(البارت العشرون )
.
.
فايز ؛ يلا الواد ينتظر
ام فايز ؛ طيب
لمياء ؛ ماما مالي خلق اروح
ام فايز ؛ بتجلسين يعني
فايز ؛ لا مافيه غصب حتروح
لمياء ؛ اوف اوف
طلعو وراحو البيت الجديد الي بجنب بيت متعب ودخلو يشوفو
لمياء ؛ الله هادي غرفتي خلاص
فايز ؛ اوك
الطرف الثاني
.
.
بعد مالبسو البنات عباياتهم وطلعو للعيال انقسمو على سيارتين
السياره الاولى سياره متعب فيها هيام و زيد و راما ورنيم السياره الثاني فيها سعود وخالد و ريناس و ريناد و اريام طبعا السياره الاولى كان جوهم صامت وبس زيد ومتعب يسولفون والسياره الثانيه كانو الكل ساكت وسعود الي كان يغني معا اغاني محمد عبده
سعود ؛
"كفاني عذاب الله يجازيك بـ افعالك
جرحت الضمير وما طرا لك تداويني
كفاني عذاب الله يجازيك بـ افعالك
جرحت الضمير وما طرا لك تداويني "..
الكل عم الصمت والبنات يتلفتون على بعض ويعرفون من يقصد بس مايعرفون السالفه سكتو الكل
خالد ؛ وش تبون اشغل
ريناد ؛ اسمحيلي يالغرام محمد عبده
خالد ؛ اممم جوك نايم بس يلا
شغلوها وريناد كانت متكيه براسها الشباك وتتامل شوارع الرياض المزدحمه وتهوجس اما ريناس واريام كانو يغنون
المسجل ؛
" اسمحيلي يا الغرام العافيه الوجه السموح
ان لزمت الصمت او حتى لبستي الاقنعه "
وصلو وجهتهم ونزلو الكل وكان زيد ماسك يد راما و متعب ماسك يد هيام و خالد ماسك يد ريناس اما سعود و ريناد و اريام ورنيم يمشون طبيعي
اريام ؛ رينو تعالي ياعيوني امسك يدك مالنا الى بعض
ريناد ؛ احبك اريامي
اريام قربت من ريناد وتهمس بـ اذنها ؛ حتى انا احبك بس فيه احد يتمناها منك
التفت ريناد بغضب ؛ لو سمحتي لاتقولين كذا محد ينتظر شيء ولو ينتظر بيتعب
التفت سعود على اريام ريناد وبعدها التفت على جواله الي دق وكان المتصل ( حازم )
سعود ؛ هلا والله ابو زيد ياهلا
حازم ؛ يا هلا فيك
سعود ؛ امرني يا الشيخ بغيت شيء
حازم ؛ ابيك
سعود ؛ يالبى الى يبيني يا شيخ
حازم ؛ اقول بلا بربره وينك بجيك
سعود ؛ طالع مع الاهل
حازم ؛ ماتقدر تجي شويات ونرجعك
سعود ؛ خلاص تم بس بكلم خالد عشان مفاتيح السياره
حازم ؛ يلا
قفل سعود وهو كان يتبسم وهو يشوف ريناد مرتبكه ولف على خالد
سعود ؛ هيه ابو خلود
خالد ؛ سم
سعود ؛ سم الله عدوك بغيتك تاخذ مفاتيح السياره بروح مع حازم
خالد ؛ افا تروح وتخلي قلبك هنيا
في هاذي اللحظه سمعتهم ريناد و ريناس و اريام بحكم انهم كانو جنب العيال التفت ريناس على ريناد وسكتت
سعود ؛ شويات وارجع كيف اروح واخليه لحاله
خالد ؛ كفو رجال
سعود ؛ كفوك الطيب من بعدك
دق جوال سعود للمره الثانيه وكان الرقم غريب والمتصل مجهول مايدري مين
سعود ؛ هلا وغلا
..؛ هلا فيك
طبعا سعود شك في الصوت انه صوت غزيل بنت جيرانهم
سعود ؛ من معي ؟
..؛ ءءغزيل بنت جيرانكم
سعود ؛ غزيل ؟؟
في هاذي اللحظه التفتت ريناد على سعود وعيونها عليه بالكامل والتفتت اريام وهي تشوف ريناد تناظر سعود الي نطق بـ اسم غزيل غزيل ؛ اي
سعود ؛ امري وش بغيتي
غزيل ؛ ما يامر عليك ظالم ودي اعترف بشيء
سعود ؛ اعتراف ورقم جديد ؟ الموضوع خطير شكله
غزيل ؛ اقول عادي ؟
سعود ؛ اي سمي
فتح سعود السبيكر وجلس على الكرسي عشان يزين شماغه وقرب ريناد و معها اريام لعند سعود وجلست اريام وريناد واقفه
غزيل ؛ سعودي صراحه مدري كيف اصارحك بس اني احبك
سكت سعود لوهله والتفت يشوف ريناد الي التفتت بسرعه وراحت تركب السياره عند خالد و ريناس واما اريام الي التفتت على سعود بوجه مستغرب
سعود ؛ افا يا ذا العلم ارفعي علومتس يا بنت الاجاويد ماعندي ذي الحركات اعذريني
قفل المكالمه وحظر الرقم وبهاذي اللحظه التفتت عليه اريام
اريام ؛ ماتوقعتها منها الخسيسه يا الله يا ريناد الله يلطف بحالتس
سعود ؛ اريام انتبهي لها الين ارجع تكفين
اريام ؛ ماتوصي حريص ابشر بس وين رايح ؟
سعود ؛ بيجي حازم خويي وبروح مع نتمشى وبعدها برجع للبيت على طول
اريام ؛ طيب استودعتك الله
وطلع سعود من شاف سيارة حازم وطلعت اريام تركب مع خالد وهي تحضن ريناد الي تبكي على الصامت بس دموع وريناس ماهي فاهمه الموضوع
ريناس ؛ رنوده وش فيتس ؟
ريناد ؛ ريناس تكفين اسكتي لا تسالين
التفتت ريناس على اريام تبي تفهم شيء بس مافهمت شيء وحرك خالد الين وصل قبل البيت ووقف على جنب
.الطرف الثاني .
زيد ؛ لو سمحت عطني واحد كركديه
زيد ؛ رامتي شتبين مشروب ؟
راما ؛ بلاك كوفي
زيد ؛ وواحد بلاك كوفي
زيد ؛ طيب وانتي شتبين ؟
هيام ؛ مابي شيء ابدا
زيد ؛ افا ليه ؟
هيام ؛ مدري مدري بس مابي شيء
متعب الي كان جالس على جواله يكلم الدوام يعطونه اجازه وماهو منتبه لـ زيد الي تناديه
زيد ؛ ولد
متعب ؛ هلا لبيه
زيد ؛ شتبي مشروب ؟
متعب ؛ بلاك كوفي
زيد ؛ وواحد بلاك كوفي زياده
سكتو الكل واخذو الطلب وكل واحد اخذ طلبه وحركو متجهين البيت فجاء
هيام ؛ زيد وقف شويه بسرعه
زيد ؛ وش قومتس
هيام ؛ زيدد وقف بسرعه
وقف زيد بـ اسرع شيء عنده ونزلت هيام تستفرغ (اكرم الله القارئ) نزل لها متعب بسرعه
متعب ؛ هيامي وش فيتس
هيام ؛ متعب مدري احس نفسي تعبانه مره
متعب ؛ قومي قومي نروح المستشفى
قامت هيام وركبو السياره وراحو المستشفى على طول
. الطرف الثاني .
خالد بعد ما وقف التفت على ريناد و اريام وريناس كذلك التفتت عليهم
خالد ؛ تكلمي انتي وهي وش فيكم
ريناد ؛ خالد لو سمحت لا تسالوني روح اسالو سعود ولا اقول لك روح اسال سراقة الرجاجيل
ريناس ؛ منهي ؟
اريام ؛ غزيل نقالة العلوم
خالد ؛ اوف اوف وش فيها
ريناد علمتهم السالفه وهنا انصدم خالد وانصدمت ريناس والتفتو على بعض مصدومين بعدها دق خالد على سعود
خالد ؛ الوه وينك
سعود ؛ هلا هلا مع حازم
خالد ؛ تعال بسرعه عند البراحه الي قبل دوار الحاره
سعود ؛ ابشر دقايق وانا عندك
طبعا قفل خالد وهو مذهول كيف سعود ماقال له اذا كان يحب غزيل ولا لا ولا قال له شيء ابدا اما ريناد الي منهاره زياده على الي سمعته وسعود الي مستغرب وش فيه خالد قال تعال مو البيت ولا الكوفي في البراحه وصل سعود بعد دقايق ونزل خالد يسلم على حازم ورجع يركب السياره وركب جنبه سعود
سعود ؛ السلام عليكم
ريناس ؛ عليكم السلام
سعود ؛ وش فيك تقول تعال وانا توني رايحه مع الرجال والبراحه بعد
خالد ؛ سعود وش السالفه
سعود ؛ سالفه ايش ياحبيب اخوك
خالد ؛ سعود مو وقتك ولا وقت استغباء وش السالفه
سعود التفت على ريناد واريام ؛ قلتو له ؟
اريام هزت راسها بالإجاب يعني اي اما ريناد الي منزله راسها وتبكي
خالد ؛ تحبها ؟
سعود ؛ لا
خالد ؛ سعود ماتحبها صدق ؟
سعود ؛ ما احبها ما احبهااا
نزل سعود من السياره وهو ضايق يشكون فيه عشان وحده كلمته ونزل وراح للبيت مشي على رجله اما هم كانو مصدومين وبعدها حركو للبيت ووصلو ونزلو وريناد راحت الحوش الخلفي على طول والباقي جلسو مع اهلهم في الحوش
. الطرف الثاني .
زيد نزل يجيب عربيه وركبو فيها هيام وراحو فيها للطوارئ وسوو فحص وكل شيء دخلت الدكتوره على هيام
هيام ؛ هاه يادكتوره ايش
دكتوره منال ؛ هيام انتي حامل
هيام ؛ ايش ؟ حامل ؟
دكتوره منال ؛ ايوا مبروك
هيام ؛ دكتوره ممكن ماتعلمين زوجي
دكتوره منال ؛ اومال ليه ما اعلم
هيام ؛ بسوي سبرايز له
دكتوره منال ؛ مبروك الحمل والله يوفقكم
هيام ؛ الله يبارك فيك امين
طلعت الدكتوره وقابلها متعب
متعب ؛ دكتوره وش فيها هيام
الدكتوره منال ؛ مافيها شيء هي كويسه بس اكلت اكل مو كويس
متعب ؛ الحمدالله لك يارب الحمدالله مافيه شيء
ابتسمت الدكتوره وراحت دخل متعب على هيام
متعب ؛ هياميييي الحمدالله انك بخير ماتركتيني لحالي
هيام ؛ توتو وش ذا الكلام شيء وفات خلاص مافيه شيء
دخلو راما و زيد يسلمون وبعدها طلعو كلهم واخذو الادويه ورجعو البيت كلهم
