နန်းဆက်ရဲ့အပြင်သွားဖို့ပြင်ဆင်ထားသောဟန်ပန်ကြောင့် သက်တန့်မေးမြန်းမိသည်။
"နန်းဆက်.......ဘယ်သွားမလို့လဲ"
"ဆေးရုံကိုသွားမလို့Honey။ကိုယ်ဂရုစိုက်ပေးရမယ့်လူနာတစ်ချို့ရှိနေလို့"
"ရှင့်ရဲ့ကျန်းမာရေးအခြေအနေက အလုပ်မလုပ်သင့်ဘူးနော်"
"ကိုယ်နေကောင်းပါတယ်။ခဏပဲ.....ကိုယ်မြန်မြန်လေးပြန်လာခဲ့မယ်"
"ဒါပေမယ့်သက်တန့်ရှင့်ကိုစိတ်မချဘူး။ပြီးတော့ သက်တန့်ရဲ့စိတ်ထဲမှာတစ်ခုခုကိုကြောက်နေသလိုပဲ....."
သက်တန့်၏ညိုးငယ်နေသောမျက်နှာလေးကိုကြည့်ရင်း နန်းဆက်စိတ်မကောင်းဖြစ်ရပြန်သည်။
"မင်းဆီကို မြန်မြန်ပြန်လာခဲ့ပါ့မယ်။ကိုယ့်ရဲ့ကလေးလေးက လိမ္မာတယ်မဟုတ်လား။ကိုယ့်ကိုစိတ်မကောင်းဖြစ်ရအောင်မလုပ်နဲ့ကွာ......နော်"
နန်းဆက်၏မျက်နှာလေးပျက်ယွင်းသွားသောအခါမှာတော့ သက်တန့်သက်ပြင်းချရင်းခေါင်းညိတ်လိုက်ပါ၏။နန်းဆက်ကိုစိတ်မညစ်စေချင်ပါ။
"အင်းပါ.....နန်းဆက်။သက်တန့်ဆီ မြန်မြန်ပြန်ခဲ့ရင်ပြီးတာပါပဲ"
နန်းဆက်သည်သက်တန့်ကိုကြင်ကြင်နာနာလေးကြည့်၍နှစ်သိမ့်ပေးပြီးထွက်ခွာသွားခဲ့သည်။
××××××××××××××××××××××××
သက်တန့်ရဲ့လက်ကိုင်ဖုန်း တုန်ခါလာခဲ့သဖြင့်သက်တန့်ကြည့်လိုက်သောအခါ သက်တန့်ရဲ့ကမ္ဘာကိုဖျက်ဆီးမည့်နတ်ဆိုးတစ်ကောင်ဆီမှဖြစ်နေခဲ့သည်။
"ဟယ်လို.......သက်တန့်....ငါ့ကိုမှတ်မိသေးရဲ့လား။ကစားပွဲလေးပြန်စဖို့အချိန်တန်ပြီ။မင်းကိုအနားယူခွင့်ပေးထားတာကြာပြီလေ။မင်းနဲ့နန်းဆက်ထည်ဝါရဲ့ပန်းရောင်နေ့ရက်လေးတွေအဆုံးသတ်သင့်ပြီထင်လို့......"
"ရှင်ဘာတွေဒုက္ခပေးဦးမလို့လဲ"
"သိပ်ပြီးထွေထွေထူးထူးတော့မရှိပါဘူး။ငြိမ်ငြိမ်လေးနေရတာ ပျင်းနေရောပေါ့။ငါကသွေးပူလေ့ကျင့်ခန်းလေးလုပ်ပေးမလို့"
YOU ARE READING
သက်တန့်မျှော်စင်💛
Fantasyနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
