عشقتها

البارت الثانى عشر

ابراهيم : ايوه عمك .
يوسف : اي اللي جابك قصدي حضرتك .
ابراهيم : جاي اشوف بنتي ، مليش ان انا اشوفها ولا اي .
يوسف : لا ليك ي عمي ، بس اقصد مرنتش عليا يعني.
ابراهيم: افتح تليفونك كدا ، شوف رنيت ولا لا .
يوسف بيبص في الفون لقاه فاصل شحن ..
يوسف :- دا فاصل .
ابراهيم : يبقى مسمعش نفسك .
يوسف : اتفضل يا عمي ، اينعم البيت مش بيتي بس اتفضلو مينفعش تقفو برا .
ابراهيم وإسراء دخلو جوا ..
جابر : مين ده يا اسراء .
ابراهيم باستغراب : الجدع ده يعرف اسمك منين ..
إسراء: ده الدكتور بتاع الجامعه .
ابراهيم: اممم.
إسراء: ده بابا يا دكتور .
جابر : حضرتك نورت والله.
ابراهيم: بنورك يابني.
جابر : اتفضل مش عارف اقوملك  والله رجلي مش بقدر  اقف عليها .
ابراهيم : الف سلامة .
جابر : الله يسلمك.
يوسف : تشرب اي يا عمي .
ابراهيم: أراك توزع من مال والدتك يا يوسف ،  مش بيتك وبتقولي تشرب اي .
يوسف : لا لا دا جابر صاحبي قالي بيتك ومطرحك.

جابر بص ليوسف بنظرة اللي هو انا قولتلك كدا امتى ...
يوسف : مش كدا يا جابر ولا اي .
جابر : ايوه طبعا .
ابراهيم: وانت اللي جابك هنا مش ليك بيت .
إسراء باستغراب: بيت ههه.
ابراهيم:  امال اي .
إسراء: دا عايش في بيت جابر اللي  كان مأجرهو...
جابر قاطعها...
جابر : احم ، احم اي يا اسراء .
ابراهيم:  هو انتي هنجتي ولا اي ما تكملي كلامك .
إسراء: اقصد كان مأجره ل يوسف .
جابر : ايوه،  هي تقصد كدا .
يوسف ب استغراب : انت أجرتلي الشقة ليا انا ، يا حبيبي يا جابر.
جابر : ايوه،  هو انا ليا غيرك ، خديه يا اسراء وامشي اعملي حاجه لباباكي.
إسراء: تعالى ، دا انت مصيبه.
جابر : دا انتو الاتنين طلعتو مصايب  والله .

يوسف راح يعمل عصير ..
يوسف في المطبخ : السكر بتاعك فين  يا جابر.
إسراء بتلقائيه: انا عارفه مكانه .
ابراهيم بنظرة صدمه : عارفاه ازاي يعني.
إسراء :  اقصد يعني اللي هو بيبقى مع الشاي والحاجات دي .
ابراهيم: اممم.
يوسف : تعالى يا اسراء هاتيه.
دخلت إسراء تساعد يوسف وهو بيعمل العصير...
وجابر وابراهيم قعدو يتكلمو..

بعد خمس دقايق ..
يوسف جاي بالعصير ف اتكعبل وقع بيه ع عمه ابراهيم..
يوسف : مكنش قصدي والله يا عمي.
ابراهيم: انا شربت العصير من غير ما امسكه واستحميت من غير  لما ادخل الحمام ، انت عبقري ياض يا يوسف.
يوسف: يعني دي حاجه حلوه ولا وحشه .
ابراهيم : لو ممشيتش من قدامي  دلوقت هعملك انت عصير .
إسراء ف ضحك هستيري ..
إسراء: خلاص ي بابا ثواني اجيبلك كوباية تانية .

إسراء دخلت تجيب الكوباية وجايه لسه بتدي لأبوها الكوباية قامت واقعة ..
ابراهيم:  انا بقول اقوم امشى بقا .
إسراء: مكنش قصدي.
ابراهيم: لما بتجتمعو انتو ويوسف في شغلانه بتخربو الدنيا ، فاكرين لما طلعتو ع السطح سوا وكان يوسف بيذاكرلك وكنتو مستغطيين بالبطانية.
إسراء: اي ي بابا ، معانا ناس هنا .
جابر بص ل إسراء بصه  غريبه ، نظرة غيره.
يوسف : انا مش فاكر .
إسراء: احسن ، اسكت .
ابراهيم: يلا ارجعي يا اسراء السكن ، علشان الوقت هيتأخر وعلشان كليتك الصبح .
إسراء : حاضر يا بابا خلي بالك من نفسك .