ရေဗာကာပြည်သူတွေသည် ဝတ်ကောင်းစားလှတွေဝတ်ပြီး လမ်းမပေါ်၌ တစ်စုံတစ်ခုအလာကိုမျှော်နေကြသည်။ Omega လေးတွေသည်လည်း ကျော့မော့နေအောင်ဝတ်စား၍ မျက်နှာထက်၌စိတ်လှုပ်ရှားမှုတွေအပြည့်။ကလေးတွေကိုလည်း မိဘတွေကချစ်စရာကောင်းအောင်ဝတ်စားဆင်ယင်ပေးထားပြီး လက်ကိုဆွဲ၍အတူစောင့်စေသည်။အကြောင်းမှာတော့ စီလွန်နိုင်ငံ၏ထိပ်တန်းတပ်စုသည် နှစ်နိုင်ငံစစ်သံတမန်ချစ်ကြည်ရေးအတွက် ယာဥ်တန်းတွေဖြင့် ဒီလမ်းမကြီးအတိုင်းချီတက်လာမှာမို့လို့ဖြစ်သည်။ကြံ့ခိုင်သန်စွမ်းသော A အဆင့် စီလွန်Alpha စစ်သားတွေလာမှာမို့ အားလုံးကကြိုဆိုဖို့စောင့်နေကြခြင်းပင်။ဤအရာသည် ရေဗာကာ၏ချစ်စရာကောင်းသောကြိုဆိုခြင်းဖြစ်သည်။ရေဗာကာဟာ မည်မျှသာယာဝပြောပြီး King Park အုပ်ချုပ်မှုအောက်မှာ အေးချမ်းစွာကောင်းကောင်းနေထိုင်နိုင်ခြင်းကို ဂုဏ်ယူဝင့်ကြွားစွာပြသကြခြင်းပင်။
ပြည်သူပြည်သားတွေသည် လမ်းမထက်၌အလုပ်များနေသလို နန်းတော်၏စစ်တပ်၌လည်းအလုပ်များလှသည်။ဗိုလ်ချုပ် Kim ကိုယ်တိုင်ထွက်ကြိုမည်ဖြစ်ပြီး တပ်ထဲ၌လည်းဧည့်သည်များအတွက် နေရာထိုင်ခင်းပြင်ဆင်မှုများနှင့် စစ်သားတွေအလုပ်များနေကြသည်။Royal Family ကတော့မလိုအပ်သည်မို့ ထွက်ကြိုဆိုစရာမလိုအပ်ပေ။အခမ်းအနားစတင်သည့်နေကျမှ တက်ရောက်ကြမှာဖြစ်သည်။ရေဗာကာစစ်ဌာနချုပ်သည် နန်းတော်ထဲမှာပဲတည်ရှိပြီး အခွဲတွေကတော့ တိုင်းပြည်ရဲ့နေရာအနှံ့မှာ ကြည်း၊လေ၊ရေဟူ၍ရှိသည်။အထက်မြက်ဆုံး Alpha စစ်သားတွေသည်သာ နန်းတော်ရဲ့စစ်ဌာနချုပ်၌ တာဝန်ထမ်းဆောင်ရသည်။
Taehyungသည် အနက်ရောင်စစ်ယူနီဖောင်းကို သေသပ်စွာဝတ်ဆင်ပြီး Yoongiအခန်းဆီသို့လျှောက်လာသည်။ရင်ဘတ်ကရွှေရောင် ငွေရောင်ဘွဲ့ရင်ထိုးကြယ်တံဆိပ်တွေသည် မျက်စိကျိန်းလောက်အောင်များပြားပြီး အရောင်စုံဘားတန်းတွေကလည်း ဘယ်ဘက်ရင်ဘက်၌စီစီရီရီ။ပုခုံးစွန်းတွေက ရွှေရောင်ကြိုးခွေခွေတွေကလည်း ယူနီဖောင်းဖြင့်လိုက်ဖက်စွာတည်ရှိနေသည်။
