خده وهو هأدي وهو منصدم من جرئتها
~ في الطرف الثاني ~
جالسين يسولفون وهم ينقلون اغراضهم للبيت الجديد
ام فواز ؛ شرايك ياولدي تتزوج وتجيب لنا بيبي صغير
لمياء ؛ ايوا جد فواز بليز صاحبتي احلى وحده في الكون خذها وبعدين كلنا نعرفها
فواز ؛ لا لا ما ابيها بشوف انشاءالله الله يكتب الي فيه الخير
وقام فواز وهو يطلع برا عند السياره ويجلس على عتبت البيت وهو يدخن ويتذكر زمان احداث قديمهه
- نرجع للماضي -
فواز الي كان جالس يلعب على السوني حق وليد في بيت ابو متعب فجاء تدخل عليه رنيم
رنيم ؛ فواز
فواز ؛ هاه
رنيم ؛ وقف لعب شويه احس اني متضايقه
فواز ؛ اف ليه
رنيم ؛ مدري شرايك تجيب لنا اسكريم ونطلع السطح
فواز ؛ تم والله
وطلعت رنيم السطح وهي تنتظر فواز يجي واول ما جاء
فواز ؛ الاسكريم وجبته شعندك ليش متضايقه
رنيم ؛ البنات محد يعطيني وجه ريناد تلعب مع سعود و اريام و ريناس مع خالد و هيام تلعب مع راما ومحد معطيني وجه ابدا وطفشت لوحدي ويوم رحت اجلس مع راما و هيام قالو روحي احنا نسولف اشياء مو لازم تسمعينها وجلست لوحدي
فواز ؛ طيب لا تزعلين ما احب اشوفك زعلانه تلعبين معاي ؟
رنيم ؛ وش نلعب ؟
فواز ؛ امممم نلعب لعبة الزوج و الزوجه
رنيم ؛ فواز تحبني ؟
فواز ؛ رنيم احبكككك قد السماء
رنيم ؛ حتى انا يلا نروح نلعب
وراحو يلعبون وقتها كانت اعمارهم ماتقارب ٧، ٨ كذا يعني صغار .
- نرجع للحاضر -
فواز ؛ اخخخ يا رنيم واحشتني تكفين ارجعي لحد الحين احُبك وربي
بنفس الوقت عند رنيم الي جالسه في السطح من حست قلبها يوجعها وهي تشوف المكان الي صار فيه الحدث الي اعترف فواز فيه لها بحبه وهي اعترفت له فيه وصارت تتذكر وتبتسم بنص ابتساماتها بكت وبعدها بنص ساعه مسحت دموعها ونزلت تجلس معاها لانه وقت العشاء
