"(البارت السادس)"
بعد مرور شهر
في الحوش < الديرة > اليوم الموعود زواج هيام
.
.
ابو زيد ؛ ولددد جب الفرشات هنا بعد
زيد ؛ ابشر
خلصو العيال ودخلو يتكشخون قبل يجون المعازيم
ام زيد ؛ اريام ، ماخلصتي
اريام ؛ لبيه ، الى بس باقي شوي
ام زيد ؛ يله ياامي خلصي عشان تساعديني
اريام ؛ طيب
طلعو العيال الحوش بعد ما كشخو و اريام الي تصورهم
اريام ؛ زيد تعال معاهم
زيد ؛ لا مابي يعطوني عين
اريام ؛ من زينك عاد الله يعين زوجتك عليك
ضحكو العيال على اريام الى تتهاوش معا زيد كل يوم وصورو وخلصو وجو ابو متعب وعياله
ابو زيد ؛ ياهلا و مسهلا
ابو متعب ؛ الله يسلمك
ابو زيد ؛ اقلطوا القهوه ياولد
ابو متعب ؛ خلها لين يجيون الضيوف
ابو زيد؛ لا عادي
< قسم الحريم >
.
.
هيام الي كانت متوترة و اريام الي كانت تصورها و البنات حولهم اما عند ام زيد الى تستقبل الضيوف هي و ام متعب
ام زيد ؛ ارحبو
الحريم ؛ البقاء
ام زيد ؛ اقلطو
دخلو وجلسو وبدت الزفة دخل متعب على هيام تصورهم اريام بحكم انها تصوريها حلو مثل هيام
اريام ؛ خلصت شوي وتبداء الزفة
جلسو و اريام طلعت وهيام الي ظاغطة على يدينها الثنتين
واما متعب الي يتامل ملامحها الهادية و الجميله ولفت عليه وهو يناظرها
هيام ؛ ليش تناظرني كذا
متعب ؛ اتامل حرم متعب ليش مو عادي ؟؟
هيام ؛ عادي بس اتوتر زياده
طلع متعب للرجال وراحت هيام للحريم وجلست جنب ام متعب و ام زيد وجلسو يرقصون ويضحكون وقامت هيام تروح لان ناداها متعب
هيام ؛هلا
متعب ؛ ترا بتروحين معي
هيام ؛ طيب
راح متعب و دخلت هيام تضحك على السالفة الي ناداها عشانها وهو بالاساس ناداها لانه يبي يتاملها
خلصو عشاء وطلعو يزفون هيام لمتعب الى السيارة وركبت ومشو بعد توصيات اخوانها عليه وصلو للفندق وجلسو يسولفون شوي عن الزواج ونام بعدها
في الديرة عند البنات
اريام ؛ ما اصدق اني صرت لحالي بين اربع شباب الحين
ريناد ؛ الله يعينك احنا راح متعب باقي وليد
اريام فزت لوهله كونها اصتدمت فيه وباقي تذكر ملامحه جلسو البنات ياكلون ودخلو بعدها دخلو ينامون
في الصباح في الفندق
قامت هيام ولبست وسوت الفطور وجلست تناظره تنتظره يقوم
هيام ؛ متعب قوم سويت لك فطور
متعب ؛ مابي
هيام ؛ خيررر تعبت وانا اسويه
متعب ؛ امزح امزح بسم الله بتاكليني
قام متعب ولبس ورجع يفطر وقال؛ وين تبين نسافر شهر العسل
هيام ؛ اي مكان عادي
متعب ؛ اوكي اول شيء نروح مكة وبعدين نروح المطار حجزت تذاكر لماليزيا
ابتسمت هيام وجلس يناظرها وهي تلم اغراضها هيام ؛ خلصت
متعب طلع وهو يشل شناطها وطلعو وسالمو على اهلهم وراحو مكة
متعب كان مستانس وهو كل شوي يخطف النظر لها و شغل الراديو على اغنية تو القمر وجلس يتاملها وهو يغني معا المغني ؛
" تو القمر بان بان
وادركنا معنا العنوان
ابمشي ليلي سهران
ارفق على حالي "
ابتسمت يوم ادركت انها المقصودة في الاغنية ولفت تناظره وهي بداخلها يقول ؛ انت قمر ولا ملاك نزلت لي من السماء ابتسم وهو يشوفها تناظره وهو يرجع نظره للطريق ويدندن معا الاغنيه وهو يطق ب اصابعة على الدركسون وصلو مكة ودق على امه ؛ يمة ابشركم وصلنا تطمنو
ام متعب؛ الحمدالله على سلامتكم
متعب ؛ الله يسلمك
راحو الفندق ونزلو الحرم في الفجر بعد ما ارتاحو في الفندق
ونزلو الحرم وهي متمسكة في الاحرام حقة وهو ماسك يدها ويحطها قدامه من الزحمة وهي تدعي بكل مافي قلبها من ادعيه وتحمد ربها على الهدية الي جات الي عندها الي هو متعب
ومتعب كذالك قاعد يدعي بكل مافي قلبه من ادعيه وهو يبعد هيام من الزحمة وخلصو عمره وطلعو ياكلون
متعب ؛ وش تبين ناكل من برا ولا في الفندق
هيام؛ عادي بس وش رايك نروح مطعم افضل
متعب ؛ تم
راحو مطعم وطلبو المنيو واكلو وخلصو وطلعو يتمشون في مكة وبعدين رجعو الفندق ينامون
في الطرف الثاني
.
"( الديرة)"
.
اريام ؛ بنت ريناد من زمان ماسمعت سوالف الديرة وش رايك نروح لغزيل
ريناد ؛ تم
غزيل ؛ عمرها ( 20) طيبة وحنونه وعنيده و عصبيه و تحب تتنقل في اخبار الديرة
راحو لغزيل وجلسو يسولفون وغزيل تنقل لهم اخبار القرية وبعدها دق جوال اريام والمتصل ( سعود ) اريام راحت دورة المياه والجوال عند ريناد الي ردت بدون ما تشوف الاسم
سعود ؛ الوه بنت
ريناد الي جلست ساكته الى ما نطق ؛ اريام بنت الو
ردت ريناد ؛ هلا
سكت سعود وهو يسمع صوتها الي مو غريب عليه وقال ؛ ريناد ؟؟
ريناد ؛ اي اسف رديت ولاكن اريام في دورة المياه
سعود ؛ اذا تبون ترجعون البيت دقو علي اجيكم
ريناد ؛ تمام ياعيوني
ضحك سعود لوهله وادركت ريناد الي قالته ؛ اسف بس طلعت مني بالغلط من دون قصد
سعود ؛ لا عادي شدعوه
سكرت الجوال وهي متفشله ومستانسه في نفس الوقت سكتت من جات لها اريام ؛ من الي دق ؟؟
ريناد ؛ س..سعود
اريام ؛ وش فيتس مرتبكه
ريناد ؛ لا مافيني شيء بس ترا قال اذا بترجعون البيت دقو علي اجيكم
ضحكت اريام على وجه ريناد الي تغير وقالت؛ يله اجل بدق عليه يجي
دقت اريام على سعود الي فز قلبه يحسب انها ريناد بعد ورد على طول ؛ هلا
اريام ؛ سعود وينك ، تعال خذنا احنا في بيت غزيل
سعود ؛ في البيت ، طيب دقايق بدق واقفل واطلعي بسرعه
اريام ؛ طيب بس ترا مو لحالي معاي ريناد
هي قالت كذا قاصده عشان تشوف وش بيقول
سعود ؛ ادري طيب
اريام انصدمت ؛ كيف تدري انت
سعود استوعب الي قال ؛ ايه اقصد اني سالت امي وينتس قالت راحت هي وريناد عند بيت ابو غزيل
اريام ؛ اهااا طيب تعال بسرعه لاتتاخر ابو غزيل جاء من المحل واحنا استحينا
سعود ؛ يله مسافة الطريق وانا عندكم
سكرت اريام وناظرت ريناد الي جالسه تهوجس ؛ ريناد
ريناد ؛ هلا
اريام ؛ البسي عبايتتس سعود بيجي ياخذنا
ريناد ارتبكت وقامت تلبس عبايتها وغزيل الي الابتسامه شاقه وجهها من سمعت ان سعود بيجي ياخذهم بحكم انها تحبه ومامر دقايق الي هو فعلاً عند الباب طلعت غزيل معاهم الى عند الباب وهي قاصده توقف قدام الباب عشان يشوفها سعود ؛ والله رحتو بدري كان ودي تجلسون اكثر
ريناد وهي معصبه منها كونها واقفه قدام الباب ولبسها الضيق وقالت ؛ والله ما ودي اني جيت لاكن ابعدي من الباب سعود في السياره يشوف وخلي عنتس الحركات يا سراقة الرجاجيل وطلعت ركبت السياره وهي معصبه سكرت الباب بقوة
سعود وهو يضحك على عصبيتها والتفت لها؛ عسى ماشر متهاوشه معا الباب
ريناد ؛ اي
سكتت لوهله كون اريام طولت ونطقت بعصبيه ؛ شفتها اعجبتك
سعود وهو مايدري وش تقصد ؛ من الي شفتها
ريناد بغضب ؛ غزيلللل
ضحك سعود من غيرتها الواضحه وقال ؛ لا والله ماشفت شيء
سكتو من ركبت اريام قدام وقالت ؛ يوه يا ريناد اول مره اشوفتس غيرانه من احد ومالقيتي الي غزيل
ريناد بغضب وحقد على غزيل ؛ مالتس دخل انتي وهي اصلا قليلة ادب تبي من يادبها يعني ما غرتي على اخوتس الي طلعت قدامه بشكلها كذا
عض شفته سعود يخبي ضحكته وهو بيموت على غيرتها عليه وضحكت اريام ولف عليها ؛ وش يضحك استاذة اريام ضحكينا معتس
اريام ؛ لا بس تذكرت يوم ريناد فصلت على غزيل
ضحكو حتى ريناد ووصلو البيت ونزلت اريام بسرعه وقال سعود ؛ ريناد
ريناد لقت عليه ؛ هلا
سعود ؛ تبين شيء
ريناد ؛ سلامتك
ودخلت وهي منحرجه من حركاتها له ودخلت وهو دخل عند العيال
