اتجمع مع اولاده على الصينية دي كانت من اسعد لحظات الاسبوع بالنسبة ليه لمن اولاده التلاتة يتلمو حوالينه..🖤
اول ما اخد لقمة من البشميل كورك :قلت ليك مليون مرة
ما بتحمل الزفت الفلفل ده عشان بهيج علي المصران..
عاينت ليه بعدم فهم:انا ختيت الفلفل بطرف المعلقة لكن بضيق:اوووف الوضع معاك بقي ما بطاق كل ما تعملي اكل ياما ملحه زايد او فلفل او شطة بعدين معاك الحمدلله
قام من مكانه و غسل يدينه..
اخدت ملعقة من البشميل تضوقه اول ما ضاقتها كحت و عيونها بقو حمر عاينت لأولاده بنظرة متشككة وقامت تلحقه
اسيل عاينت ليهم :ديل مالهم معقول شوية فلفل يعمل كدة
اخدت ملعقة من البشميل تضوقه ايهم ضرب يدها:
ما تاكلي منه عندك بيتزا وسلطة اكلي من اليعجبك فيهم...
اسيل بشك:ايهم انت عندك يد في الحصل لبابا وخالتو سهى؟
ضحك:هشش يا بت وطي صوتك انا بعمل في عمل خيري
اسيل ببراءة و بهمس: كيف عمل خيري؟!
ايهم ببرود:لمن بابا يزهج من عمايلها ح يخليها ويرجع لماما ونرجع نعيش كلنا سوا...لو كلمتي امي انا وايمن حنقطعك...
ايمن ضحك :يا ولد ما تخوفها اسيل انا ما مشترك معاه والله
اسيل ضحكت من شقاوة اخوها وسكتت هي برضها نفسها امها وابوها يرجعوا لبعضهم تاني عشان كدة مستحيل توري
بعد شوية أيمن مشى البلكونة يتكلم مع امو الكانت في طريقها للبيت:احسن شيء عملتيه انك رجعتي بدري الليلة الخميس عشان كدة الشوارع بتكون زحمة شديد بليل...
لمياء فرحت بولدها كبر وبقى يقلق عليها ويتصل يطمن:
ما تقلق انا هسي قربت من البيت لمن اصل بتصل اطمنك
في اللحظة دي أحمد جاا داخل البلكونة عشان يسجر شاف أيمن ولده سئله بتكلم مع منو قاليه مع امي..احمد ابتسم نص ابتسامة قاليه ممكن تديني ليها؟... أيمن لمح ابتسامته وفرح قال لأمه :امي ابوي قال دايرك..اداه التلفون وطلع للصالة مع اخوانه...أحمد :لمياء كيفك؟
لمياء :بخير الحمد لله... سكت مسافة ...خير في شيء؟
أحمد:احم اي كنت داير اسئلك ارسليك قسط المدرسة مع الأولاد تمشي تدفعيه انتي ولا امشي ادفعه انا المرة دي؟
ببرود:ممكن تمشي تدفعه انت لاني الصباح بكون في الشغل
اتغاظ شديد لكن سكت ما علق..
قالتيه:مع السلامة وقفلت الخط
رفع حاجبه باستنكار وظهرت نظرة حب تملك في عيونه..
