عشقتها

البارت الاول

انا اسراء عندي ١٧ سنه عايشه في الصعيد بتكلم بلهجة الصعيد مع أهلي بس ، انا حاليا في تالته ثانوي ، معندناش حاجه اسمها دروس والكلام دا ، بنروح المدارس ، عندنا في بيتنا البنت اخرها الثانوية ... وتقعد لحد ما يجيلها نصيبها .. بس انا عندي حلم وعايزه اكمل تعليم .. نفسي ادخل تربيه فنيه بحب الرسم جدا.. لوني المفضل الأسود والأحمر ، عندي أخ اصغر مني بتلات سنين ... انا دلوقت في اخر ترم في الثانوية العامة ..بذاكر وبالليل العيلة كلها بتتجمع مع بعضها .. احنا في الصعيد قاعدين في دوار مكون من أربع طوابق ليا تلات أعمام .. عندي عم اسمه سعد ومراته اسمها كريمه وابنه اسمه هاني اكبر مني بأربع سنين عايشين في الطابق الأول لأنه هو الكبير ، وعمي التاني اسمه سعيد ومراته اسمها فتيحه وابنه اسمه سمير اكبر مني بسنتين عايشين في الطابق التاني .. وعمي التالت والأخير اسمه فتحي ومراته اسمها عزه وابنه اسمه يوسف أكبر مني ب سنه ... اكتر واحد فيهم وسامه هو هاني شعره لونه بني وعيونه لونها رمادي زي لون القطط وبشرته قمحاوية وعنده عضلات اصله بيروح الجيم ،طويل اوي بس مش بيطيقني.. يوسف أبيضاني وشعره اسود مقارب للون الدهب من الأطراف هو أوزعه .. سمير بقا يتمنالي الرضا أرضى بس انا مش بحبه واد ملزق وبنفضل نتخانق كتير هو بشرته سودا سواد خفيف عينه خضرا شعره اسود اطول مني ب سيكاا صغيره .. بابا اسمه ابراهيم وماما اسمها روح اخويا اسمه يونس احنا في اخر طابق من الدوار .

زي اي ليلة بنتجمع فيها ..

فتحي : وه ، ما تفتحو موضوع نتحدث فيه بدل القعدة دي انا مليت واصل.
إبراهيم: ما تقولي ياخوي، انا عاوز أحوط على الدوار بسور إكده علشان بناتنا كبرت ومينفعش حد يبصلهم عاد.
هاني ابن عمو سعد : صوح يا عمي ، وكمان علشان أمي عايزه تربي طيور في الحوش بتاع الدوار تفتح مشروع صغير ع قدها إكده .
سعد : معلش ياخوي معرفتش افاتحك في الموضوع، الولية مرتي طلبت مني وانت داري مقدرش انزلها كلمه الأرض .
سعيد : إهييه وماله يا اخوي ، احنا نساعد مرتك في مشروعها كلنا عيله يا ولد ابوي .
سعد : أكيد طبعا ، ولا يفرقنا طار كلنا من عرق واحد ودم واحد.
إبراهيم: هما الحريم اتأخرو في تجهيز العشا ليي انا جعان عصافير بطني بدأت تتجوز جوه.
يونس : بتقول اي يابوي، انا اروح اناديلهم قبل ما العصافير يفقسو في بطنك .

الرجالة في ضحك هستيري ..
يوسف : استناني يا يونس جاي معاك ، مليت من القاعدة إهنه .
يونس : تعال وبالمرة تشيل معاي الميه والعصير.
يوسف : مين قال ان مليت ، انت يابوي اللي قولت .
فتحي : قوم فز مع ولد عمك ، دلوقيتي قولت انك مش ملان ايووووه على دلع الشباب.

يوسف في باله: انا اصلا رايح اشوف اسراء فين ، مش شايفها من اول اليوم.
يونس وهو بيحرك ايده قدام عين يوسف ..
يونس : يا ولد عمي ، وينك سرحان ما داريان بالدنيا .
يوسف بعفوية : كنت شردان في أ خ . أخ .أخ .
يونس : هتفضل تقول في أخ ، أخ اي مش فاهم خشمك دا بيقول اييي.
يوسف : ايوا ، اتذكرت كنت شردان في أخبار العالم .
يونس : والله ماني عارف انت اش فيك يا ولد عمي .. قوم فز قدامي.