عشقتها

البارت السابع

نهال : هي لو عرفت ي دكتور هتزعل .
جابر : هقنعها انا .
نهال : تمام ، إللى حضرتك تشوفه .
جابر : ادخلى شوفيها فاقت ولا لا .
نهال : حاضر .

نهال دخلت ..
إسراء فاقت وعماله تبص حواليها وتسأل نفسها ازاي جت هنا ..
نهال : حمد الله ع السلامة ي إسراء .
إسراء : الله يسلمك ، بس انا ازاي جيت هنا وأي اللي حصل ومين جابني وليه .
نهال : حيلك حيلك اي الاسئله دي كلها براحه شويه .
إسراء : ردي .
نهال : جيتي بالعربية ، لما رجعنا من الكلية لقيناكي مغمى عليكي ، اللي جابك دكتور جابر ، علشان مكناش عارفين هنتصرف ازاي ف رنينا عليه .
إسراء : مين شالني .
نهال : دكتور جابر .
إسراء بصدمه: هااااا شالني ازاي .
نهال : ع ايده زي الطفل الصغير .
إسراء : ليه خلتيه يشيلني يستي ، ابص في وشه انا دلوقت ازاي بقا .
نهال : وطي صوتك علشان هو برا .
إسراء: كمااان، برا بيعمل اي دا .
نهال : وكمان هو أجرلك شقه لوحدك جمب بيته وجابلك خدامه .
إسراء : نهال هو ده حلم.
نهال : لا حقيقه يبنتي.
إسراء: لا مش رايحه معاه .

دخل جابر ..
جابر : ليه ان شاء الله.
إسراء : كده ، انا هرجع السكن مع صاحبتي .
جابر : مفيش الكلام ده .
إسراء ب حركات طفوليه : لا مليش دعوه براحتى.
جابر ب عفويه: لا راحتك ف حاجات تانيه، إنما تستهري ب صحتك ومتاكليش دي راحتي انا اقصد دي مش راحتك .
إسراء : هرجع السكن وهاخد بالي من صحتي .
جابر : انا قولت ايي، قومي يلا علشان هنمشي من هنا.
إسراء ب دموع : لا مليش دعوه ، هروح مع نهال .
جابر : هو انا هخطفك يبنتي ، انا بعت السواق يجيبلك هدومك و كتبك وحاجاتك من السكن ، ولاء صاحبتك جهزتها، يلا قومي .
إسراء : لااااااااا.

جابر مسكها من ايدها وفضل ساحبها لحد العربية ونهال وراهم ..
جابر : اتفضلي اركبي يلا .
إسراء : لا .
جابر : متعصبنيش عليكي.
إسراء : انا مش مجبوره اروح هناك.
جابر :قوليلها يا نهال ان صحتها م لعبه وخليها تركب علشان هاخد حق الميه اللي رشتها عليا في اول يوم شوفتها فيه دلوقت.
نهال : يلا ي إسراء بقا ، يبنتي متخافيش .
إسراء : انا هركب علشان خاطرك بس ي نهال ، إنما حد تاني لا .
جابر : شطوره يا نهال ، بتبقى حلوه لما بتسمعي الكلام .
إسراء: خلصي يا نهال ، علشان انا متعصبه منك دلوقت .
نهال : هي نهال كوره حطينها في الجمل بتاعتكم ليه .
جابر : انا هوصلك ي نهال دلوقت السكن وبعدين هوصل إسراء الشقة واروح انا البيت .
نهال : تمام.

جابر وصل نهال السكن وراح المستشفي جاب العلاج بتاع إسراء ووصل إسراء الشقة الجديدة ..
قدام العمارة ..
جابر : هتلاقي فوق ست اسمها عفاف انا عرفتها كل حاجه وهي هتفضل جمبك لحد لما تبقى كويسه وهتصل عليكي قبل كل معاد دوا علشان تاخديه وكل يوم هجيبلك الاكل لحد عندك .. ولو عرفت انك مأخدتيش الدوا مش هيحصل كويس فهمتي ولا لا .
إسراء : انا مش عارفه ليه بتعمل دا كله ، وليه همك صحتي وأكل واروح واجي ، مش ملزوم منك تعمل كل دا ع فكره .
جابر : لأنك طالبه عندي ويهمني صحتك بلص كدا يهمني انك تتعالجي علشان تعرفي تنجحي في مادتي مش اكتر ولا اقل .
إسراء : اه قولتلي أنجح ، ماشي.
جابر : يلا اطلعي .