မနက်ခင်း၏ပူပြင်းသောနေကြောင့် သူနိုးလာခဲ့သည်။ထို့နောက်သူ၏လက်နှစ်ဖက်ကိုဆန့်ကာ အနည်းငယ်သန်းလိုက်သည်။
"အားး"
သူ့၏အော်သံကြောင့် အပြင်ဘက် မှကောင်မလေးတစ်ယောက်ဝင်လာသည်။
သူမသည်အစေခံ ပုံစံမျိုးဝတ်ထားကာရိုကျိုးသောအမူအရာရိှသည်။
"သခင်လေး ဘာဖြစ်လို့ပါလဲ"
ခွန်းခက်ပိုင် သည်သူအိပ်မက် မက်နေတုန်းဟုထင်လိုက်သည်။မနေ့ကသူအိပ်ခဲ့တာ သေချာပေါက်အခန်းထဲမှာဖြစ်သည်။အခုသူက အခြားနေရာတစ်ခုကိုရောက်နေသည်။
ကောင်မလေးသည် သူ့အခြေအနေကိုကြည့်လျက် အပြင်ထွက်ကာ တစ်ယောက်ယောက်ကိုသွားခေါ်ဟန်တူသည်။
ခဏအကြာတွင်အခန်းထဲကိုလူတစ်ယောက်ဝင်လာခဲ့သည်။အရပ်ခပ်မြင့်မြင့်ဖြစ်ပြီး အသားအနည်းငယ်ညိုသည်။မျက်လုံး၏ညာဘက်ထောင့်တွင် မှဲနက်တစ်ခုရိှနေသည်။
သေချာပါသည်။ထိုသူသည် ဗီလိန် သူဖန်တီးထားသောဗီလိန် စိုင်းခက်ဇေ ဖြစ်သည်။
*WTF ငါဝတ္ထုထဲကိုကူးပြောင်းလာတာလား*
*မဖြစ်နိုင်ဘူး*
ခွန်းခက်ပိုင်သည် ထိုသူကိုစိုက်ကြည့်နေမိသည်။ စိုင်း သည်သူဖန်တီးထားသည့်အတိုင်းပင်။
ဩရှရှအသံနှင့်အရမ်းဆွဲဆောင်မှုရိှသည့် မျက်ဝန်းညိုများကိုပိုင်ဆိုင်ထားသည်။
စိုင်းသည် သူ့ကိုခပ်စူးစူးကြည့်ကာ မေးခွန်းတစ်ခုမေးလာသည်။
"မင်းကိုဘယ်သူလွှတ်လိုက်တာလဲ"
သူပြန်မဖြေမိ။ဘာဖြေရမလဲ မသိဆိုပိုမှန်မည်။
သို့သော် စိုင်း သည်စိတ်ရှည်သူမဟုတ်ပေ ဝတ်ထားသောအနောက်တိုင်းဝတ်စုံ၏အိတ်ကပ်ထဲမှ သေနတ်ကိုထုတ်လိုက်သည်။ထို့နောက် သူ့နဖူးကိုတေ့ကာ
"ငါမေးနေတာဖြေ"
"ဘာဖြေရမှာလဲ"
သူသည်ခေသူမဟုတ်ပါ။
ဒီလိုစောက်ကြောတင်း ဗီလိန်မျိုးဖန်တီးထားသူ စာရေးသူသည် ဗီလိန်ထက်ပို၍စောက်ကြောတင်းနိုင်ပါသည်။
"ငါက မင်းကိုကူညီဖို့လာတာ စိုင်း"
"မင်းငါ့ကိုသိတာလား"
"အင်း"
စိုင်းသည်တစ်ခုခုမူမမှန်တာသတိထားမိပုံရသည်။ထို့ကြောင့်ဆက် မမေးပဲသေနတ်ကိုသိမ်းကာ စိတ်ကိုလျော့လိုက်သည်။
"မင်းနာမည်ဘယ်သူလဲ"
"သိချင်လား အဖေလို့ခေါ်လေ"
"မင်း !"
"ခွန်းခက်ပိုင် ငါ့နာမည်က ခွန်းခက်ပိုင်"
YOU ARE READING
ဗီလိန်(ဝတ္ထုထဲသို့ ကူးပြောင်းခြင်း)
Fantasiaဘယ်လိုအကြောင်းတွေပဲဖြစ်လာလာ ကိုယ်ကမင်းကိုကာကွယ်ပေးမှာမို့... ပျောက်ကွယ်သွားဖို့မကြိုးစားပါနဲ့ ကိုယ့်ရဲ့ကလေးငယ်။ {Start} 20.2.2024 {End} 1.4.2024
