عشقتها

البارت التالت

اسراء:اتكعبلت في السلم رجلي وجعتني .
يوسف : مش تحاسبي  يبنتي .
إسراء: هو انا كنت عارفة اني هقع  يا يوسف .
يوسف : خلاص معلش اقعدي على ما انادي امك .
إسراء : لا متقولهاش لو عرفت مش هتروح الخطوبة وهتقعد جمبي .
يوسف : وأي يعني ، انا نازل اناديها .
إسراء: انزل يا يوسف روح انت معاهم وقولهم ان هيا بتزاكر ومش هتعرف تيجي.
يوسف : لا مش رايح،  طالما مش هترضي اقول لأمك هقعد جمبك .
إسراء: هو انت يابني اهبل ، انا مش عايزاك تقعد جمبي .
يوسف : خلاص يستي براحتك انا نازل .
إسراء بصراخ: اااه.
يوسف : اي تاني .
إسراء: جيت اقوم رجلي وجعتني تاني .
يوسف : اقولك انتي تستاهلي علشان قولتلك اقعد جمبك .
إسراء: زي ما تحب .
يوسف : هنفضل قاعدين على السلم كدا .
إسراء: ادخل طيب كراسي طيب من الشقه ونقعد هنا لحد ما ييجو من الخطوبة.
يوسف : ومالو.

إسراء: اشمعنا بقى مردتش تروح وقعدت معايا .
يوسف بإنكار: انتي شايفه حد هنا معاكي غيري .
إسراء: الصراحه لا .
يوسف: تبقي تقفلي خشمك .
إسراء: حاضر .
يوسف : قوليلي بقا يستي جاهزة للامتحانات.
إسراء: اه ، وأن شاء الله انا قد التحدي وهكمل تعليمي.
يوسف: لو عمي ابراهيم رفض تعليمك متسكتيش وطالبي بحقوقك.
إسراء: انت فاهم يا يوسف ان هو ابوي وبعدين مش هقدر اكسرله كلمه فأنا خايفه من كده.
يوسف : لا يبنتي دا حقك ، ومتستغربيش ليه مش بكلمك بلهجة الصعيد .
إسراء: اصلا انا مش بحب اتكلم باللهجة دي بس بتكلم معاكم هنا في البيت .
يوسف: اه ما انا ملاحظ .
إسراء: وانت منويتش على شغل.
يوسف : اه ما انا كنت لسه هقولك.
إسراء: هتقولي اي.
يوسف : إن انا مسافر الاسبوع الجاي دا .
إسراء بتأثر : زعلتني.
يوسف : بس مش حاسس انك زعلانه .
إسراء بتمثيل : واء واء  كدا بقيت زعلانه .
يوسف : يخربيييت برادتك يشيخه انا غلطان اصلا اني قعدت معاكي .
إسراء: احسن ، قوم .
يوسف : ربنا يستر ع اللي هيتجوزك دا ليه الجنة والله .
يوسف في باله : ليا الجنة .
إسراء: بتقول حاجه ي عسل .
يوسف : لا بقولك ربنا يخليه دا واخد سكرة العيله .
إسراء  : اه بحسب.
يوسف : قوليلي بقا عايزه تدخلي اي .
إسراء: انا بحب الرسم جدا عايزه ادخل تربيه فنية .
يوسف : طب ما دي حاجه سهله يا دوب تزاكري شويه صغيرين هتجيبي  الكلية اللي انتي عاوزاها.
إسراء: إن شاء الله بس بابا يوافق .
يوسف :  وانا جمبك يستي وان شاء الله هقف  جمبك وهجبر باباكي يخليكي تكملي تعليمك .
إسراء : ممكن اقولك حاجه بس انا مكسوفه .
يوسف في باله: ياااه لو كانت هتعترفلي وتقولي بحبك .
إسراء: هو انا بكلم مين انت يا اسمك اي سرحان فين .
يوسف : أ أ أ ءءءء.
إسراء : هو اي الكلام الغير مفهوم اللي انت طلعته دا .
يوسف: اه سامعك كنتي بتقولي اي بقي .
إسراء: بقولك عايزه اقولك حاجه.
يوسف:  اه طبعا اتفضلي.
إسراء: انا حاسه ان انت زعلان مني من ساعة لما كلمتك بطريقه مش حلوه وحسيت كمان ان فيه شعور منك ليا هو انت بتحبني يا يوسف.
يوسف: اه ... لا
اسراء : ايوا مفهمتش اه ولا لا .
يوسف : عايزه الصراحه.
إسراء: مش عايزه غيرها.
يوسف : اه يستي بس انتي اللي معندكيش اي احساس تجاهي حتي مردتش اقولك علشان تحسيها بأفعالي عملت علشانك كتير ، وقفت جمبك في كذا موقف بس البعيده مبتحسش.
اسراء  : اه ماشي .
يوسف : مسمعتش قولتي اي .
إسراء: ماشي .
يوسف : تصدقي ان انا غلطان اصلا ان انا قاعد معاكي والله ل همشي وشوفي بقا مين هيسليكي وكمان هيحركك يا ام رجل متعوره بس كده.
إسراء: اعععععععع  بتتريق عليا والله لهقول ل مرات عمي لما تيجي .
يوسف : خلاص خلاص هتفضحيني هيقولو ارتكب فيكي جريمه.
إسراء: علشان تحاسب ع كلامك قبل ما يطلع .
يوسف : عارفه يا اسراء انا ميهونش عليا اشوف دمعتك بتنزل وانتي مهما زعلت مهما بعدت عنك مبتحسيش بمشاعري مع انك عارفه ان انا من البداية واحنا جمب بعض ومع بعض وفيه مشاعر بس انتي حاسك  مخبيه عني حاجه.
إسراء: الصراحه اه،  انا بحب هاني.
يوسف : هاني مين.
إسراء: هاني ابن عمي سعد .
يوسف : هو انتي غبية ي ماما .
إسراء: عارفه ان خطوبته النهاردة بس انا من زمان وانا بحاول مخبيش مشاعري ليه قولت يمكن يحس .
يوسف بتأثر : ماشي يا اسراء .
إسراء : والله مقصدتش خالص اني ازعلك علشان كدا خبيت  عليك .
يوسف : بصي يا اسراء انا مش هسكت وهتقدملك واكيد عمي هيوافق بيا لان احنا متربيين مع بعض وعارفين احنا بنحب اي وبنكره اي ، وانا هسيبلك فرصه تفكري  انا مش بجبرك تحبيني انا هسيب الايام بينا تحدد ان كان احنا لبعض ولا لا ، انا مسافر اخر الاسبوع  دا زي ما قولتلك وهغيب هناك تلات سنين هرجع بعد لما تكوني في تانيه جامعه وهتقدملك.
إسراء : سيبها ع الله يا يوسف ولو ربنا عارف ان في قربنا خير اكيد مش هيمنع.
يوسف : تمام ، ادخلي انتي دلوقتي كملي مزاكرتك علشان خلاص امتحانك  ع الأبواب.
إسراء: ممكن اطلب منك طلب .
يوسف : اتفضلي .
إسراء: ممكن تزاكرلي.
يوسف وهو طاير من الفرحة : اه ومالو انا اقدر ارفضلك  طلب .
إسراء: انا مش فاهمه باب فيزياء كامل ، مش عارفه هتستحمل تفضل معايا لحد ما تخلصه.
يوسف : طيب تعالي أسندك نطلع ع السطح فوق في روقان ونراجع ع الباب اللي مطلع عينك دا .
إسراء: ماشي موافقه استنى هجيب الكتاب .