(بارت التاسع عشر )
.
.
بعد مادخل خالد وجلس التفت على سعود
خالد ؛ سعو
سعود ؛ هاه
خالد ؛ وش فيك
سعود ؛ مافيني شيء
خالد ؛ طيب قوم البس ثوبك البنات بيجون يتكون معنا
سعود ؛ خذو راحتكم بطلع اتكي في السياره
خالد ؛ اقول اجلس مكانك جبت لك معنا
سعود ؛ مابي
خالد ؛ هاذي جزاتي
سعود ؛ مشكور ويعطيك العافيه بس قلت لك مابي
خالد ؛ بكيفك بس بزعل
سعود ؛ وش شايفني يا الطيب هد
خالد بضحك ؛ شايفك حبيبتي
سعود ؛ اما عاد حبيبتك
خالد ؛ اقول لك قم البس ثوبك واجلس
سعود ؛ والله مالي خلق بطلع اجلس بالسياره
خالد ؛ اجل خذ طلبك
قام سعود اخذ الكوفي حقه وطلع يتكي في السياره على بال ما جو البنات من فوق ودخلت اريام وهي تضحك التفت خالد من سمع صوت
خالد ؛ قصري صوتتس
اريام ؛ وليه انشاءالله
خالد ؛ الناس نايمه اتوقع
اريام من تذكرت ابوها ؛ اي صح راح عن بالي
خالد ؛ زين استوعبتي
جلسو البنات وهم يصورون ويطقطقون على خالد انه جالس لوحده
اريام ؛ وينه
خالد عرف انها تقصد سعود ؛ جالس في السياره مايبي يجي
اريام التفت على ريناد الي قامت طلعت برا المشب ولفت على ريناس الي تضحك
اريام ؛ وش يضحكتس
ريناس ؛ ولا شيء
سكتو وكل واحد اخذ الكوفي حقه وراح غرفته ودق خالد على سعود
خالد ؛ سعو ليتك ماطلعت جات جلست شوي وراحت
سعود ؛ خلود والله ماني ناقص بس باقي فيه احد برجع انام
خالد ؛ لا تعال
سعود ؛ طيب افتح الباب
خالد طق فيه عرق النذاله ؛ مابفتح خلك تنشوي شوي نفس قبل شوي لطعتني عند الباب ساعه
سعود ؛ ياخي ماني فاضي لك افتح
وجلس سعود على عتبته الباب وهو يطلع زقارته وهي تطالعه من فوق ونزلت تفتح الباب وتمشي كانها ماتشوف التفت وانصدم من الي فتح الباب وهو يشوف وحده رايحه وعرف انها هي ودخل على خالد وهو متضايق مره
سعود ؛ والله مالك داعي
خالد ؛ كيف دخلت !!
سعود ؛ جت من فوق وفتحت لي وراحت
خالد ؛ كويس يعني مو زعلانه منك
سعود ؛ اقول لك دز مالي خلقك واذلف برا كلم برقد
خالد ؛ طيب طيب خلك قدها
سعود ؛ قدها
خالد قام كان بيضرب سعود الى سعود ياخذ المخده ويصكه بها ضحك خالد على حركة سعود واخذ المخده وهو يضرب سعود فيها وضحكو وبعدها سعود انسدح وخالد طلع السياره يكلم ريناس
اما عند ريناد الي كانت متكيه في البلكونه وهي متضايقه حيللل اما عند سعود الى عجز ينام وجالس يفكر وبعدها بكم دقيقه نام
الطرف الثاني
.
.
ام فايز ؛ فايز ياولدي لقيت لنا بيت ؟
فايز ؛ لقيت ابشرك
ام فايز ؛ زين بكره نروح نشوفه
فايز ؛ ابشري
راح فايز ينام ولمياء جالسه تكلم صاحبتها وام فايز دخلت تنام
اليوم التالي ..
عند بيت ابو متعب
ابو زيد في الحوش جالس وينادي العيال
ابو زيد ؛ اصبحنا واصبح الملك لله
ودخل المشب على خالد وسعود وهو يفتح النور
خالد ؛ سعود يابزر اطلع برا وسكر الباب
ابو زيد ؛ سعود اجل هاه قم قامت عليك القيامه
خالد فز من مكانه وهو يهرب يروح الحمام اما سعود الي لحد الحين نايم
ابو زيد ؛ وانت وراك ماتقوم
سعود ؛ قمت قمت
وصحو كل البيت وتجمعو العيال في الحوش والبنات في المطبخ يسوون الفطور على بآل مايجون متعب وهيام
متعب ؛السلام عليكم
الكل ؛ وعليكم السلام
سلمو الكل ودخلت هيام عند البنات وامها وخالتها وبعد ماجلسو يسولفون شوي قامو يسوون الفطور
اريام ؛ ريناد جيبي لي الزيت بسوي البيض
ريناد ؛ من عيوني
راما ؛ و انا بسوي الشاي
رنيم ؛ وانا عاد بودي الاغراض على السفره
ريناد ؛ وانا بروح اقعد
البنات بصوت واحد ؛ وين وين
ريناد ؛ بروح اقعد معا هيام
راما ؛ اقول ساعدينا انتي وريناس حضرو النواشف
ريناس ؛ تمام
ريناد ؛ طيب
بعد ماخلصو وحضرو الاكل وكل شيء طلعت ريناس تنادي وليد
ريناس ؛ وليد
وليد ؛ هلا
ريناس ؛ ترا خلصنا الفطور ادخلو افطرو
وليد ؛ طيب يلا ادخلي
ريناس ؛ تمام
ودخلو الرجال وافطرو ودخلو البنات بعدهم يشيلون السفره
ريناد ؛ بنات وش ذا باقي فيه اكل كثير
اريام ؛ مره باقي كثير
ريناس ؛ اكيد ذا مكان متعب مشاءالله عليه طلعت له كرشه من الاكل
ضحكو البنات على دخول هيام
هيام ؛ نعم نعم ياحبيبتي تتكلمين بزوجي !
ضحكو البنات من نطقت ريناس ؛ اي
هيام ؛ اقول حدك بس
ريناس ؛ تراه اخوي قبل يصير زوجك
راما ؛ خلاص انتي وياها ترا مايدري عنكم جالسه يسولف
ضحكو البنات وهم يشيلون الاغراض ويودونها المطبخ بعد ماخلصو جلسو معا امهاتهم في الصاله
ام زيد ؛ هاه يا هيام ماودك تجيبين لنا وريع صغير
هيام ؛ لا والله ماودي ذلحين
سكتو وكل وحده على جوالها فجاء الى تنط رنيم
رنيم ؛ بنات
البنات ؛ هاه
رنيم ؛ عندي فكره بدال الفكك ذا
راما ؛ ايش
رنيم ؛ ناخذ سياره متعب ولا وليد ونطلع نتمشى ولا نروح كوفي
ريناس ؛ انا مدري يمكن لا
ناظرت فيها هيام ؛ اعرفها الحركات ذي يعنني بسال خطيبي
ضحكو البنات والتفت عليها ريناس ؛ اي بساله وانتي طسي اسالي زوجك
كل وحده راحت تكلم امها اما رنيم راحت تكلم وليد عشان تاخذ سيارته
هيام دقت على متعب وقالت تعال ابيك
متعب ؛ لبيه امري وش بغيتي ؟
هيام ؛ ما يامر عليك عدو بس البنات بيطلعون عادي اطلع معاهم
متعب بدون تردد ؛ لا
هيام ؛ ليه
متعب ؛ وش تروحون لحالك وينا بوه حنا
هيام ؛ طيب عادي طلعونا انتو اجل
متعب ؛ بكلم العيال واشوف
هيام ؛ طيب طس
متعب ؛ هيام بتندمين ياويلك
هيام عطته بوسه في السماء ودخلت عند البنات
هيام ؛ بنات
البنات ؛ ايش
هيام ؛ متعب يقول مافيه طلعنا لوحدنا لازم هم معنا
راما ؛ خير وش ذا السماجه
ريناد ؛ جد نبي نطلع لوحدنا
ريناس ؛ في احلامك يابيبي
رنيم ؛ تخيلو
البنات ؛ وش بعد
رنيم ؛ وليد قال لا
ضحكو البنات وقالو لها وجلست تقول ؛ عندي خطه
البنات ؛ ايش
رنيم ؛ كل وحده تروح تكلم زوجها ولا خطيبها ولا ابوها ولا اخوها ولا الي هو وكل وحده واحد الين يقولون تم
ريناس ؛ انا ما اتوقع بس بكلمه
هيام ؛ وانا بعد ما اتوقع
راما ؛ تقريبا تقريبا انا نفسكم
ريناد ؛ انا بروح اقنع ابوي يكلم العيال
رنيم ؛ وانا بروح معا ريناس
اريام ؛ وانا عاد بكلم سعود الكفو
طلعو وكل وحده راحت ورجعو وهم مبسوطين
ريناد ؛ قال طيب
ريناس ؛ حتى انا
هيام ؛ حتى انا
اريام ؛ حتى انااا
رنيم ؛ وانا بعد
راما ؛ للاسف قال لا
هيام ؛ اما عاد خير انا بروح اكلمه
راما ؛ كفو يا المحزم بروح معك بحاول مره اخرى
دقت هيام على متعب
متعب ؛ لبيه
هيام ؛ توتو ناد زيد وتعالو المجلس حق السفره
متعب ؛ ابشري
جو متعب وزيد وتكلمت هيام
هيام ؛ لو سمحت يا اخي الفاضل قول تم اول
زيد ؛ على ايش
هيام ؛ انت تعرف توك قلت لا
زيد ؛ صح قلت لا يعني لا
راما ؛ خير ابي اطلع معهم طيب
التفت متعب على زيد ؛ اوف تقول لختي لا
زيد ؛ من قال
راما ؛ انت قلت
زيد ؛ خلاص تم بس بشرط
راما ؛ ايش
زيد ؛ انا اوديك
راما ؛ طيب
والتفت على هيام وباستها في خدودها والتفتو متعب وزيد على بعض وبنفس الوقت قالو ؛ نعم
انصدمت هيام ؛ ايش
متعب ؛ نعم يا اختاه تبوسين زوجتي
راما ؛ مايخصك يا اخ
زيد ؛ طيب انتي تخصيني انا ليش
راما ؛ بعد مايخصك
هيام ضحكت ؛ ترد ولا تبالي
راما ابتسمت في وجه زيد وقالت ؛ اسف اسف بس يلا خن نطلع
طلعو العيال يكلمون الباقي والبنات دخلو يلبسون عباياتهم
