عشقتها

البارت السادس عشر

إسراء  :  انا قولتلك قبل كدا طالما اهلى موافقين فأنا معنديش اي مانع .
جابر : وأهلك موافقين.
إسراء:  انت قولت لبابا بس.
جابر : ايوه،  هل والدتك هيكون ليها رأي تانى.
إسراء: الله اعلم.
جابر : لا يختي دي هتحبني.
إسراء: هو انا اكره انها تحبك .
جابر : طب اشربي الينسون ليبرد.

شربت الينسون وهي بتسمع كرتون ...
بعد ربع ساعه الباب خبط ...
جابر : جاي .
يوسف : افتح دا انت ليلتك مش هتعدي النهاردة .
إسراء: نهار ابيض دا يوسف .

جابر :  مترديش، اعملى نفسك نايمه .

إسراء: بس انت رديت .

جابر : سيبك سيبك .

يوسف : يعني مش هتفتح الباب مااااشي.

يوسف سكت ف جابر افتكره مشى ..

إسراء: دا شكله رجع البيت .

جابر : احسن يستاهل .

يوسف فجأه : بقى مش راضيين تفتحولى الباب ، الله الله وكمان مستغطيين وبتسمعو التليفزيون وبتشربو حاجه سخنه ، وكمااان..

جابر قاطعه ..

جابر : انت ازاي دخلت هنا وانت ازاي جاي من أوضة النوم .

يوسف : عارف المخبأ السري بتاع أوضة النوم انت مالك .

جابر : هو انت حرامي يابني،  انت تقريبا مخترق كل حياتي ، معاك باسوورد تليفوني ومفتاح وبيتي  ومفتاح العربية و المخبأ بتاع أوضة النوم،  دا انت فاضل تنام مكانى .

يوسف : ما هو ده اللي يحصل كمان شويه ، علشان انا تعبااان،  مشيتو وسبتوني،  وصاحب المطعم مرمطني،  غسيل وكنيس.

جابر بتمثيل: اي داا هو احنا سيبناك من غير ما ندفع الحساب .
يوسف : تخييل!.
جابر : مش المهم يعني أكلت وخلاص .
يوسف قعد جمب إسراء..
جابر : حيلك حيلك تعالى اقعد جمبي هنا ، هي وكاله من غير بواب ولا اي .
إسراء: دا يوسف .
جابر : هو اى اللي دا يوسف ، ايوه ما انا  عارف يقعد جمبك ليه ، دا انا مقعدتش.
يوسف نظره منه ل إسراء و جابر...
يوسف : ويا تري دا فيلم عمر وسلمي الجزء الكام.
جابر : يلا ي حلو قوم روح .
يوسف ببرود : لا انا قررت انام معاكم .
جابر : مع مين ، ومين هيسمحلك .
يوسف : طب خلاص هنام مع إسراء.
جابر : تنام مع مين ي سكر ، انت مش عارف ان دي هتبقى مراتي كمان شهر .
يوسف بصدمه: انتو هتتجوزو من ورايا.
جابر : هو انت اهبل ياض ، هنقف ورا ضهرك ونتجوز ليه ، ما انت هتبقي موجود يا غبي .
يوسف بتمثيل : لاااااااااا، مسمحلكش تتجوز اختى .
جابر : اي ياربي البلاوي اللي بتترمي علينا دي .
يوسف : معلش ، قوم اعملى كوباية شاي أعصابي مش شايلاني.
جابر : ده ومن امتى الكلام ده بقى.
يوسف وهو بيشاور بصباعه ع المطبخ : قوم يلا للمطبخ هناك اهو ، بس متزودش السكر.

جابر قام بس علشان يعمله شاي ، قام مسكه من هدومه زي الفار وفتح الباب وطلعه..

جابر : انا بقول تروح تشرب الشاي بتاعك في بيتك معزز مكرم وتقعد ع سريرك وتستغطي وتنام ومشوفش وشك .