(البارت الثالث عشر)
المستشفى 12:12 م
سعود ؛ خالد انت نام بروح اشوف ريناد تبي شيء
خالد ؛ والله خلاص اجل روح شف ريناس وش فيها
سعود ؛ ابشر
وراح سعود من شاف ريناد جالسه على الكرسي ونايمه قدام الغرفه في السيب ودخل على ريناس الى كانت نايمه وطلع جلس جنبها وحط راسها على كتفه ونام بدون مايحس من كثر الامان الى حس فيه بقربها
<المدينه > 12:00ص
بيت ابو متعب
ابو زيد الي كان يدق على جوال سعود الي مايرد ولف على ابو متعب وقال ؛ مايرد دق على بنتك شف وش صار فيهم
دق ابو متعب وماردت ولف على ابو زيد ؛ ماردت الله يهديك تعبو وهم مرافقين اكيد تعبانين يبون ينامون اذا جاء العصر دق عليهم
<المستشفى > 12:20ص
قام وهو يشوف المكالمات وهي لسه نايمه عليه و رد على الجوال وكان ابوه وقال الزياره المغرب وقفل وهي قامت من سمعته يكلم وفزت تقوم من شافته جنبها
ونطق سعود ؛ بسم الله عليتس وش فيتس تقل شايفه جني
ريناد ؛ من متى وانت هنا
سعود ؛ جيت امس اشوف تبين شيء وشفتتس نايمه وراستتس عورتتس من النومه الغلط وجلست جنبتس وحطيت راستتس على كتفي وغفيت وانا مدري
ريناد بهمس ؛ افف ياليل
سعود ؛ ترا ابوتس دق و ابوي دق وامتس دقت قلت لهم الزيارة المغرب اذا تبين شيء شوفيني عند خالد
راح سعود وهي دخلت عند ريناس ؛ ريناس صباح الخير
ريناس ؛ صباح النور وين كنتي نايمه
ريناد ؛ على الكرسي الي برا ما حبيت ازعجتس تبين فطور بروح اجيب لي
ريناس هزت راسها ب لا وطلعت ريناد لسعود وهي تنطق بهدوء ؛سعود عادي تروح تجيب لي فطور
سعود ؛ ابشري
ريناد ؛ تبشر بالجنة بس عادي اروح معك
سعود وهو يضحك ؛ اكيد
طلعو وراحو للمطعم ياخذون فطور ولف لريناد الي تطلب لشخص واحد ؛ ليش واحد و ريناس
ريناد ؛ تقول ما تبي اكل
سعود ؛ لا خذي الفلوس واطلبي لها ولا خالد بيزعل علينا
ريناد ؛ شدخل خالد
سعود ؛ يحبها وامس يوم جيتس يقول شف ريناس تبي شيء ولا لا
ريناد ابتسمت ؛ يعني جيت عشانها مو عشاني
سعود وهو يمسك كفها وواقف جنبها ؛ جيت عشانتس وكنت بعترف لتس بشيء بس شفتس نايمه
ضحكت ريناد تبتعد عنه وتفك كفه من كفها وهي تقول ؛ يله بطلع انتظرك بالسياره
ضحك سعود لانه هاذا الي يبيه الي كان يحلم فيه تنتظره ويمسك كفها قدام الناس وركب وهو مبتسم وشغل تامر حسني ياتاعبني ومسك كفها وهو مبسوط وهي تضحك ونطق وقال ؛ احبتس
لفت للشباك من استحت ولفت له ؛ وانا بعد
سعود بتمثيل للغباء ؛ وش الي انتي بعد
ريناد ؛ احبك
ضحك ووصلو للمستشفى وجابو ريناس بعربيه ودخلو على خالد الي ابتسم من شافها وجلست على طرف السرير وجلسو سعود و ريناد جنب بعض واكلو وريناس الي عيت تاكل لف عليها خالد ؛ وانتي ليه ماتاكلين ؟
ريناس ؛ ماني مشتهيه اكل مابي
خالد لف على سعود ؛ انا وش قلت لك
سعود وهو ياكل ؛ جبت لها شوفه عندها بس ماتبي
خالد رجع يلف عليها ؛ كلي ولا والله ما اكل
ريناس ؛ خالد الله يخليك مابي والله كل انت ولا بزعل
خالد ؛ انا الي بزعل بسرعه كليه كله اشوف يله
اكلت نصه ولفت عليه وهي تستلطفه؛ خلود خلاص اكلت شبعت والله
خالد وهو يمسح وجهه لا يطيح على وجهه مره ثانيه ؛ كمليه باقي شوي عشان خاطري
اكلت لقمة وقامت على طول للحمام وركضت وراها ريناد واما خالد الي كان يقول ؛ ليتني اقدر اقوم كان ركضت قبل ريناد لتس اهخخ بس متى بس متى
طلعت لغرفتها وهي ودها تجلس عنده لا كن لازم يعطونها ادويتها و لازم المغذي بيدها
دخل الدكتور بعد طلوع ريناس و ريناد وقال لخالد ؛ خالد الحمدالله على سلامتك خلال هل الاسبوع انشاء الله بتحس برجلك ولاكن لازم تمشي بعكازة ولازم تحاول شوي شوي تمشي عليها بدون العكاز وطلع وخالد الى جلس من تعبه وطلع سعود ل ريناد ؛ نوني وش صار على اختتس
ريناد ؛ عيون نوني يا شيخ ماصار شيء بس اعطوها مهدي
ضحك سعود وهو يحضنها ورفعت راسها الى كان على صدره وهي تقول ؛ سعودي مو قدام الناس في نص المستشفى
سعود ؛ ما علي منهم انا انتظر بفارغ الصبر متى يتزوج سعد و زيد و خالد عشان اخذتس وتصيرين بقلبي قبل عيوني
ريناد بتمثيل العصبية ؛ خير يعني وين انا الحين فوق راسك ؟
سعود ؛ يلبى المعصبين لا والله انتس في كل مكان و كل زمان وانتي معاي سواً طيفتس ولا انتي بنفستس اهخ بس تدرين اني ذبت يوم تهاوشتي معا غزيل و اعترفتي لي با الاغنيه حسيت اني فوق السحب
ريناد ؛ لاتجيب طاريها هاذا ولا شيء ودي مسحت وجهها في الارض
سعود ؛ يله ياحبي ادخلي عند ريناس بيجون اهالينا
دخلت عند ريناس وهو يتامل مكانها وحضنها وريحه عطرها اما هي الي كانت متكيه على الباب من دخلت وقفلت الباب وهي تتذكر كلامه لها وابتسمت وماهي نص ساعه الى وجو كلهم ابو متعب وعياله و ابو زيد وعياله ودخلو على خالد كلهم يسلمون عليه اما خالد الي كان معصب من ابو متعب ؛ اهلين بعمي الي خلاني اوصل المرحله ذي وخلاني اجلس في غيبوبه
ابو متعب ؛ الله يسامحك يا خالد انت مافهمت السالفه وجلست تسب على الفاضي وانا كنت اقصد انها هي لك
خالد ؛ بعد ايش هاه بعد ما زرعت بقلبي الخوف اني افقدها هاه وهاذا انا اقولها قدام الكل انا احب بنتك ريناس وبتزوجها رضيت ولا مارضيت بكيفك بـ تعاند باخذها غصب عن الجميع الى يرضى والى مو راضي ومحد يوقف قدامي يندم انا بذا الاسبوع انشاء الله بقدر امشي وبجي بخطبها رضيت اخذتها بسنه الله ورسوله منك ما رضيت مشكلتك
ابو متعب ؛ ابشر بها وانا عمك
ابو زيد ؛ لاكن عندي شرط مانزوجها له لين يعتذر منك
خالد بكبريا ؛ انا اعتذر على الي طلع مني من كلام وافعال
ابو متعب ؛ وانا اعتذر وانا ابوك على الي طلع مني من كلام ولا افعال وانشاءالله هي لك بسنه الله ورسوله وابشر بها بعد زواج زيد و زواج سعد باذن الله بتخطبها وتنتظر اخوانك يتزوجون
ضحكو الكل ورجعو يضحكون و يسولفون وبعد ما اعلن رجل الامن انتهاء الزياره طلعو اما ريناد الي كانت متكيه على جوالها وجاها سعود وقال ؛ حبيبتي طفشانه
ريناد ضحكت وقالت ؛ اي طفشانه وش عندك
سعود ؛ افا هاذا الكلام لي كنت بطلعك نروح نلعب في الحديقة
ريناد ضحكت ؛ خلاص اسفه بس ابي اروح الحديقة يله تكفى
سعود ؛ بزر انتي بزر
ريناد نزلت انظارها ليدها ونطق ؛ اسف انتي بزرتي انتي طفلتي انتي حناني انتي اطمئناني انتي حياتي انتي روحي انتي دنيتي بس يله قومي
مد كفه لكفها وطلعو للحديقة الى في المستشفى وهو يغني ؛
" يابلاي انت وداوي وحاجتي والعون عونك
يا اغلى من كل الحبايب واغلى حتى من هلي
ردي ياعين خلك جعل تسلملي عيونك يلي في
قربك حياتي وفي بعادك مقتلي "
لفت عليه وهي تغني ؛
" ومن الشباك لا ارمي لك حالي ..
ومن الشباك لا ارمي لك حالي اه ياحلو
يامسليني يالي بنار الهجر كاويني "
