عشقتها

البارت العاشر

إسراء انخضت لما فاقت من النوم ع صوت صفارة جهاز دقات القلب لما بيقف..
إسراء طلعت تجري تنادى للدكتور ...
دخل الدكتور أوضة جابر لقى ان مش دا الجهاز اللي صفر  وطمنها ان هو بخير ..
إسراء: هو انا ممكن ادخل اقعد جمبه .
الدكتور : ايوه بس متعمليش صوت .
إسراء : حاضر .

دخلت إسراء جابت كرسي وقعدت جمبه وفضلت دموعها تنزل لوحدها وهي شايفاه  جسمه كله متجبس ومركب خراطيم في كل حتة ..
بعد نص ساعه جابر فتح عينه ، إسراء طلعت تجري تجيب الدكتور ..
الدكتور جه ..
الدكتور : انا بشكرك انك جيتي نديتي عليا اول لما فاق.
إسراء: طيب هو عامل اي دلوقت .
الدكتور : انا اديتله دلوقت حقنة مخدر علشان ميحسش بالوجع اللي في جسمه . حاليا هو فايق بس مش داري باللي حواليه ف خليكي جمبه .
إسراء: حاضر .

جابر عايز يقول حاجه بس جهاز التنفس اللي ع وشه مش مساعده ف إسراء لاحظت ان شفايفه  بتتحرك وعايز يقول حاجه ..
إسراء: عايز تقول حاجه .
جابر بيحاول يهز دماغه .
إسراء: طيب ، عايز تقول اي .
جابر بيهزر دماغه ..
إسراء ب دموع : انا مش فاهمه.
جابر مش عارف يتكلم يقولها هو عايز يقول اي ..
إسراء: طيب خلاص هنادي للدكتور يشوف انت عايز اي .
جابر  بيهز رأسه بالرفض...
إسراء: طيب أعمل اي . عايز تشرب .
جابر بيهز رأسه بالرفض.
إسراء : عايز تقعد .
جابر بيهز بالموافقة ..
إسراء: لا مش هينفع جسمك هيوجعك. ثواني هنادي للدكتور ..

راحت وجت ..
الدكتور : مش هينفع تقعد جسمك هيوجعك ، خليك مرتاح هاجي كمان خمس دقايق أفك السلوك والخراطيم من جسمك وأغيرلك ع الجرح وبعدها تقدر ترجع البيت مع مراتك ..

إسراء بصدمة : مراااته!
الدكتور : ايوه ي مدام ، هو انتي مش مراته.
إسراء : لا لا انا مجرد طالبه عنده .
الدكتور : مش واضح خالص،  باين على عيونك انك خايفه عليه وانه يبقالك حاجه كبيره اوي .
إسراء: هنسيبه بقى ونقعد نشوف انا وحضرتك عيوني بتقول اي .
الدكتور : مش القصد يا آنسة ع العموم هرجع كمان خمس دقايق .
إسراء: تمام.

إسراء فضلت قاعدة جمبه الخمس دقايق دول تفكر ان الدكتور ازاي افتكرها مراته وازاي هي خايفه عليه بالطريقة دي ..

بعد خمس دقايق..
الدكتور جه .

الدكتور : معلش يا أنسه اخرجي برا علشان هغير ع الجرح واكشف عليه وبعدها يقدر يرجع البيت ..
إسراء: تمام.

الدكتور خلص تغيير ع الجرح وكشف عليه وبعت الممرضة تجيب كرسي متحرك ..
إسراء: هو مش هيقدر يمشي ع رجليه !.
الدكتور : ايوه لمدة أسبوعين ف هو محتاج حد يقعد جمبه ويراعيه ويديلو العلاج في المعاد ويغيرله ع الجرح كل يوم .
إسراء: بس اهله مش معاه .
الدكتور : مليش علاقة بالموضوع ده ، المهم أن حد يراعيه.
إسراء: تمام.
الدكتور : تقدري تاخديه دلوقت وهو قعد ع الكرسي المتحرك .