بعد تلاتة يوم:
ايمن بحماس:خلصتي محاضراتك يا ست البنات؟
امل بشك:ليه حاسة في حاجة حاصلة من صوتك؟
ايمن ضحك :حاجة وحدة بس قولي في حاجات
أمل بتحفز : في شنو؟
ايمن:ما تردي على سوالي بسؤال خلصتي ولا لسه؟
امل بتلهف:يب خلصت من قبيل يلا في شنو؟
ايمن:طيب اطلعي انا مستنيك في شارع الجامعة
شالت شنطتها و جرت سرعة رفعت يدها لشلتها من بعيد تودعهم لكن خشت الاستراحة في الاول زي عادتها كل يوم صلحت طرحتها وعملت ليب قلوس فيه لون وردي خفيف وسوت ليها ماسكرا وايلاينر ومرقت اول ما طلعت من باب المعهد شافته واقف قدامها بابتسامته الجذابة متكي على موترX اسود فتحت عيونها كبار وهي بتتأمل الموتر الكان جديد لسه بكيسه كان كلمها قبل فترة انه ح يشتريه قريب قرب منها وسئلها :رايك شنو في المفاجئة دي؟ اتمنت ترجع طفلة صغيرة تاني عشان تتعلق في رقبته و تقلده وتحتفل معاه اخيرا حبيبها حقق حلمه التاني بعد حلمه الأول الكان انو يحقق رغبة أمه ويتخرج من كلية الطب ويتخصص في الجراحة الكانت رغبته وتاني حلم ليهو يشتري موتر من قروش شغله وراتبه الخاص قالتليه: اصلو ما بصدق!
كانت بتحول نظراتها بينه وبين الموتر وعيونها لمعت بدموع الفرحة قاليها و فرحته كأنها اتقسمت بينهم:كلموني امبارح اجي عشان استلمه وما قلت ليك عشان اشوف ردة الفعل بتاعتك دي والفرحة الفي عيونك هسي ابتسمت بحب:
مبروك الف مبروك يا ايمن قربت من الموتر واتحسسته بيدها
قاليها:اتفضلي يا ست البنات عشان تكوني اول وحدة تركبيه
فرحت ونطت ركبت بورى بعد كلامه انها اول وحدة تركبه معاه حسسها انها مميزة عنده فركبت بحماس وركب قدامها
:ح نطير طيران للبيت عشان نقفل ونحتفل مع الباقين
اترجته :لا يا ايمن عليك الله عايزة اتفسح بيهو شوية
اتلفت عليها واتلاقت عيونهم حس نفسه تاه فعيونها العسلية قبل بسرعة:كل البقدر اعمله عشانك اننا نرجع بطريق بعيد غير الطريق المختصر القعد نمشي بيه فا نطول مدة الرحلة
ردت بسرعة:مواقفة لكن بشرط تعزمني فالطريق ع ايسكريم
ابتسم ليها ورفع حاجبه: ملاحظة انك بقيتي استغلالية؟
جاها في بالها انه ممكن يكون ما معاه قروش بعد اشتري الموتر ردت بسرعة :مفترض انا الاعزمك ما تقلق معاي قروش
بجدية:ده شنو البتقولي فيه ده انا راجل اشتريت لنفسي موترx100 بقروشي الشخصية عارفة ده معناه شنو؟
حست بالارتباك ما يكون زعل واخد الموضوع علي كرامته ردت :معناه شنو انا ماقصدت والله يا ايمن
