عشقتها

البارت التاسع عشر

ابراهيم : فين .

سمير فرج ل عمه الايف..
ابراهيم: ابعت للشخص ده وقوله يرجع إسراء.
سمير : دا فنان يا عمي ، ومبيردش على حد من متابعينه..
ابراهيم: ابعتله بس ، ولما يشوفها هيعرف ان احنا من طرف إسراء هيرد .

في الشات ..
سمير : لو سمحت ، ياريت ترجع إسراء البلد علشان أهلها قلقانين عليها .

ابراهيم: هاا رد ولا لا .
سمير : انا بعتله اهو يا عمي لما يشوفها هيرد .

فارس وإسراء خلصو مشاويرهم ورجعو البيت ..
فارس : اطلعي حطي بقا الحاجات بتاعتك في الأوضة،  وذاكري شويه علشان هنطلع نتغدى برا .
إسراء: لا كدا كفايه .
فارس : ع فكره انا فرفوش،  يعني متفكريش انك هتعرفي تعانديني.
إسراء: هو انت ماسك عليا ذلة يبني،  لازم اسمع كلامك .
فارس : براحتك ، بس لما اطلع ع السطح وأرمي نفسي ..
إسراء قاطعته..
إسراء: خلاص اسكت ، انا طالعه الأوضة.
فارس : اول لما اقول يا اسراء تيجي  مش عايز ابعت اي حد من الخدم .
إسراء ضربت ب رجليها في الأرض.
إسراء: مااااااشي .
فارس :  حاسبي ع الارض علشان مش بتاعتنا..
إسراء : نينيني ي خفيف .

إسراء طلعت ، وفارس دخل الأوضة بتاعته يشوف اللايف بتاعه جاب تفاعل قد اي ..
فتح الفيسبوك..
لقي ان مكتوب " راسلك شخص ما " ..
ف بيشوف الماسدج من فوق .. لقى ان فيه حد باعت" لو سمحت ، ياريت ترجع إسراء البلد علشان أهلها قلقانين عليها "...

في الشات..
فارس : متقلقوش،  هي بخير معايا ، وانا مش هعمل فيها حاجه وحشه ، انا مراعي ربنا فيها .
سمير : طيب ، أبوها عايزها ترجع البلد .
فارس :  اوعدك ، تخلص امتحانات وهجيبها بنفسي لحد باب البيت.
سمير : إسراء بنت عمى أمانه في رقبتك،  هي البنت الوحيدة ومش عايزين نخسرها.
فارس : متقلقش عليها ، طول ما هي معايا محدش هيمس شعره منها.

سمير طمن عمه أن إسراء بخير ..
فارس قام لبس طقم كاجوال كدا ، حاجه آخر اناقه وشياكه...
وقف في نص البيت ..
فارس ب صوت عالى وجميل  : اسرااااااااااااء .
بيلحن الاسم وهو بينادي ..
فارس : اسرااااااااااااااء ، كم انتِ جميلة ، هل تتزوجيني.
الخدم بيبصو من ورا الستاير عليه وقاعدين يضحكو..
إسراء نزلت ع الصوت ..
إسراء: خلاص نزلت ، بس اي اللي انت قولته ده.
فارس : لا متخديش في بالك ، دا انا كنت بغني.
إسراء: ماااشي.
فارس ب همس : بس الطقم ده هياكل منك حته،  أميره في نفسك والله .
إسراء خدها احمر كالعادة ومش عارفه ترد..
فارس ب همس : بحبك .
إسراء جالها زغطه من الصدمة ..
فارس بصوت عالى وهو بيغني : بحبك وحشتيني،  بحبك وانتي نور عيني.....
الخدم ضحكو بصوت عالى ..
فارس : انا كنت بغني ع فكره مش قاصد حاجه ، بس شكلك كنتى مستنياها يا اسراء .
إسراء بتبلع ريقها: لا مكنتش مستنياها.
فارس : امممم،  طيب يلا .

فتح ل إسراء باب العربية وركبها.. وركب ..
وصلو مطعم كدا ع البحر ..
فتح الباب ونزلها..

طلب تربيزه تكون قد المقام .. بتطل ع موج البحر ..
فارس : تاكلي اي .
إسراء: اي حاجه .
فارس  : طيب ثواني،  المنيو لو سمحت.
السكرتير جه ..
السكرتير : تطلبو اي يفندم .
فارس : انا دورت في المنيو ملقتش طبق اي حاجه ، هو دا جديد عندكم ولا اى .
السكرتير : مش فاهم حضرتك .
فارس : لا متاخدش في بالك .. احنا هنطلب استيك لحمه بس يكون كبير،  وسلطات بق والحاجات الحلوه بتاعتكم دي .
السكرتير : ربع ساعه وهيكون الطلب جاهز .
فارس: لا براحتكم،  انا كدا كدا مبملش من القاعدة معاها .