(البارت الثامن عشر)
.
.
في بيت ابو متعب
عند العيال
زيد ؛ اقول خالد وسعود وينهم اختفو
سعد ؛ بيجون بيجون راحو قريب
سكت زيد والتفت ابو زيد على ابو متعب
ابو زيد ؛ احنا نستاذن بنروح نرقد
ابو متعب ؛ على وين
ابو زيد ؛ بنشوف لنا شقه الين الصبح ونرجع الديره
ابو متعب ؛ لا والله تدور شقه وانا موجوده النوم هنا
ابو زيد ؛ مانبي نضيق عليكم
ابو متعب ؛ مابه ضيق الضيق بالقبور
ابو زيد التفت على زيد ؛ اجل دق يا زيد على امك خلها تجيب فراشي بنام في الحوش
ابو متعب ؛ مابه حوش هنا ارقد في الغرفه انت وام زيد والعيال يا ينامون معا العيال فوق يا ينامون هنا في المجلس
راح ابو زيد بينام وقبل يروح التفت على العيال ؛ ارقدو ودقو على السرابيت الاثنين خلهم يجون ذلحين
زيد وسعد بصوت واحد ؛ ابشر
وراح ينام
زيد لف على سعد ؛ دق عليهم خلهم يجون قبل مايعصب ابوي
سعد ؛ طيب طيب
دق سعد على سعود وجواله كان مغلق لانه طافي شاحن فا دق على خالد ورد
سعد ؛ وش قوم الي معك مايرد
خالد ؛ جواله طافي والشاحن في سيارة ابوي
سعد ؛ على الطاري ابوي يقول خل السرابيت الاثنين يرجعون ذلحين ارجعو
خالد ؛ طيب
وقفل خالد منه والتفت لسعود ؛ ارجع لبيت عمي محمد ابوي عصب يقول خل السرابيت يرجعون
سعود ؛ اما عاد سرابيت يلا اجل واضح معصب
رجعو البيت ودخلو على العيال الي كل واحد منسدحه على فراشه
خالد ؛ العب نايمين
زيد ؛ شف فراشك انت وياه عند ابوي خذوه وانقلعو المشب
سعود ؛ اما عاد المشب وراه ليه ماننام هنا
زيد ؛ اعرفكم ازعاج يلا انقلعو
خالد و سعود ؛ طيب
وراحو ياخذون فرشهم من عند ابوهم وراحو المشب وكل واحد جلس على جواله فز خالد من دق جواله والمتصل ( 😢 Noni ) سعود ؛ وش فيك انت مريض
خالد ؛ اصه اصه تدق
سعود ؛ منهي
خالد ؛ يعني من بالله
سعود ؛ اها اجل بطلع ادخن برا
طلع سعود وهو يحس الدنيا مو شايلته وجلس على عتبت باب الشارع وهو يطلع الدخان من جيبه ويشعله بالولاعة وهو يطلع الجوال يشوف لعل وعسى ترسل ولو نقطه بعدين تذكر انه عنده حسابها انستا وقام دخل وارسل لها اغنيه (وش غيرك وش فيك )
وجلس ينتظر الرد وهو يناظر الفراغ قدامه ودخل بعد مافقد الامل انها ترد ودق الباب عشان يعرف خالد انه جاء ودخل وانسدح على الفراش يبي ينام فجاء الى يجيه اشعار من الجوال وفز يحسبها هي ويوم فتح الجوال الي هي صدق مرسله
ريناد ؛ من ؟
سعود ؛ انسان يعرفتس وكسرتي قلبه وهو يحبتس
ريناد عرفت انه سعود وقالت ؛ وش تبي !
سعود ؛ ابيتس انتي ابييتس
ريناد ؛ سعود ماتفهم انت اقول لك انتهينا خلاص
سعود ؛ انتهينا يعني ايش قولي لي انا ما اعرف وش ذي الكلمه
ريناد تدري انه يستعبط وقالت ؛ يعني خلاص انتهاء كل شيء بيننا وكان ماضي ولا بينعاد انشاءالله
سعود ؛ ريناد
ريناد ؛ نعم
سعود ؛ نعم !!
ريناد ؛ وش تبي
سعود ؛ لهدرجه ماتبيني ؟
ريناد ؛ اي ويمكن اكثر
سعود ؛ يمكن يعني مو اكيد
ريناد ؛ مدري
سعود ؛ ريناد ياخي قولي لي كيف ماتدرين كيف
ريناد ؛ سعود انتهينا يعني انتهينا خلاص
سعود ؛ براحتتس بس تذكري اني احبتس وببقى احبتس حتى لو ايش صار بيننا
ريناد ؛ تبي شيء ببلك ؟
سعود ؛ سلامتتس بس انتبهي لنفستس و صلاتتس بوقتها و انتبهي لنفستس ولاتنسيني ريناد تكفين لا تنسيني
ريناد سكتت ماردت وبلكت على طول بعد البلوك دخلت اليوت وجلست تسمع الاغنيه وهي تبكي
اما عند طيور الحب خالد و ريناس
ريناس ؛ خلودي
خالد ؛ هاه وش بغيتي
ريناس ؛ انا تقول لي هاه !
خالد اقصد ؛ لبيه امري
ريناس ؛ ما يامر عليك عدو بس بغيتك تجيب لي قهوه مشتهيتها
خالد ؛ بس قهوه ابشري تبين شيء غيرها
ريناس ؛ لا بس تكفى انتبه لنفسك
خالد ؛ ابشري ياروح خالد
التفت خالد على سعود ؛ ولد سعود تروح معي ؟
سعود الي كان يطنش عمد مايبي يتكلم ويسمع خالد صوته الي فيه
بكيه
خالد قام من مكانه وهو يهز سعود بشويش ؛ سعود ولد سعود
سعود ؛ هاه ياخي وش تبي
خالد ؛ وش قومك
سعود ؛ مافيه شيء وش تبي
خالد ؛ كنت ابيك تروح معي تغير جو نتمشى ونجيب قهوه للبنات صاحيين
سعود ؛ مالي خلق والله بس ريناد جيب لها قهوه اليوم ولا V60
ريناس الي نادت ريناد تسمع وهي مبتسمه ان سعود يعرف طلب وريناد المعتاد وريناد عيونها دموعع لفت وراحت تنسدح على السرير وتتغطى بالبطانيه
خالد ؛ اخس اخس تعرف بعد
سعود ؛ اجل كيف ما اعرف طلب محبوبتي الي كسرت قلبي وراحت
خالد ؛ هيا قم امش غير جو من الكائبة ذي
سعود ؛ خالد الله يعافيك خلني مابي اروح
طلع خالد بعد ما اخذ مفتاح سياره سعود وطلع وريناس تناظر فيه من بلكونة غرفتها وتاشر له
خالد ؛ بنت ادخلي الحين يشوفونتس الجيران
ريناس ؛ اوه شافوني من زمان كل يوم وانا متكيه هنا با انواع الملابس
خالد ؛ ايش ايش ما اسمع ؟
ريناس ؛ ولا شيء بس انتبه لنفسك تكفى
خالد ؛ ابشري بس ادخلي ياخي تكفين بيشوفونك الناس وانا انسان فيني حب تملك ابيك لي لحالي
ريناس ؛ ابشر ابشر
خالد ؛ ايوه على بال ما اوصل قولي طلباتكم
ريناس ؛ انا ابي V60 و ريناد نفسي او الثانيه الي قالها سعود نسيت اسمها و اريام تبي سبانش لاتيه
خالد ؛ اختي لحجيه ماتغير طلبها دايم نفس الطلب
ريناس ؛ هيه عاد عن الغلط ما اسمح لك تتكلم على مومو الزم حدودك
خالد ؛ اها نظامتس كذا انتي اجل ماني جاي
ريناس ؛ زعلت ؟
خالد ؛ ايوه
ريناس ؛ اسف ياعيوني خلاص يلا تعال بس
خالد ؛ يلا يلا وصلت الكوفي اسكتي لاتطلعين صوت ياويلتس
ريناس ؛ ابشر خلاص مابتكلم
خالد ؛ السلام عليكم
..؛عليكم السلام
خالد ؛ لو سمحت عطني اثنين V60 بارد وواحد قهوه اليوم وواحد سبانش لاتيه واذا فيه فرنش توست عطني اثنين
.. ؛ شيء ثاني
خالد ؛ سلامتك ، بس فيه مشروبات حاره ؟
.. ؛ اي فيه كابتشينو فيه هوت تشوكلت فيه V60 حار
خالد ؛ خلاص عطني V60 حار واحد
.. ؛ اي خدمه ثانيه
خالد ؛ لا شكرا
.. ؛ تفضل قدم على الشباك الثاني تستلم طلبك
خالد ؛ طيب
خالد وهو يحرك للشباك الثاني تكلمت ريناس
ريناس ؛ هيه خالد
خالد ؛ لبيه
ريناس ؛ لمين الـ V60 الحار ؟
خالد ؛ لحبيبتي
ريناس ؛ ايش ايش
خالد ؛ اقصد لسعود يعني لمين
ريناس ؛ لا انا سمعتها حبيبتي
خالد ؛ استهبل هو نفسيته ماش بعد الي صار بينهم ومايبي يطلع ولا شيء وهو الي كان يغصبني على الطلعه
ريناس ؛ ليه وش صار بعد
قال لها خالد وبعدها سكت شوي والتفت من انفتح شباك استلام الطلبات
.. ؛ تفضل
خالد ؛ شكرا ، يعطيك العافية
.. ؛ العفو ، الله يعافيك
تحرك خالد وهو راجع للبيت وهو كان يكلم ريناس ويسولفون وصل البيت ونزل من السياره وبيده اغراض كثير
خالد ؛ هيه دقيقه بقفل بدق على سعود يفتح الباب لي
ريناس ؛ لا مايحتاج يمكن انه نايم انا بجيك
خالد ؛ كيف تجين
ريناس ؛ بلبس جلال الصلاه واجي دقيقه
خالد ؛ اما عاد جلال صلاه يلا احسن انا ابيتس تجين اصلا
ريناس ؛ ايوا قول كذا من البدايه
خالد ؛ ولا اقول لتس البسو عباياتكم وتعالو تكو معنا في المشب
ريناس ؛ تم بس بقول للبنات اول
خالد ؛ يلا انتظركم وبقفل ذلحين عشان ادق على سعود يفتح لي الباب انشويت هنا
