( البارت الثاني )
.
.
عند العيال الي جلسو في الحوش
متعب ؛ يا زيد وش رايك نروح العزبه نتكي هناك عشان بعد البنات ياخذون راحتهم
زيد ؛ يله يله
راحو العيال العزبة وبما انهم راحو كلهم خالد و سعد و سعود يمشون ببطيء
سعود ؛ يا عيال اتذكر في مكان ورا العزبة مطل على الديرة كلها
خالد ؛ اي دايم اجلس فيه والله انه يبعد الضيقة تحس انه مريح
سعد ؛ اي والله خل نروح له
وصلو وجلسو وكل واحد يهوجس وسعود الي كان يهوجس في ريناد الي شافها بحكم انها تتحجب وضحك لوهله من تذكر ضحكها عند البقالة وبعدها دق جوال سعد والاتصال كان من " وليد "
سعد ؛ هلا
وليد؛ وينكم
سعد ؛ ورا العزبه وراك انت ماجيت معنا
وليد ؛ اي كنت عند رنيم كانت تبي اغراض وجبت لها يله جايكم
سعد ؛ يله
وصل وليد عندهم وجلس بجنب سعد وجلسو يسولفون وبعدها قام سعود
العيال ؛ وين
سعود ؛ بروح البيت اتروش وابدل و يمكن انام ميت نوم
العيال؛ تمام
راح سعود البيت وفتح الباب ودخل وسمع صوت في اخر الحوش الخلفي وراح يحسب انها هيام او اريام وانصدم من شافها ريناد تكلم صاحبتها وصد على طول دخل الغرفة حقته وراح يتروش ويبدل وانسدح ارسل ل خالد انه ماراح يجي فيه نوم وما مر ثواني الى وهو نايم
دخلت ريناد بعد ماخلصت مكالمه ونست تسال اريام وين الغرفة الي بتنام فيها ودخلت غرفة وانصدمت من برودها وظلامها دخلت وشغلت النور وانصدمت من الي فز من الفراش بخوف من الي فتح النور ولقاها ريناد وانصدم
ريناد؛ اسف ماكنت ادري انك هنا
سعود كان مصدوم منها وكان بيرد لولا انها طلعت بتوتر وفشله وسعود من تذكر ملامحها وضحك لوهله ورجع ينام
عند ريناد الي راحت تدور اريام ولقتها وقومتها من النوم وطلعو للحوش الخلفي وجلسو
اريام ؛ يابنت وش فيتس مقومتني
ريناد ؛ ياراسي الفشله يا اريام ليش ماعلمتيني وين انام
اريام ؛ كنت بقول لتس بس ما حسيت في نفسي ونمت ليش وش صار
ريناد ؛ دخلت على سعود في الغرفة ماكنت ادري انها حقته وشغلت النور وقام من الفراش وشافني وانا كذا بدون عباية
اريام ؛ يوهه عادي طيب اخرشتيني
ريناد ؛ وش الي عادي اقول شافني كذا بدون عباية
اريام ؛ كلنا ندري انتس له وهو لتس وكلنا ندري انه يحبتس الى انتي
ريناد ؛ اريام مو وقتتس ابد تفشلت
ضحكت اريام وقامت بتروح تكمل نوم
ريناد؛ وين
اريام ؛ بروح انام تبين شيء
ريناد ؛ كيس نوم انتي ، لا مابي شيء
اريام ؛ اجل باي وتنامين معي في فراشي لانه كبير
ريناد ؛ اوك
راحت اريام و ريناد الى كانت متفشلة وتهوجس في وجهه كيف كذا هو حلو فجاء تسمع ضحك اريام وراحت جريي لها و شافت سعود و اريام يضحكون وراحت تلبس عبايتها ومشت من جنبه وطلعت للغرفة بحكم انه واقف في نص الدرج
اريام ؛ انتي شفيتس مريضه
ريناد ؛ ليه وش سويت لتس
اريام ؛ اقول لتس يحبتس تسوين كذا
ريناد ؛ كذببب مو صدق اصحي
اريام ؛ تخيلي هو جاي يفضفض لي من يوم جيتي وهو كل شوي يشوفتس ويتشقق زيادة
ريناد انصدمت من كلامها وقالت ؛ واذا طلع كذب
طنشتها اريام ونامت و انسدحت ريناد على السرير وتفكر اذا صدق كلام اريام ولا تستهبل وما مر دقايق الى وهي نايمة
عند سعود الي يهوجس كيف انها كانت تفضفض ل اريام انها تفشلت ونام
الصباح في الحوش
ابو زيد ؛ ابو متعب وش رايك تروح معنا المحل ولا ماتبي
ابو متعب ؛ معك
ابو زيد دخل يقوم العيال الي كانو نايمين في غرفة زيد الى هم وليد ومتعب وزيد و سعد و خالد وسعود في غرفتهم
ابو زيد ؛ يا ولد انت وياههه قم
خالد ؛ يبه قمنا قمنا
قامو العيال ولبسو وطلعو يصلون الفجر و يفطرون اما عن البنات الي جالسين يفطرون وسولفون وسكتو من سمعو صوت سعود ؛ يا اريام تعالي
اريام ؛ جايه جايه وقامت وهي تغمز لريناد الي تهوجس
سعود ؛ سوي قهوه وشاهي بناخذها العزبه معنا
اريام ؛ طيب
سعود ؛ وهو يطالع في المطبخ الي ماكان فيه احد وقال ؛ في احد في المطبخ اريام ؛ لا
ودخل المطبخ يشرب مويه واريام رجعت تفطر قامت ريناد وهي تمر من المطبخ شافها وهي ماهي منتبهه ان فيه احد في المطبخ وطلع من المطبخ وهو يقول ؛ ياولد في احد بطلع الحوش اما ريناد الي كانت تجري تبي تطلع فوق و صدمت فيه وهو مار وطلعت على طول وهو يضحك على ركضتها طلع الحوش ولقاء العيال والشياب و متعب و زيد راحو
سعود ؛ وين راحو
وليد ؛ ابوي و عمي راحو المحل و متعب و زيد راحو العزبه
جلس سعود عند النار وهو يهوجس كيف ريناد كانت تركض وضحك فجاة سكتو العيال الى كانو يسولفون
سعد ؛ ولد وش فيك تضحك
سعود ؛ لا مافيه شيء سلامتك
طلعو خالد و سعود يمشون ويروحون البقالة يجيبون الاغراض الناقصة للبيت
خالد ؛ اقول انت وش فيك من يوم جاء عمي وانت تهوجس كثير
سعود ؛ ابد مافيه شيء
خالد ؛ علي الكذب يا سعود
سعود ؛ تبغا الصدق والله ريناد من زمان وانا احبها و زاد الحب
خالد ؛ وش الجديد من يومكم ورعان وتحبون بعض والكل يقول انت لها وهي لك
وصلو البقالة وخذو الي يبون وسعود شاف البسكوت الي كانت تحبه ريناد واخذ كرتون وحطها في كيس لحاله
خالد ؛ وش تبي فيه لايكون بتعطيها انت ؟
سعود ؛ لا ياشيخ بخلي اريام تعطيها
ضحك خالد على سعود الخفيف وراحو البيت ودخلو ودخل سعود الاغراض للمطبخ من الباب المطبخ الى يودي على الحوش وشاف اريام ونزل الاغراض وشاف ورقه وقلم وكتب فيها ؛
"ياسعود شفتها ولا كنت ادري اني
بيوم بعشقها ياسعود حبيتها وانا قلبي
عن الحب ياسعود والله اني صادق
في حبي لها اهخ ياسعود حبيتها من
كل اعماق قلبي ياسعود قلبي عاف
العالم واكـتـفـيـت فـيــها "
وكتب اخر الورقة (to Renad ) ودخل الورقة في الكرتون فوق البسكوت عشان تشوفها وعطاها اريام وقال ؛ عطيها بدون احد يشوفتس
وخذت الكيس وراحت لريناد الي كانت في الغرفة تضحك ؛ هديه من حبيب القلب لتس تبينها ولا
اخذت ريناد الكيس وطلعت اريام ونزلت تحت عنده تبي تقول له انها انصدمت ولاكن هي الي انصدمت يوم صدمت واحد يبي يطلع فوق وطلع وليد وكان حلو بمعنى الكلمة وهو شافها وابتسم بعدها صد واعطاها بظهره وقال ؛ اسف ماكنت ادري ان في احد فوق حسبتكم تحت
اريام ؛ لا عادي اصلا انا نسيت عبايتي تحت
راحت اريام جري ل ريناد وهي تستجمع انفاسها ؛ ر...ريناد شافني اخوتس
ريناد جلست تضحك ؛ مننن؟ لايكون متعب بس
اريام ؛ لااالا وليد
ريناد ؛ عادي طيب
