عشقتها

البارت السابع عشر

فيه حد خطف إسراء..
جابر مستنيها كانت بتجيب الهدية من العربية ..
بعد خمس دقايق إسراء مدخلتش البيت ..
جابر خرج يشوفها مش لاقيها..
جابر : اطلعي بقى يا اسراء عارف انك هتخضيني دلوقت  ، متعمليش بقا الجو ده .
إسراء مش بتظهر..
عمال يدور عليها حوالين البيت ، وفي العربية من جوا ، وفي الشارع التانى اللي جمب البيت مش لاقيها ...
راح عند يوسف فاكرها راحت عنده..
جابر بيخبط..
يوسف : مين .
جابر : انا .
يوسف : ع فكره انا ممكن مفتحش الباب زي ما كنت بتعمل .
جابر : طيب قول ل اسراء تعالى يلا كفايه كدا .
يوسف : لا مش هقولها .
جابر : طيب هي عندك .
يوسف : ايوه مستخبيه اهي .
جابر : افتح بس .

يوسف فتح ..
جابر : إسراء اطلعي قلقتيني عليكي .
يوسف : ع فكره انا كنت بهزر ، إسراء مش عندى والله ، هي راحت فين.
جابر : امال بتقول ليه انها عندك  ي بارد.
يوسف : انا حر ، طيب هتكون راحت فين يعني.
جابر : انا لو كنت اعرف مكنش يشرفني اني اجي اسألك.
يوسف : طيب والحل .
جابر : اسكت انت خالص انا هروح اراجع الكاميرات.
يوسف : خدني معاك .
جابر : تعالى انجز.

جابر ويوسف راحو  البيت ..
جابر بيرجع الكاميرات..
الكاميرا: اتنين لابسين اسود في اسود مفيش حاجه من ملامحهم باينه ، حطو حاجه ع عنيها وكتفوها وشالوها وحطوها في عربية سودا كبيره وطارو بسرعة كبيره .

يوسف ضرب ب ايده ع المكتب ..
وبعدها حرك ايده علشان وجعته من خبطة المكتب..
يوسف : انا هعرف مين عمل كدا في بنت عمى ، والله ما هسيبهم في حالهم .
جابر : ي شيخ اتنيل،  انا لازم اعمل ابلاغ عن حالة اختطاف.
يوسف : ايوه بسرعه .

جابر رن ع الشرطة حضرو ..
قدام بيت جابر ..
الناس اتلمت حتى البواب بتاع العمارة اللي كان قافش يوسف ..
يوسف واقف مع جابر وعمال يستخبي فيه علشان البواب ميشوفهوش.
الشرطة شافت الكاميرات ..
يوسف : اعرفولي حالا مين اللي عمل كدا .
البواب : حضرت الباشا،  ازيك .
يوسف عمال يبص حواليه..
البواب : انت ي باشا ، لسه بتخاف من الكلاب ولا خلاص .
يوسف عامل نفسه م واخد باله ..
البواب راح عنده ..
البواب : هو انتو بتحققو في اي ي باشا .
جابر : يعنى ده كله بتكلم يوسف .
البواب : قصدك البيه يوسف .
يوسف خد مقلب في نفسه وقعد يظبط في الجاكيت..
جابر :  ودا من امتا كان بيه .
البواب : هو انت ضحكت عليا.
يوسف بيقولو اسكت بس بلغة الاشارة..
البواب مسك يوسف من لياقته..
البواب : الراجل ده حرامي يباشا،  لقيته اول امبارح عند باب العمارة بالليل متأخر وقال اي بيقولي انه خايف من الكلب وجاي يستخبي.
يوسف : يخربيتك قولتلهم اني بخاف من الكلاب .
جابر : سيبه يا حج طه ، دا قريبي مش حرامي .
الظابط: احنا عرفنا رقم العربية ، يوم وهنعرف مين اللي عامل كدا .
جابر : معلش تعبتك معايا .
الظابط: دا واجبي يا دكتور جابر .

الظابط مشى ، والناس مشيت ، وجابر ويوسف دخلو البيت ..
جابر فضل رايح جاي من القلق ع إسراء..
و يوسف دخل ع التلاجة يشوف الاكل ..