عشقتها

البارت الخامس عشر

الكل بقى متوتر علشان عارفين ان دا حشاش وسكران ويعملها...

_ مش هعيد كلامي تاني سيبو البنتين بدل ما اطير رقبته.

الظابط بدأ يلهيه بالكلام ..
وفجأه فيه حد خبطه ع دماغه..

يوسف : يا عم موت بقى حيرتنا معاك .
جابر : اول مره تعمل حاجه مفيدة في حياتك .
الظابط : لموهم في البوكس احنا هنربيهم.
جنى وهما ماسكينها :  انا هطلع وهنتقم منكم استنوني.
يوسف : يشيخه اتلهي ع خيبتك  وانتي زي الصرصار.
الظابط : شكرا ليك ، ساعدتنا.
يوسف  فرحان في نفسه اوي انه عمل حاجه..
جابر اتفك من الشجرة ..
جابر : اله ، قولي ياض يا يوسف انت جبت الجرأه دي منين .
يوسف : اصل كنت بشوف امي وهي بتموت الفار ف اتعلمت منها ، وكان نفسي اموت فار لحد اما اتحقق حلمي النهاردة وموته.
جابر : انت اي اللي عرفك مكاني .
يوسف : رابط فونك ب GPS  تليفوني.
جابر : هو انت مخترق حياتي وانا معرفش .

الظابط : تقدرو ترجعو بيتكم واحنا هنظبطهم في السجن .
جابر : شكرا لحضرتك .

جابر ويوسف رجعو البيت ..
اول لما فتح الباب ..
إسراء طلعت تجري عليه .

إسراء:  انت كويس .
جابر : خايفه عليا !!
إسراء: اه ، اقصد لا مجرد سؤال .
يوسف واقف باصصلهم..
جابر : ايوه كويس يستي ، والمجرمين اتقبض عليهم .
إسراء : يستاهلو .
جابر : المهم عندى دلوقت انك بخير .
يوسف : اممم ، وأي كمان .
جابر : لا عجبتني النهاردة انا هعشيك ع حسابي .
يوسف : أخيرا ي جدع.
إسراء:  شكرا ع المساعدة يا دكتور جابر .
جابر :  حطيتي اللقب ليه يا اسراء .
إسراء: لان مفيش حاجه بتربطني ب حضرتك الجامعة .
جابر :  امممم.
إسراء: ممكن سؤال قبل ما امشي .
جابر : اتفضلي .
إسراء : ازاي حضرتك عرفت ان احنا في السكن .
جابر : الادمن أحمد.
إسراء: ازاي ، هو مش المفروض ده اللي كان شاهد ان انا كلمته مع جنى وأميرة.
جابر : هحكيلك يستي ، بعد لما روحتي السكن انتي ويوسف ، لقيت رقم بيرن ف رديت قالي ان جنى واميره رايحين ع سكن إسراء وممكن يعملو فيها حاجه،  وكمان قالي ان هما السبب في قتل صحابك ، وكمان قال ان هما دفعوله ٥٠٠ جنيه علشان يشهد عليكي ، اعترفلي ب كل حاجه علشان ميكونش في الجريمة معاهم لانه ملهوش ذنب وكان خايف منهم .

إسراء: تمام ، شكرا ، بكرا او بعده بالكتير هنرجع البلد وخلاص معدتش عايزه اتعلم ، انا غلطانه ان مسمعتش كلام بابا من الاول .

جابر : انتي عندك حلم يا اسراء مضيعوش بين يوم وليله .

إسراء: دي حاجه ترجعلي يا دكتور ، وانا بشكر حضرتك جدا ع انقاذك ليا وان شاء الله في يوم من الأيام مردوده.

جابر : زي ما تحبي .
إسراء: يلا يا يوسف نرجع زمان بابا مستنينا.
يوسف : جابر قالي هيعزمني ع العشا .
إسراء: تمام هرجع انا .
جابر : روح معاها يا يوسف علشان متمشيش لوحدها وبكرا هعزمك.
يوسف: ومالو.