عشقتها

البارت الخامس

رواية عشقتها
البارت الخامس
بقلم رحمه عمار

عزة: انا أمك يابني مش فاكرني.
يوسف : لا والله مش فاكر حضرتك اسف ، يلا يبوي بينا .
عزة : ابوك مين يابني ، ابوك فتحي قاعد هناك اهو.
يوسف : يطنط بالله عليكي متضغطيش عليا انا تعبان بقولك مش فاكر حضرتك .
الحاج جمعه: خد يا جابر مروان على ما اتكلم مع المدام شوية .
جابر : حاضر.

الحاج جمعه: لما هو ابنك يا مدام ، سايباه بقاله اسبوعين من غير ما تسألو  عليه ليه.
عزة : انا كان هاين عليا اطلع امشي في الشارع أدور عليه بس أبوه قالي هو كبير وهيرجع  لوحده .
الحاج جمعه: ابنك تعبان ، والشخص لما يكون تعبان بيبقى زي العيل الصغير محتاج حد يراعيه.
عزة : طيب والحل دا مش فاكرني .
الحاج جمعه: انا عندي حل ، ممكن تبعتيلي صور كانت بتجمعه بيكم وانا هحاول بقدر الإمكان أخليه يفتكركم.
عزة : انا بجد بشكر حضرتك على مراعاتك ليه .
الحاج جمعه: يبنتي انا والحجه سعديه مراتي مبنخلفش ، روحنا عند ميتم واتبنينا جابر ووعد وعلمتهم احسن تعليم وعد دلوقت في اولى صيدله  وجابر  معيد في كلية تربية فنية في القاهرة غير كدا كان حابب مهنة الهندسة وبقى مهندس معماري .
عزة : إن شاء الله يكون في ميزان حسناتكم.
الحاج جمعه: متخافيش ع ابنك انا اعتبرته زي جابر بالظبط .
عزة : مش عارفه اشكر حضرتك ازاي .
الحاج جمعه: عيب يبنتي لو حد مكانى كان عمل كدا ، فوتك بعافية زمانهم مستنيين.
عزة :  حضرتك مقولتليش ابعتلك الصور فين.
الحاج جمعه: بصي يبنتي دا رقم بنتي وعد  ابعتيهولها ع البتاع اللي اسمه  واتس اب دا ولا اسمه اي .
عزة : حاضر يا حج في رعاية الله.

رجع يوسف وجابر والحاج جمعه البيت ...
الحجه سعديه: لقيتو عنده اى .
الحاج جمعه: جات سليمه خد ضربة شمس بس .
الحجه سعديه : الحمد لله ، الف سلامه عليك يا مروان يولدي.
يوسف : الله يسلمك يا أمي .
الحاج جمعه: ادخل نام يابني،  ريح جسمك .
يوسف : حاضر .

وعد في أوضتها..
الفون بعت إشعار ماسدج ..
٥ صور من رقم ..
وعد في بالها : ٥ صور ومن رقم يا ترى مين.
فتحت الفون والواتس وفتحت الشات لقت صور يوسف مع ناس غريبه ...
وعد: مين دول ويا ترى مين باعتلى  الصور دي .. دا مروان طب يا ترى دول أهله طب هما عرفو  ازاي ان انا معاه في نفس البيت ، يا ترى مين ورا الصور دي ..

الحاج جمعه  قطع حبل أفكارها ...
خبط على الباب ..
وعد : اتفضل.
الحاج جمعه: معلش يبنتي لو جالك صور على الواتساب بتاعك ده ابقى وريهالي.
وعد : ايوه يا بابا جه وانا مستغربه مين باعتهم.
الحاج جمعه: تعالى يبنتي وريني الصور .
وعد: حاضر .
الحاج جمعه  : اقريلي معلش اي اللي مكتوب تحت الصورة .
وعد: اللي باعت بيقولك انه اسمه يوسف .
الحاج جمعه: يوسف من مروان مفرقتش كتير بس يارب يفتكر ان دول عيلته.

الحاج جمعه اتأكد فعلا ان الست اللي قابلها في المستشفى تبقى أم يوسف .

في المستشفى عند إسراء...
الدكتور خرج..
ابراهيم : طمني يا دكتور .
الدكتور : تقدرو تاخدوها  معاكم البيت بس توفرلها الراحة التامة .
ابراهيم: إن شاء الله.