နောက်နေ့ရောက်သောအခါ နန်းဆက်ကသူမရဲ့အိမ်သို့ သက်တန့်ကို ခေါ်ဆောင်သွားခဲ့သည်။သက်တန့်က ဘယ်သူမှမရှိပဲ တိတ်ဆိတ်ငြိမ်သက်နေသော နန်းဆက်ရဲ့အိမ်ကိုကြည့်ရင်းမေးမြန်းလိုက်သည်။
"ရှင်က တစ်ယောက်ထဲနေတာလား။မိသားစုမရှိဘူးလား"
"ဘယ်သူ့ကိုမှ မင်းမတွေ့ဘူးမဟုတ်လား။ဒါဆိုတစ်ယောက်ထဲပေါ့။မင်းက သိပ်စပ်စုတာပဲ"
နန်းဆက်၏လေသံက အနည်းငယ်မာနေသဖြင့် သက်တန့်ပခုံးတွန့်လိုက်မိသည်။ဘယ်လိုမိန်းမလဲမသိဘူးဟုလည်းတွေးမိသည်။
"သက်တန့်က ဒီအတိုင်းမေးလိုက်တာပါ။ရှင်မကြိုက်ရင် စိတ်မကောင်းပါဘူး”
နန်းဆက်ကသက်တန့်၏စကားကိုမည်သည့်မှတ်ချက်မှမပြုခဲ့ပါ။သူမက အလုပ်ကိစ္စကိုသာပြောလေ၏။
"အလုပ်လုပ်ဖို့စီစဉ်ထားတဲ့အခန်းကိုသွားကြရအောင်။မင်းရဲ့စိတ်ကူးတွေကိုလက်တွေ့ကြိုးစားကြည့်ကြတာပေါ့"
ဤသို့ဖြင့် သက်တန့်ရဲ့စိတ်ကူးထဲမှပုံရိပ်များကိုကြိုးစားရေးဆွဲနေမိသည်။တစ်နေကုန်အမျိုးမျိုး ကြိုးစားရေးဆွဲနေသော်လည်း စိတ်တိုင်းကျလောက်သည့်ပုံတစ်ခုတစ်လေမှမရရှိခဲ့ပါ။သက်တန့်၏စိတ်အာရုံတွေမှာ ထွေပြားနေခဲ့၏။အလုပ်ကိုအာရုံမစိုက်နိုင်ခြင်းသည် ဘယ်လိုအရာကြောင့်လဲ.....။
သက်တန့်ရေးဆွဲချင်သည့်ပုံရိပ်များမှာကြောက်စရာကောင်းသောစုန်းမတစ်ချို့၏ပုံရိပ်များဖြစ်သည်။အဲ့ဒါက ဘဝတစ်လျှောက်လုံးအိမ်မက်ဆိုးများအဖြစ် သက်တန့်ကိုခြောက်လှန့်နေခဲ့သောဖြစ်စဉ်တစ်ခုဖြစ်သည်။ထို့ကြောင့် စာရွက်ပေါ်တွင်ရေးဆွဲလိုက်တိုင်း အသက်ဝင်နေတတ်သည်ကို သက်တန့် ကောင်းကောင်းသိသည်။
သို့သော် ယခုဘာလို့များ၎င်းပုံရိပ်တို့ကိုရေးဆွဲလို့မရပါသလဲ။သက်တန့်သေချာမသိပါ။သေချာတာက နန်းဆက်ကြောင့်ဖြစ်နိုင်သည်။နန်းဆက်က သက်တန့်ကိုစိတ်ရှုပ်ထွေးစေသူတစ်ယောက်ဖြစ်ကောင်းဖြစ်နိုင်သည်။
သက်တန့်ရေးဆွဲထားသောပုံတစ်ချို့ကိုကြည့်၍ နန်းဆက်က ခေါင်းခါနေခဲ့သည်။
YOU ARE READING
💛ပိုင်ဆိုင်ခွင့်ပြုပါ သက်တန့်မျှော်စင်
Fantasiaနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
