( البارت العاشر )
دخلو المستشفى وهي تنتظر وطلع لهم الدكتور بعد نص ساعه
سعود ؛ هاه يادكتور بشر
ريناس وهي تبكي ؛ دكتور ما صار له شيء صح ؟؟
الدكتور ؛ مافيه شيء حمدالله بس انكسرت رجله واغمى عليه اعطيناه علاج بنخليه يرتاح نص ساعه وبعدها تقدرون تاخذونه معكم
سعود ؛ الحمدالله الحمدالله
ريناس ؛ ياربي كله بسببي كله بسببي
سعود ؛ ماهو بسببك هاذا قضاء الله وقدره ماصار شيء الحمدالله سليم مافيه شيء
ريناس ؛ عادي اذا قام تخليني اكلمه ولا لا
سعود ؛ اي عادي من حقك
بعد نص ساعة دخلت ريناس عليه وهي تقول ؛ حمدالله على سلامتك جبت لك ورد
وهي تحط البوكيه على طرف السرير وجلست على الكرسي وهي تبكي وتقول بصوت مبحوح ؛ اسفه كل شيء صار بسببي انا بسببي انا
خالد وهو يصد ويعض شفته بالم من رجله ولف عليها؛ ما صار شيء هاذا انا صاحي مافيني شي
ريناس ؛ لاتخبي تعبك ادري رجلك تالمك قلت لك انزل بس ماسمعت الكلام
خالد ؛ من الي جايبني هنا ؟؟
ريناس ؛ سعود ، اسف اذا ضايقتك انا بطلع مع سلامه
طلعت وهي تبكي وجلست على الكرسي تبكي وجاء سعود معاه مويه وعطاها ودخل على خالد ؛ حمدالله على السلامه
خالد وهو يصد يخبي الدمعه ؛ الله يسلمك
سعود ؛ وش فيك
خالد ؛ مافيني شيء
سعود ؛ وش فيها اجل طلعت تبكي
خالد؛ مدري وين راحت لايكون راحت معا اوبر بعد بطيح مره ثانيه
سعود ؛ لا جالسه برا وش فيكم هاه
خالد ؛ قلت لك مافي شيء
سعود ؛ خالد طلعت تحبك بس تخبي مشاعرها
خالد ؛ وش دراك انت
سعود ؛ يوم اغمى عليك نادتني من الشارع و يوم احنا جايين هنا حاطه يدها على خدك وهي تقول خالد لاتخليني تكفى اصحى خالد
ضحك خالد وشد على يده من الالم ؛ رح جب لي علاجات مسكنه وامش نرجع البيت وطلعو بعد وقعو على ورقة الخروج ورجعو البيت كان سعود يسوق وخالد راكب جنبه وهي راكبه ورا سعود وخالد كل شوي يلف عليها
ريناس ؛ سعود ممكن تمر الصيدلة
سعود ؛ ابشري
وقفو ونطق سعود ؛ وش تبين
ريناس ؛ بنزل معك
سعود ناظر الصيدلية ؛ مقدر فيه رجال وش الي تبينه
ريناس ؛ قل للصيدلي ابي حبوب مسكنه لالم الكسر في الرجل
سعود ؛ طيب
نزل وهو يضحك اما خالد الى التفت عليها وهو يقول ؛ليش سويتي كذا ؟؟
ريناس ؛ قلت لك انزل بقول لك شيء ولاكن عاندت
خالد ؛ ما اقصد كذا اقصد يوم واحنا رايحين المستشفى
ريناس ؛ كيف حسيت
خالد ؛ علمني سعود ماعلينا ليش سويتي كذا
ريناس ؛ لاني خفت يصير فيك شيء
خالد ؛ تحبيني يعني ؟؟
ريناس ؛ خالد خلاص لاتضيق علي ترا مالي خلق يالله يالله اتنفس
خالد ؛ ليش ؟؟
ريناس ؛ انا كذا اذا صارت هاذي الواقف التنفس يصير بسرعه وينخفض الظغط
خالد؛ تبين نرجع المستشفى ولا تبين علاج من هنا بنزل اجيب لتس
ريناس ؛ لا انا بنزل
خالد ؛ لا والله ماتنزلين انا بنزل وش العلاج معين ولا اقول حق ضيق التنفس
ريناس ؛ لا عادي اي شيء
نزل خالد وهو يظغط على رجله من الالم ودخل وهو يقول للصيدلي ؛ لو سمحت يا الحبيب ابي علاج ضيق التنفس لزوجتي فيه عندك
الصيدلي ؛ اي موجود ولاكن زوجتك موجوده عشان نقيس الظغط عندها لان اغلبهم ينخفض الظغط عليهم
خالد؛ اي موجوده دقايق
اما سعود الي كان مصدوم من كلام خالد وطلع ركب السيارة ونزلت ريناس من شافت خالد ياشر لها تنزل ؛ هاه وش بغيت
خالد ؛ ادخلي بيقيسون ظغطتس
دخلت ريناس وجلست على الكرسي وهم يقيسون ظغطها ونطق الصيدلي ؛ زوجتك الظغط عندها منخفض وعشان كذا بعطيك ادويه لها تاكل الحين حبه وبكره نفس الوقت هاذا حبه
خالد وهو ياخذ الادويه ؛ يعطيك العافيه
لف لريناس المصدومة ؛ وش فيتس
ريناس ؛ ليش تقول زوجتي
خالد ؛ اجل وش اقول
ريناس ؛ لاتقول شيء جب العلاج وامش وش هوله انزل
خالد ؛ خلاص اركبي ذلحين خذي الكيس
اخذت الكيس وركبت وهي تناظر الادويه وعيونها تدمع لف سعود على خالد وناظره خالد ؛ امش يله تاخرنا على الشيبة
سعود ؛ انت قلت زوجتي ؟؟
خالد ؛ اي خلاص سكر الموضوع
سعود ؛ ليش
خالد ؛ اجل وش اقول اقول بنت عمي مثلاً
سعود ؛ وليش تكذب
خالد ؛ ماكذبت بس ماعرفت وش اقول
مشى سعود متوجه للبيت وقفو عند البيت
خالد ؛ سعود انزل جايينك
نزل سعود والتفت خالد على ريناس ونطق ؛ تحبيني ؟؟؟، قولي الصدق لاتخليني اتعلق فيتس زود قولي لي عشان اذا ماتبيني اقفل باب فتحته
ريناس ؛ ياخالد مو وقته ابدا خلني على راحتي وانا بجي بقول لك لاكن لحد الان مافي شعور في صدري لك
خالد ؛ يعني متى ما ودتس فيني جيتي بس بقول لتس ترا اذا عفت الشيء مستحيل ارجع ولو كنت احبه اكثر من نفسي واهلي تصبحين على خير ونزل ونزلت بعده ودخلو راحت تجلس مكانه الى طاح فيه وتشوف الدم وتبكي زود وهي ودها تقوله انها تحبه ولاكن ان امها مكلمه جارتها وتقول بتزوج ولدها بنتها ريناس ودها لاكن ماتقدر تقدم ولا تاخر اما عند خالد الى كان يناظر سقف الغرفة وهو يفكر وش بترد عليه هل هو علق نفسه ببنت غلط ولا لا ماكان يدري وش يسوي والمشاعر المتناقضة الي يحس بها
ريناس دقت على رنيم وهي تبكي ؛ رنيم
رنيم بصوت نايم ؛ هلا
رنيم ادركت ان ريناس تبكي وقالت ؛ ريناس وش فيتس
ريناس بصوت باكي ؛ رنيم تعالي الحوش الخلفي عند باب الدرج جاتها رنيم واول ما جلست حضنتها ريناس وهي تبكي وهي ما اختارت تدق على رنيم الى ان رنيم تدري ان جارتهم خطبتها لولدها و ان ريناس تبي خالد وخال يبيها
رنيم ؛ ريناس اشفيك
ريناس ؛ ر..رنيم وقالت لها السالفه من وهم جالسين الى وهم راجعين من المستشفى
رنيم ؛ خلاص ياحياتي بعد خطوبة راما روحي كلميه وقولي له كل شيء بهذاك الوقت بتكوني باقي لك اسبوع وتخلصي دراسه وتتخرجي وهو يجي يخطب من بابا بـ اسرع ما يمكن
ريناس ؛ بس هو قالي اذا عفت الشيء مستحيل ارجع ولو كنت احبه اكثر من نفسي واهلي تصبحين على خير
رنيم ؛ طيب وش قال بعد
ريناس ؛ يوم قلت له مالك دخل فيني قال انا احبك و اعشقك والله على الفرقى يعين
رنيم ؛ طيب تقدري تستني الين زيد يخطب راما
ريناس ؛ بحاول يارب اقدر
دخلو وراحو الغرف ينامون اما خالد الي مانام
في الطرف الثاني < المدينه > 12:00 ص
.
.
عند هيام و متعب
هيام ؛ توتو تعال شوف
متعب ؛ الله وش ذا الزين كله
هيام ؛ وش رايك
متعب وهو يقرب منها ويمسك خصرها يقربها منه اكثر وهو يقول ؛ ما استحمل جمالك
وباس نحرها وجلس يبوس عنقها الى كان فيه ريحة مسك وغمضة عيونها من حسته يبوس ثغرها وهي تمسك شعره تلعب فيه وبعد عنها وهي تقول ؛ احبك واعشقك واموت فيك
متعب ؛ ياعيوني انتي انا الى احبك واعشقك واموت عليك
هيام نزلت المطبخ تسوي الاكل ؛ حبيبي تعال ساعدني
متعب ؛ عيون حبيبك وش تبين اساعدك فيه
هيام ؛ قطع السلطة الى ما اخلص المكرونه
متعب ؛ ابشري كم عندي هيام وحده بس وخلتني اهيم في جمالها ودلعها ورقتها وانوثتها وكل شيء فيها
هيام استحت ؛ توتو خلاص
متعب ؛ ابشري
سكت وهو يقطع السلطة وهو يعيش في احلا ايامه بس ناقصه انه يكون عندهم اطفال
< الديرة > 12:00ص
ابو زيد طلع معا ابو متعب للمحل ومعاهم زيد اما وليد وسعد رايحين العزبه و خالد و سعود لسه نايمين وبيجلسون عند الحريم في البيت
