عشقتها

البارت الاخير

فارس  اتكلم بلغة الاشارة اللي هو كدا وكدا يعني متصدقيش..
إسراء دخلت الامتحان و فارس رجع البيت ..

اقولكم بق حاجه هتفرحكم..
فاكرين لما إسراء طلعت تجري من العصابة و فارس كان هيخبطها بالعربية وركبت معاه ورجعت البيت عنده ونامت ... حلمت ب ان جابر مات و يوسف جاله شلل والكلام اللي فات ده كله ..

جابر لسه عايش ويوسف عمل حادثه ايوه بس مجالهوش شلل ولا رجع البلد ..
البوليس لما إسراء رنت عليه  راح المكان اللي وصفتهوله ، مسكو العصابة ونقلو جابر ع المستشفي ..
جابر كان مغمى عليه من الضرب ... وفاق وقعد يدور ع إسراء ولحد دلوقت مش لاقيها.

إسراء خرجت من الامتحان وفارس كان مستنيها..
فارس : عملتي اي في الامتحان.
إسراء: حليت .
فارس : ما انا عارف انك حليتي،  ايوه يعني عملتي اى .
إسراء: فيه اسأله سيبتها.
فارس : علشان مكنتيش مركزه .
إسراء: اقعد ساكت بقى علشان انا مخنوقه .
فارس : طيب تعالى هجيبلك حاجه .
إسراء: لا.

ركبو العربية ومشيو..
فارس نزل السوبر ماركت جاب حاجه وطلع.
فارس : خدي يستي يلا افرحي.
إسراء: اي ده.
فارس : هتشوفي .

جابلها شيكولاته وسناكات ..
إسراء: اي ده كله .
فارس : علشان تركزي للامتحان الجاي .

رجعو البيت ..
تسنيم : الغدا جاهز من بدري اتأخرتو ليه .
فارس : معلش ي ماما كنت في مشوار وجبت إسراء بالمره.
تسنيم في بالها  : انا خايفه عليك يابني تكون اتعلقت بيها بس انت مينفعش تتجوزها.
تسنيم: طيب يلا اقعدو.

قعدو ياكلو..
خلصو أكل..
تسنيم : عايزاكي في كلمه يا اسراء.
إسراء: حاضر ي طنط .

طلعو في الجنينة ..
تسنيم : انا مش عايزه فارس ابني يتعلق بيكي ، علشان مينفعش يتجوزك.
إسراء: ليه ي طنط ، وبعدين انا مليش ذنب انه يتعلق بيا .
تسنيم : افهميني يبنتي ، فارس تعبان .
إسراء  :تعبان عنده اى ي طنط  .
تسنيم : عنده كانسر من وهو صغير ، وشعره ده مزروع،  وهو كان كل يوم بيعاني من انه وحيد ، بس لما اكتشف  انه صوته حلو قرر يبقى فنان .. ودا اللي خلاه ينسي المرض شويه .
إسراء: طيب هو ليه مينفعش يحب ويتجوز ، الحب مفيهوش انت تعبان مش هحبك،  أو انت صغير مش هحبك،  بالعكس دا لو حد بيحب حد بيقف جمبه وبيسنده وبيساعده وممكن يكون هو سبب في علاجه .
تسنيم : معلش يبنتي انا اسفه ، بس انتي لازم تبعدي عن فارس .
إسراء بتأثر : حاضر يا طنط انا بكره هرجع بيتي ، واوعدك مش هتشوفي وشي تانى .
تسنيم : مكنش قصدي ازعلك والله .
إسراء: لا ولى يهمك .

إسراء قامت ودخلت ولقت ان فارس ده كله كان واقف وسامعهم...
فارس: إسراء .
إسراء مش بترد ودخلت اوضتها..

فارس راح عند أمه ..
فارس : هو اى اللي انا سمعته ده ، هو انا ليه مينفعش أحب ، مكنتش بنى ادم زي البنى ادمين ولا انا علشان تعبان مليش نصيب اعمل حاجه في الدنيا.
تسنيم : يابني مش قصدي ، انا قصدي..
فارس قاطعها ..
فارس: معدش حاجه ينفع تقوليها خلاص ي ماما، وبنتك مش هترجع تانى ، علشان خلاص اتحكم عليها بالاعدام ، بنتك كانت بتحاول تقتل إسراء كذا مره وقتلت صحابها،  بنتك ي ماما ..
تسنيم ضربته بالقلم ..
فارس : اضربيني كمان ، فوقيني،  قوليلي ان انا تعبان ومش لازم اعيش ولا احب ولا اتحب،  حتي البنت الوحيده اللي بدأت ارتاح وانا جمبها بعدتيها عني .
تسنيم: مش قصدي ..
فارس مشى وسابها ... ركب العربية وطلع برا البيت .
إسراء مخدتش حاجه من اللي فارس جابها ومشيت.. طلعت وقفت تاكسي ورجعت بيت جابر .
تسنيم كانت في الجنينة دخلت علشان توقف إسراء متمشيش ملقتهاش..