عشقتها

البارت الرابع

رواية عشقتها.
البارت الرابع .
بقلم رحمه عمار. 

جه واحد ليوسف وهوا قاعد ..
الراجل : فيه اي يابني انا شايفك قاعد هنا من فتره انت مستني حد .
يوسف بتأثر :  والله يا حج انا مش عارف ولا فاكر حاجه خالص ولا فاكر اسمي اي ولا أهلي مين .
الراجل  : والله انت صعبان عليا طيب تعالى يابني عندي لحد ما اهلك يدوروا عليك .
يوسف : انت شايفني صغير يا حج .
الراجل : مش قصدي يابني انت على عيني وعلى راسي والله بس انا بس متأثر علشانك .
يوسف : ماشي يا حج يلا بينا .

الراجل أخده معاه بيته علشان عارف ان هو هيفضل قاعد في الشارع..
في بيت الراجل اللي اسمه جمعه  ..
الحاج جمعه : معلش يا ولاد جبتلكم معايا الشاب دا صعب عليا جدا ولقيته ناسي نفسه اصلا .
يوسف بعد تلات دقايق من كلام الحاج جمعه .
يوسف : انت مين يا حج .
الحاج جمعه: انت نسيت حالا يابني انت لسه جاي معايا من الشارع .
يوسف: انا اعرف حضرتك اصلا .
الحاج جمعه: لا ده كدا كتير .
يوسف : انا ماشي .
الحاج جمعه: استنى يابني نروح عند الدكتور نشوف مخك دا فيه اي .
يوسف : لا مش جاي معاك شكلك حرامي اصلا .
الحاج جمعه: لا سمح الله يابني انا عندي أولاد وبنت هخطفك انت ليه .
يوسف ب دموع  : انا صعبان عليا  نفسي قوي قوي ، مش عارف انا مالي .
الحاج جمعه: يلا بينا عند الدكتور .
يوسف : يلا .

عند الدكتور ..
يوسف : انا فين .
الحاج جمعه: احنا عند الدكتور يابني هو انا مش لسه قايلك.
يوسف : هو اللي قدامي ده دكتور .
الحاج جمعه: ايوه يابني ، انت شايف اي .
يوسف : اله امال انت مين .
الدكتور : لا كدا انا عرفت حالته ، اقعد هنا يا استاذ .
يوسف : هو بيقول ل مين .
الحاج جمعه: تعالى يابني اقعد هنا على الكرسي ده .

الدكتور كشف عليه وقعد يسأله اسئله وهو مش عارف يرد عليه لانه مش فاكر ..
بعد الكشف ..
الحاج جمعه: قولي يا دكتور عنده اي .
الدكتور : بص يا حج ، هو تقريبا اتخبط في حاجه دماغه فيها شرخ،  ومش فاكر اسمه اصلا ولا فاكر بيته ولا اسم أهله حتى .
الحاج جمعه : طيب اكتبله مهدئ،  يخليه يبدأ من جديد مش كل شويه يسألني انت مين .
الدكتور : كتبتله علاج يخليه ميفكرش كتير علشان ميتعبش.
الحاج جمعه : طيب الف شكر يا دكتور .

الحاج جمعه أخد يوسف ورجع البيت ..

الحاجه سعديه مرات الحاج جمعه: عملتو اي يا حج طمني عليه .
الحاج جمعه: ربنا يتولاه يا حجه دا طلع فاقد الذاكره مش فاكر اسمه اي حتى .
الحاجه سعديه: يعيني يضنايا،  الواد صعبان عليا قوي .
الحاج جمعه: انا هخليه يرتاح في أوضة جابر على ما الاكل يجهز .
الحاجه سعديه: هو مش بيتكلم ليه .
الحاج جمعه : الدكتور اداله علاج هو دلوقت مش داري بحاله.
الحاجه سعديه : طيب خليه يرتاح على ما أجهز الاكل .

دخل يوسف يرتاح في أوضة جابر ابن الحاج جمعه...
صحى يوسف بعد تلات ساعات وفتح  باب الاوضه وطالع .
الحاج جمعه: رايح فين يا ولدي ادخل ارتاح .
يوسف: حاسس انى عايز اطلع اتمشى مخنوق مش قادر اتنفس .
الحاج جمعه: ومالو يابني ، يا جابر تعالى انزل مع اخوك .
جابر : حاضر يا بوي.