"( البارت الخامس ) "
في الصباح
قامو الكل وفطرو كلهم في الحوش وخلصو قامو البنات يشيلون السفرة
ابو متعب ؛ كثر خيرك احنا ماشين اليوم للرياض
ابو زيد ؛ وياك ، بس كنكم بتروحون بدري اجلسو
ابو متعب ؛ الله يكثر خيرك لاكن دوامات وتعرف بناخذ عروستنا تكمل جامعة
ابو زيد ؛ انشاءالله اجل توصلون بالسلامة
ابو متعب ؛ الله يسلمك
عند البنات الي يشيلون اغراضهم وهيام مستانسه انها بتكون معهم وبتروح لاول مره المدينة وتطول فيه مو يوم او يومين
هيام ؛ بنات احس خلاص كنسلت مابي
راما ؛ افا ليش ؟
هيام ؛ احس متوتره اني بروح بعيد عن اهلي مابي
راما ؛ وانتي مارحتي عند احد غريب عمك اعتبريه ابوك
هيام ؛ ياحبيبي انتي
طلعو البنات الاغراض وركبو السيارات بعد ما ودعو ابو زيد وعياله
هيام ؛ متعب
متعب ؛ لبيه ياعيون متعب
هيام ؛ بنعيش في بيت اهلك
متعب ؛ اجل ؟
هيام ؛ لابس اسال مابي لحالي ابي قريب من راما
متعب ؛ تحبين راما اكثر مني
هيام بطقطقة ؛ اي
متعب عصب ؛ افا ماهقيتها منتس
هيام ؛ امزح
ضحكو وجلسو يسولفون اما عند البنات في سيارة ابو متعب عن الفساتين حقت العرس
راما ؛ بنات وش رايكم في هاذا ؟؟
ريناس ؛ يجننن بس غيري اللون حطي اسود يطلع يجنن
رنيم ؛ وانتي كل شيء عندتس اسود خذي احمر
ريناد ؛ اي صدق خذي احمر
راما الي اقتنعت بما ان ريناد ورنيم ذوقهم صعب وعجبهم هاذا
رنيم ؛ بنات طيب ذا
ريناد ؛ خذيه وانتي مغمضه يجننن
راما ؛ اي صدق يجننن
ريناس ؛ شوفو هاذا حلو ولا ؟؟
راما ؛ يجننننن
رنيم ؛ حرفياً يستاهل كل ريال
ريناد ؛ اي مره
راما ؛ وانتي ماعجبتس شيء
ريناد ؛ اعجبني ذا بس مدري كيف بيجي
راما ؛ احسا انه بيطلع يجننن مره
رنيم ؛ اي والله
وصلو المدينه وام متعب كلمت الخدم من اول يجهزون من الغرف حقت الضيوف ل هيام وصلو الكل تعبان والكل راح ينام اما هيام الي كانت تبكي في غرفتها دخل متعب وهو مصدوم ؛ بنت شفيتس تبكين
هيام ؛ سمعت صوت في الحوش
متعب ؛ تعالي نامي معاي عادي لا تخافين
راحو هيام ومتعب لغرفة متعب وانسدح متعب و جنبه هيام الى سندت راسها على صدره وهو ماسك خصرها وقربها منه زياده وماهي الى دقايق ونامو
في الصباح في المدينة
.
.
هيام الي صحت بعد ما صحاها متعب الي يقول ؛ هيام هيام قومي يله دوام
هيام ؛ همممم ابي انام لاتزعجني اطلع وسكر الباب
متعب بتمثيل العصبية ؛ اقول قومي بسرعة لا اسوي شيء ما يرضيتس
قامت هيام وهي فيها نوم ونزلت تفطر
هيام؛ صباح الخير للجميع
الكل ؛ صباح النور
جلسو يفطرون وطلعو كل واحد على دوامه راما و هيام راحو الجامعه ورنيم راحت و متعب و وليد راحو كل واحد على دوامه
في الطرف الثاني
(الديرة)
.
.
ابو زيد ؛ يله يا ولد انت وياه قم كلن يشوف شغله راح ابو زيد و زيد المحل و سعد وخالد و سعود العزبة على الطريق وهم رايحين
سعود ؛ ياعيال الى ماقال متعب متى الزواج
سعد ؛ الى يقول بعد شهر ولا شهر ونص
خالد ؛اف باقي كثير
سعود ؛ اي والله باقي كثير
وصلو العيال للعزبة وكل واحد شاف شغلة بعد ماخلصوا انسدحوا في الخيمة جنب النار
سعود ؛ ياعيال بنام وقوموني اذا جينا بنرجع البيت
العيام ؛ انشاءالله
نام سعود وهو يحلم بـ ريناد والابتسامة شاقة وجهه وهو نايم نامو العيال وماحسو بالوقت وقامو على الساعة عشرة اليل
خالد ؛ ولد انت وياه قمم
سعد ؛ خيررر ازعاج
خالد ؛ قم نام في البيت قد الساعة عشرة
فز سعد وقام وقومو سعود الي ماكان يبي يقوم وراحو البيت واول مادخلو مسكهم ابو زيد تهزي ؛ انا قلت شوفو شغلكم ما قلت ارقدو
رد خالد الي كان جرئئ بالمره ؛ يبه سوينا شغلنا ونمنا ماحسينا بانفسنا وبعدين نمنا من بدري مو انت تقول نامو بدري
ابو زيد ؛ قلت نامو بعد العشاء ماقلت نامو من العصر والصلوات ماصليتوها
سعد الي تذكر الصلاه وراح يتوضى ويصلي وراحو العيال وراه يصلون وبعدها الكل نام والديرة صارت هدووو مافي احد صاحي
في الصباح
( المدينه )
.
.
هيام الي تصحي متعب بالعادة هو الي يصحيها ؛ متعب قوم الووو قوم
متعب ؛ هاه يا ازعاج
هيام ؛ افا انا صرت ازعاج
متعب ؛ امزح يا دلوعة
هيام ؛ يله فطور قوم
نزلو وافطرو وراحو لدواماتهم
في الطرف الثاني
( الديرة )
.
.
ابو زيد ؛ يا سعد رح انت و زيد المحل وسعود و خالد العزبة لاكن هاه لاتنامون نفس امس
الكل ؛ ابشر
وراحو العيال لاشغالهم ورجعو الظهر للبيت
ام زيد ؛ يامرحبا يله غسلو ايديكم وتعالو غدا
العيال؛ ابشري.
جلسو وتغدو وبعد ما خلصو جلسو يطقطقون على اريام الي تشيل السفرة
سعد ؛ واهه يا اريام صرتي لحالتس تشتغلين لحالتس
خالد ؛ راحت هيام يا مسكينه ما فيه احد تبكين عنده
سعود ؛ بس انت وياه قومو ساعدوها المسكينه
قام سعود يساعد اريام الي ابتسمت ان في احد ساعدها وفكر فيها
(المدينة )
.
.
هيام الى على الجوال و متعب الي نايم
هيام ؛ متعب يا اكياس النوم قوم
متعب ؛ خلاص خليني انام خمس دقايق بس
هيام ؛ معليه اوريك
راحت هيام تجيب المويه الباردة وكبتها عليه وقام وهو مفجوع ؛ هياممم خير وش بلاتس مريضة
هيام ؛ احسن قلت لك قوم و عيت تقوم تستاهل
متعب ؛ وش تبين اذا قمت
هيام ؛ ابيك توديني السوق عشان اشتري فستان الزواج ولا نسيت
متعب بغضب ؛ بلبس واطلع انتظرتس برا لا تتاخرين خمس دقايق و امشي تفهمين
هيام ؛ اوكي
طلع متعب وهو معصب وركب السيارة وانتظرها ماهي الى دقايق وجات وراحو السوق و حالة البحث عن فستان عرايس كشخه
متعب ؛ وش رايتس اروح اجلس في الكوفي وانتي روحي دوري
هيام ؛ لا ضروري تكون معي مره لاني ما اعرف اختار لحالي في الديرة كانت معي اريام والحين انت
متعب جلس على الكراسي الي قدام المحل واشر على فستان جوا المحل ؛ شوفي ذاك يجنن بيطلع حلو
هيام وهو جاذبها الفستان دخلت تجرب و دخل يشوفها وداخ من شاف جمالها واخذ المقاس وحددو اليوم الي ياخذونه فيه وطلعو يدورن الاغراض الباقية من اكسسوارات و شنط واحذيه و ملابس واكيد القصر و الكوشة و الميك اب ارتست خلصو كل شيء ورجعو البيت تعبانين على طول كل واحد راح غرفته ينام وماهي الى ثواني ونامو من فرط تعبهم
