صحى من هواجيسه على صوت ،
على صوت ابوه و هوه يناديه و يصارخ عليه عشانه ما داوم لمده اسبوعين ، تنهد و قام يفتح الباب و ينزل بكلل هدوء تحت نظرات ابوه الي شوي و ينفجر من بروده .
ابو هدّاج بحده : اخلص علي تراني مانيب فاضي لك
هدّاج تنهد و هو يقول : سم يبه امرني !
ابو هدّاج : انا ابي اعرف انت ليش صار لك اسبوعين ما تداوم ابي سبب واحد مقنع و لا تطلع من غرفتك !
هدّاج بضحكة استهزاء : ليش من متى يهمك اني داومت ولا لا او اصلا طبعت من غرفتي ولا لا !!
ابو هداج بدون اي مقدمات عطاه كف صوته دوى بارجاء البيت يليه صوت شهقات امه و اخوانه : ليت امك سقطتك وسمعت كلامي
صد بنظره و راح بسرعه لغرفته و خذا جواله يتصل على صديق عمره و دربه "ملهم" اللي من يوم خذا اجازته ما كلمه ، ما خذا من اتصاله ثواني الا و ملهم يرحب فيه بفرحة : ارررحببب جعلها ترحب ملايين يا جعلني م اقفد هالحس الي وحشنيي !
هدّاج بصوت باين عليه الحزن : ملهم فاضي ؟
ملهم عقد حواجبه باستغراب : اي فاضي وحتى لو ماني فاضي افضى لك سم ؟
هداج ببحة و تقطع في صوته و هو ما يبان ضعفه الا عند ملهم: احتاج اني اطلع من البيت الحين ولا راح انفجر خلاصص
ملهم : الحين جايك مسافة الطريق لا تطلع بالسيارة و انت كذا لا يصير بك شي
بيت ابو محمد :
تعالي ي مره هاتي جوالي بدق على العيال يجون من زمان عنهم
جت الجده وفاء و عطته جواله و دق على ولده محمد : الو هلا ي محمد
محمد ابو طارق ؛ اهلين يبا امر تبي شي متصل ؟
ابو محمد : لا ولا شي بس منزمان ما تجون شرايك تجي اليوم انت و اخوانك والله ان البيت صاير كتمة من الهدوئ
رد محمد : ابششر على خشمي اليوم العصر كلنا عندك بأذن الله
و قفل السماعه من الوه و راح يكتب ف قروب اخوانه عن الي قاله ابوه و كلهم ردو بالزين و انهم بيروحون و كلهم خبرو اولادهم عشان يمشون بوقت واحد
عند هتان و اخوانه :
هتان كان يسرق و هو يضحك على مناقرات سيف و سمو على الاغنية الي بيحطونها اخر شي طفى المسجل و لفو عليه ، سمو بحدة : ليش طفيته انت !!
هتان : ليه طفيته ! ما تشوفون نفسكم انتي وياه !
سيف بصوت عالي و مزح : ليه وش فينا انا و اختي و هو يحضنها من جنب
سمو ضحكت : اي وش فينا شغله هذا اصلا روتين بيني و بين سيف انت ما عليك مننا و لا تنسى تمر دوز ابي اخذ لي كوفي
هتان ضحك عليهم: طيب طيب كليتوني ثنينكم وش تبون اخلصو علي .
سمو فزت بحماس : شغل راشد الماجد ضيا شمسي
و شوي و اشتغلت الاغنية و بدت تغني معاها لما وصلت لاحلى بارت عندها :
من الى ما الى نهايات الغرام
يبتدي عشق بدا بك ما انتهى
يا سمو الحب يا عذب الكلام
شهد قلبي ذاب في سكر هواك
و سيف كان يغني معاها لانه كان حافظ الغنية و ووصلو الكوفي و خذو لهم قهوة و رجعو بعد ما دق عليهم ابوهم عشان يرجعون لانهم بيروحون بيت جدهم بعد ساعه
عند طارق :
طارق : يا بناتي عاد خلاص انتو ما تتوبون يعني كل يوم موديني المدرسة عشان هوشاتكم اخوكم الولد ما سوى سواياكم
وعد بعدم اهتمام: يبا ما سويت شي انا بس دافعت عن نفسي
عهد ببرود : هي الي بدت قامت تتكلم عني اني مشكلجيه
طارق بحده : وانتين كل ما وحده تكلمت رحتي كفختيها انتي بنت انتي !!
عهد بزعل : يبا انت دايم تلومني ما تلومهم ليش
طارق قام حضنها : يا يبه انا ما الومك الا لمصلحتك مو عشان شي ابيك تكبرين و تنجحين و ترفعين راسي ،مو كل يوم و الثاني ماخذه تعهد او فصل
عهد : طيب يبابا انا ما اتحمل
طارق شد عليها و قال : معليه يبنتي بتتحملين بس عشاني خففي من هالمشاكل انتي و اختك هلوكم عاقلين
ابتسمو و هم فحضن ابوهم و قالو بصوت واحد : ابششر !
عند محمد ولد طارق فالجامعه :
كان قاعد مع خويه و يسولف معه عن العمل و اشياء تخصه و تشملها بعض السوالف الخارجية ، محمد : اسم ي ماهر فيه شي انا مانيب مرتاح له من هذا الطالب الجديد الي جايبينه قسمنا
ماهر باستغراب : ليش وش شايف منه احس ما من خلاف عليه !
محمد بهدوء : لا بس احس نظراته لي دايم توترني احسه ماسك علي شي و يبي ينتقم او شي
ماهر : ليش انت لك سوابق مع احد متهاوش او شي ؟
محمد : ما اعتقد ، بس اذكر مرة من المرات ايام ما كنا ندرس قبل سنه تقريبا ، كان معي واحد يشابه اسمه تقريبا و كان جديد فالجامعة ف قام يسولف معاي و يدت السوالف تتعمق لين ما صرنا يوميا نتمشى مع بعض و نسوي كل شي مع بعض الا ان جاء يوم و صار بيننا خلاف بس خارج نطاق الجامعه و لعلها شدت شوي ووصلت فيننا للضرب و صارت السالفه قويه لدرجة انه كسر كتفي و انا كنت بدافع عن نفسي و رفسته بقوه و طاح و ضرب بالقوة على الرصيف و اغمى عليه و بعدها دخل غيبوبه لمده شهرين و خربت علاقتنا بشككل سيئ و من بعدها وهو يتهدد فيني انه بيدمرني و اخر فتره صار ماله حس
ماهر : كل هذا و توك تقول ليي ! لكن معليك ما فيه الا مل خير ان شاء الله قوم معاي بتبدا المحاضرة الحين .
قامو اثنينهم و مشو متوجهين للقاعه لان باقي ١٠ دقايق و تبدا محاضرتهم
عند ملهم بعد ما وصل بيت هدّاج و قال له ينزل :
