عشقتها

البارت الحادى عشر

جابر فضل قاعد مستني رد إسراء ..
إسراء راحت تجهز الفطار ..
بعد عشر دقايق جهزت الفطار ورجعت ..

إسراء :  يلا افطر بقى علشان تاخد العلاج .
جابر :  انا مش هحط لقمة في بوقي غير لما تردي ع السؤال .
إسراء: لا افطر الاول ، استنى اساعدك.
جابر قفل بوقه..
إسراء : اي شغل الأطفال ده بقى هو انا بديلك دوا.
جابر :  جاوبي الاول .
إسراء: قولتلك افطر وبعدين نطلع نقعد برا في البلكونة في الهوا وأرد ع اي حاجه انت عايزها .
جابر : وعد !
إسراء: وعد.

إسراء ساعدت جابر انه يفطر واديتله العلاج..
إسراء ساعدته يقعد ع الكرسي ..
وطلعو  برا في البلكونة..

إسراء: قبل ما اجاوبك على سؤالك ، هسأل انا سؤال .
جابر: اتفضلي !.
إسراء: انت ليه بتحبني؟!
جابر : هو فيه حد بيقول للحب ليه ، طالما أن بعد الحب ده انا شاريكي وطالب ايدك يبقى مفيش حاجه اسمها حبيتني  ليه.
إسراء: انت مفهمتش السؤال ، قصدي اي اللي فيا خلاك تحبني .؟!
جابر : لقيتك مختلفة عن العالم كله ، لقيت فيكي العوض،  هتعوضيني عن أهلي اللي مشوفتهمش،  هتعوضيني عن اي حاجه في الدنيا ، لما ازعل هجيلك وهتخففي عني .
إسراء: اممم.
جابر : هو اي اللي اممم،  ايوه مفيش اي كلمه حلوه بعد الكلام ده ، اي كلمه حتى لو جبر خاطر.
إسراء: جبر الخواطر عل الله.
جابر : ونعم بالله،  قوليلي بقى إجابة السؤال .
إسراء: سؤال اي .
جابر : انتى بتحبيني! ؟
إسراء: عايز الصراحة ولا بنت عمها .
جابر : الصراحة .
إسراء: علشان مكذبش عليك ، هو مجرد اعجاب ، حسيتك شهم وجدع  وتستاهل كل خير .
جابر : هو الاعجاب ممكن يزيد .
إسراء: ع حسب .
جابر وقلبه بيرقص: ع حسب اي .
إسراء: ع حسب معاملتك معايا .
جابر : طيب انتي شوفتي مني حاجه وحشه من ساعة لما عرفتك .
إسراء: ايوه كنت بتعاملني بعصبية في الكلية وكنت بتقعد تزعقلي.
جابر : ما هي البعيدة غبية ، انا ي ماما مكنتش عايزك تغيبي علشان تفضلي قدام عيني دايما ، ولما بتبعدي عن عيني كنت بعرف انك هتعملي مصيبه علشان انتى غبيه .
إسراء: يعني انا غبيه .
جابر : يعني انتي سيبتي الكلام اللي في الاول ده كله ومسكتي في غبيه،  عارفه ان لو عارف اتحرك دلوقت كنت قمت ضربتك .
إسراء: الحمد لله انك م عارف تتحرك،  علشان كنت هتضربني.
جابر :  بكلمك بجد بقى يا اسراء ، لو اتقدمتلك هتوافقي.
إسراء: وأي اللي يمنع .
جابر بصدمة فرح : يعني انتي موافقه .
إسراء: طالما هتأكلني.
جابر : يعني انتى همك ع بطنك!  وسيبتي الكلام الحلو ده كله .
إسراء: اصل الست ميمهاش غير انها تتدلع معدتها.
جابر : دلعيها ي ست بس ها موافقه.
إسراء: انا عن نفسي...
جابر قاطعها ..
جابر : يبقى خلاص موافقه .
إسراء: استنى مخلصتش كلامي ، انا عن نفسي معنديش مانع بس الاهم قدامك انك تقنع أهلي .
جابر : لا سيبيها عليا دي .
إسراء: تمام .
جابر : إسراء.
إسراء: انا عارفه اللي بيجيي بعد الاسم ده هتقولي بحبك صح انا عارفه .
جابر : لا ، عايز ادخل الحمام .
إسراء: ي جدع فصلتنيي كنت مستنياها.
جابر بصدمة :  كنت مستنيه بحبك يا اسراء .
إسراء: لا لا بهزر.