( البارت الرابع و العشرون )
.
.
بعد ما مضى وقت وانتهو من العشاء شالو البنات السفر وجلسو ينظفون وانتهوا
اريام ؛ بناتتتت
الكل ؛هلا
اريام ؛ شرايكم نجلس برا ونسولف ونشرب شاهي وفصفص
راما ؛ والله تم
هيام ؛ وانا عن نفسي تم وعندي شيء بقوله
طلعو البنات يزينون الجلسه في الحوش الخلفي بحكم ان العيال والرجال في الحوش الامامي وجابو الشاهي وتكو
اريام ؛ هيا تكلمي وش عندتس
هيام ؛ بنات
راما ؛ انا عن نفسي اعرف
ريناد ؛ وش
رنيم ؛ مخبين عننا شيء
ريناس ؛ وش عندتس انتي وهي
هيام ؛ انا حامل
البنات استانسو واغلب المباركات كانت ( الف مبروك، ياحياتي بتصيرين ام )
اريام ؛ اهلي يدرون ؟
هيام ؛ لا وش رايكم نجلس معاهم واقول لهم مره وحده وبعدها نرجع هنا
راما ؛ تم
قامو البنات وراحو عند العيال والاهل وبهاذي اللحظه كلن شاف محبوبته وابتسم اما سعود الى ابتسم ابتسامه محزنه من شاف ريناد وجات عينه بعينها
جلسو البنات وتكلمت هيام ؛ اولاً بدون مقاطعه عندي شيء اقوله لكم كلكم من ضمنكم متعب
التفتو عليها كلهم وركزو عليها عشان يفهمون السالفه
هيام ؛ ربي بيرزقكم بحفيد واخيراً انا حامل
قامو الكل يباركون وقام متعب لعند هيام وحضنها قدام الكل ابتسمو والعيال الي يصارخون والي يباركون و اعتلت صوت الضحكات في المجلس اخذ سعود جواله ودخل المطبخ لحقته اريام ؛ وش فيك
سعود ؛ اريام جابك الله نادي ريناد تكفين
اريام وشوله
سعود ؛ ابي اقول شيء تكفين قلت تكفين
اريام ؛ تمام
وراحت اريام وتهمس بإذن ريناد ؛ قومي المطبخ شويه
قامت ريناد بدون ما تسال اريام وش السالفه وراحت وانصدمت من سعود الي كان يشرب مويه وعلى طول كانت بتطلع لكن انتبه لها ومسك يدها ونطق ؛ ريناد الى متى ذا الحال ماتشوفين حالي كيف صار حسي فيني تكفين
ما تنكر ريناد انو كلامه اثر فيها شويه بس نطقت ؛ معليش ما اسامح اي شخص شك فيني اني اكلم غيره اعتذر
سعود ؛ ريناد تكفين والله اني باقي احبك تكفين انا اسف واعتذر وحقك علي وبسوي كل شيء لجل ترضين
ريناد التفتت ونطق سعود ؛ استحيتي يعني باقي تحبيني ومسامحتني
ريناد ؛ ايوا
حضنها سعود بدون اراده منه من الوناسه ونطق ؛ احبك ريناد احبك
ريناد اردفت ؛ وانا كمان
باسها سعود وطلع وهو مبسوط والفرحه شاقه وجهه فرحتين بنفس اليوم والوقت كمان
طلعت ريناد تجلس جنب اريام وحضنتها انصدمت اريام من ريناد والتفتت عليها ؛ وش قومتس انتي
ريناد ؛ اريام احبك احبك
التفتت اريام على سعود من حست فيه شيء وشافته مستانس وقالت وهي عينها في عين سعود وودها تعرف السالفه ؛ حتى انا احبك بس وش السالفه
قالت لها ريناد السالفه واستانست ومر اليوم جميل للكل
في نهايه اليوم ووقت نوم الجميع قام متعب ؛ اسمحو لنا حنا بنمشي
ابو متعب ؛ الله يحفظكم درب السلامه
ابو زيد ؛ انتبه وانا عمك
متعب ؛ ابشر لا توصي حريص يا عم هيام في العين ذي قبل ذي
ابتستم هيام وشدت على كف متعب الى ماسك كفها من استحت وطلعو بعد ما ودعو الجميع وراحو بيتهم
