عشقتها

البارت الثامن عشر

إسراء ب صدمه : حضرتك بتقولي بنتك اسمها اى .
تسنيم : جنى .
إسراء: معلش سؤال تانى ، بنت حضرتك في كلية اي .
تسنيم : تربيه فنيه.
إسراء: اممم،  ممكن كلمه يا فارس ع جمب .
فارس : فيه اي مالك،  اتخضيتي فجأه.
إسراء: انا لازم امشي من هنا حالا .
فارس : فيه  اى يبنتي ما كنا ماشيين كويس .
إسراء: انا عايزه امشي.
فارس : طيب تعالى يستي ، نتمشي شويه .
إسراء: لا عايزه ارجع بيتي.
فارس : تعالى بس .

فارس ركب هو وإسراء العربية وطلعو...
في الطريق ..
فارس : قوليلي بقى عايزه ترجعى ليه.
إسراء: علشان اختك جنى .
فارس : هو انتى تعرفيها .
إسراء: إلا أعرفها .
فارس : وبعدين هي مش عايشه معانا ، دي كانت بتيجي كل فتره تطمن ع ماما وتمشي .
إسراء اطمنت شويه..
فارس : قوليلي بقى لونك اتغير فجأه ليه وطلبتي انك ترجعي.
إسراء: علشان جنى دي هي اللي قتلت صحابي .
فارس داس  فرامل..
فارس : بتقولي اي !!!
إسراء: ايوه زي ما بقولك كدا ، وهي اللي ورا حوار الخطف ده ، وكمان هي حاليا في السجن ، و النهاردة اتحكم  عليها .
فارس : ودا كله امتى وازاي .
إسراء : لما كنا في الجامعة هي اللي اتعدت عليا بدل المره مليون ، وانا كنت بستسلم في كل مره،  واتعدت ع صحابي طلبت من رجاله بيتاجرو معاها في المخدرات هي وأميرة يغتص*وهم وربطوهم في الشجرة والكلاب نهشتهم،  وكمان اللي خاطفيني دول هما من رجالتها اللي بيتاجرو معاها ، ولو مش مصدقني روح السجن وهتلاقيهم.

فارس مش مستوعب اللي بيسمعه عن اخته..
فارس : بجد الكلام اللي انتي بتقوليه ده .
إسراء: ايوه والله مش بهزر .
فارس : عموما ، انا مكنش ليا تعامل معاها علشان هي من اب تانى ، بس اللي خايف عليه دلوقت ماما لما تعرف.
إسراء: متقولهاش.
فارس : مقولهاش ازاي ، ماما بترن عليها بقالها اسبوع مبتردش ع فونها وهي قلقانه عليها .
إسراء: براحتك .
فارس : احنا لازم نرجع علشان ناكل وبعدين همشي علشان عندي حفلة .
إسراء: حفلة اي.!
فارس : انا مغني .
إسراء: امم،  ربنا يوفقك .

فارس رجع تاني بيته هو واسراء..
طلب من الخدم يجهزو الاكل علشان يمشي ..
أكل هو وإسراء وأمه ..
فارس : انا همشي بقا ي ماما علشان الحفلة اللي قولتلك عليها .
تسنيم : ماشي خلي بالك من نفسك .
فارس بص ل إسراء..
فارس : تيجي معايا .
إسراء بتبص وراها..
فارس : بكلمك انتي  تيجي معايا .
إسراء هزت راسها بالموافقة..
فارس : طيب يلا .

فارس خد إسراء معاه ..
اول لما وصلو مكان الحفلة ..
فارس : خليكي هنا ، هدخل اغير هدومي علشان الحفلة هتبدأ كمان خمس دقايق.
إسراء: تمام.

فارس دخل أوضة اللبس لبس وخرج .. دخل قمر طلع قمرين ..
فارس : ممكن تعدليلي اللياقة دي .
إسراء بتبص حواليها ..
فارس : هو انا كل ما اكلمك تبصي حواليكي.
إسراء: تقصدني انا .
فارس : ايوه ، انتى .

إسراء قامت تظبط اللياقه..
فارس ب همس : هو انتى طالعه قمر ل مين .
إسراء جاتلها الزغطه اول لما قالها كدا ..
فارس : بتعاكسيني كمان ، دا اى البجاحه دى .
إسراء شاورت بصوباعها ع نفسها...
إسراء وهي عندها الزغطه: انا عاكستك هيئ.
فارس : ايوه انتي.
إسراء: ع فكره انت هيئ.
فارس : طب اشربي ميه بدل ما انتى كل شويه هيئ هيئ .
إسراء شربت ميه والزغطه مش راضيه تروح ..
فارس : يلا بق انا طالع ع الاستيدج .
إسراء: ماشي .