သက်တန့်ရဲ့မျက်နှာပေါ်သို့ ဖြာကျနေခဲ့သောနံနက်ခင်းနေခြည်နုနု၏နမ်းရှိုက်မှုနှင့်အတူအိမ်မက်အပိုင်းအစများဆီက လွတ်မြောက်ခွင့်ရခဲ့သည်။သက်တန့်က မျက်နှာပေါ်သို့ဝေ့ဝဲကျနေသောဆံနွယ်လေးများကို သပ်တင်လိုက်ရင်း အိပ်ရာမှထဖို့ကြိုးစားလိုက်သည်။ပြီးတော့ စဉ်းစားမိသည်။မိမိက ဘာလဲဟု.......။
ကစဉ့်ကလျားဖြစ်နေခဲ့သောစိတ်အာရုံကို စုစည်းလိုက်ရင်း မိမိက ဘာလဲဟု စဉ်းစားမိလိုက်သောအဖြစ်ကို တစ်ချက်ရယ်မောလိုက်မိသည်။အိပ်ရာနိုးနိုးချင်း ဟိုဒီလျှောက်ကြည့်နေသော ကြောင်တောင်တောင်ကောင်မလေးတစ်ယောက်က ဟာသတစ်ခုဖြစ်နေခဲ့မှာသေချာသည်။
အခန်းနံရံအပြည့်ရှိနေသောပန်းချီကားတစ်ချို့ကို ကြည့်ပြီးသောအခါမှပြန်လည်စဉ်းစားမိသည်။ဟုတ်သားပဲ.....သက်တန့်က အောင်မြင်ဖို့ကြိုးစားနေတဲ့ပန်းချီဝါသနာရှင်တစ်ယောက်လေ။
ယနေ့လည်း မိမိရေးဆွဲထားသောပန်းချီပုံတစ်ချို့ကို ပြပွဲတွင်ဝင်ရောက်ပြသနိုင်ဖို့အခွင့်အရေးပေးမယ့်သူတွေဆီသွားရဦးမည်။ထိုအခါမှ နာရီကိုကြည့်မိသည်။နောက်ကျနေတော့မှာပဲဟုတွေးရင်း ပြင်ဆင်စရာရှိသည်များကို ခပ်မြန်မြန်လေးဆောင်ရွက်လိုက်သည်။ထို့နောက် အိမ်မှထွက်လာခဲ့တော့သည်။
သက်တန့်မျှော်စင်ဆိုတဲ့သူမက ဝါသနာပါသောအလုပ်နှင့်ပတ်သက်၍အခွင့်အရေးမှန်သမျှကို လက်လွတ်မခံပဲ ကြိုးစားတတ်သည်။သို့သော် သူမရဲ့ကြိုးစားမှုအတွက် အသိအမှတ်ပြုခြင်းတစ်ကြိမ်မှမရရှိခဲ့ပါ။
ကံကြမ္မာက သက်တန့်ကိုမျက်မုန်းကျိုးနေဟန်တူသည်။ကံကြမ္မာ၏ပျက်ရယ်ပြုခဲ့သည့်ဖြစ်စဉ်အတွက် ဘယ်သူ့ကို အပြစ်တင်ရမလဲ မသိခဲ့ပါ။
သက်တန့်ရဲ့ပန်းချီကားတွေသည်အကြိမ်ကြိမ်အငြင်းခံရလေ့ရှိသည်။ယခုလည်း ထပ်မံ၍အငြင်းခံရပြန်ပြီဖြစ်သည်။
"ဒီပုံတွေ ငါတို့မကြိုက်ဘူး သက်တန့်မျှော်စင်။မင်းထပ်ပြီးကြိုးစားဖို့လိုသေးတယ်။ဒါကြောင့် ငါတို့ဘက်က မင်းကိုငြင်းပါရစေ"
YOU ARE READING
💛ပိုင်ဆိုင်ခွင့်ပြုပါ သက်တန့်မျှော်စင်
Fantasiနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
