عشقتها

البارت الثالث عشر

جابر : صورتو  الكلام ده امتى .
جنى:  النهاردة .
اميره : ومتخافش يا دكتور مش هنقولها ان حضرتك عرفت.
جابر : طيب يلا  امشو.
جنى : كنا هنمشي ب كرامتنا اصلا .

جابر  اتعصب  لما لقى ان اسراء واقفه مع شاب وبتبتسم....
أميره وجنى قررو يكملو في الخطة بتاعتهم ..
يوسف بيخبط ..
جابر  : مين .
يوسف: انا .
جابر : عايز اي.
يوسف :  افتح اطمن عليك .
جابر :  لا روح .
يوسف:  هتفتح  ولا افتح انا بالمفتاح.
جابر :  هو انت غبي ، لما انت معاك المفتاح عايزني أفتحلك ليه.
يوسف  : اه صح .

يوسف دخل..
جابر :  هطلب منك طلب .
يوسف : اتفضل ، اوعى تكون عايز تدخل الحمام .
جابر : لا ، هقولك ع مقر الشركة بتاعتي هتروح تقول للسكرتيره تفتح المكتب بتاعي هتلاقي فون  هناك  تجيبه .
يوسف : المكان بعيد .
جابر : لا هتاخد تاكسي هينزلك قدام الشركة ودا العنوان....
يوسف : ماشي يا عم اما اشوف اخرتها.
راح يوسف الشركة وجاب التليفون بتاع جابر التاني وجه ..
جابر : تعبتك معايا .
يوسف : لا تعبك راحه يصديقي،  ها بقى هتغدينا اي .
جابر : هو انا كنت خلفتك ونسيتك.
يوسف: البت إسراء كانت طالبه هي وصحابها النهاردة كريب وشاورما ولا قالتلي حتى خد ساندوتش مع ان انا اللي جايبهولها.
جابر : يعني جايبهولها ع حسابك يعني.
يوسف: الصراحه لا .
جابر : انا بقول تقوم تروح.
يوسف : انا كدا كدا هروح انام عندي صداع مش قادر .
جابر : ماشي ، الف سلامه عليك .
يوسف: انا شايفك بقيت بتمشي ع رجلك اهو اتحسنت ولا اي .
جابر : ايوه الحمد لله اتحسنت ، بكرا بالكتير هروح الجامعه .
يوسف : ماشي ي عم ، حمد الله ع السلامه انا همشي بقا.
جابر : ماشي .

يوسف راح الشقه بتاعته ، وجابر مسك الفون بتاعه كان عامل الواتس بتاعه ع الفون دا برضو ، فتح الواتس وبعت ل أميرة اللي صورت الفيديو ل إسراء تبعتهوله..

اميره بعتت الفيديو ل جابر وكل لما يبص فيه ويشوفها واقفه مع واحد غريب يتغاظ اكتر وحلف انه هيعلمها درس متنساهوش..

إسراء متعرفش ان جابر هيروح الجامعه بكرا ، واميره وجنى هيكملو خطتهم ..

في الواتس ..
أميره وجنى والادمن الولد عملو جروب ..

في الشات .

الولد : مين دخلني هنا .
جنى : انا ، بص بقى من الاخر كدا احنا عايزينك في مصلحة .
الولد : مصلحة اي مش فاهم .
اميره: بص بقى عارف البت اللي كانت واقفه معاك النهاردة في للكلية .
الولد : مين .
جنى : اللي اسمها إسراء.
الولد : مالها .
جني: هتقول انها كانت بتقولك انها عايزه رقمك.
الولد : بس هي مكنتش عايزه رقمي ، دا كانت بتسألني عن الدكتور مجاش ليه .
اميره: احنا بنقول انك هتقول انها عايزه رقمك ، مفهوم ولا لا.
الولد: لا اكيد مش هسمع كلامكم .
جنى : ولو قولتلك انك هتاخد ٥٠٠ جنيه .
الولد: وانا إيش ضمني.
اميره : وصلتلك رساله دلوقت صح.
الولد : ايوه ، مكتوب تم تحويل ٥٠٠ جنيه ع رقمك .
جنى : كدا بقى ضمنت فلوسك يبقى هتعمل اللي احنا قولنا عليه.
الولد: هو انا هقول ل مين .
جنى : سيب الباقي علينا ، بس لما نسألك إسراء كانت واقفه بتقولك اي ترد تقول كانت بتطلب رقمي علشان تكلمني .
الولد : تمام.
أميره: نطير احنا بقى .