သက်တန့် နေကောင်းလာသဖြင့် ဆေးရုံက ဆင်းခွင့်ရခဲ့သည်။
"ကိုယ်နဲ့လိုက်ခဲ့ Honey"
"ဘယ်ကိုသွားမလို့လဲ နန်းဆက်"
"ရောက်ရင်သိမှာပေါ့ကွယ်"
နန်းဆက်ကသက်တန့်ရဲ့ကိုယ်လေးကိုပွေ့ဖက်၍ ကားတံခါးဖွင့်ပေးလိုက်သည်။ထပ်မံ၍မေးမြန်းမနေတော့ပဲ အလိုက်သင့်ပဲကားထဲသို့ဝင်ထိုင်လိုက်သည်။နန်းဆက်ခေါ်သွားခဲ့သောနေရာမှာရဲတိုက်ဖြူဖြစ်သည်။
"ဒါက......."
"ဟုတ်တယ်။အဲ့ဒါက မင်းသိပ်မြတ်နိုးလွန်းတဲ့မင်းရဲ့ပန်းချီကားတွေပဲ"
"ဒါတွေကိုမီးရှို့ဖျက်ဆီးပစ်မယ်လို့ပြောခဲ့တာမဟုတ်လား။ဘာဖြစ်လို့ရှိနေသေးတာလဲ"
"မင်းကိုယ့်ကိုလူယုတ်မာလို့ သတ်မှတ်ထားခဲ့တာလား Honey။မင်းသိပ်မြတ်နိုးတဲ့အရာတွေကို ကိုယ်ဖျက်ဆီးနိုင်လိမ့်မယ်လို့တကယ်ထင်ထားခဲ့တာလား"
"ဒါပေမယ့် ရှင်အရမ်းစိတ်ဆိုးနေခဲ့တာလေ။သက်တန့်ကိုသတ်ပစ်ဖို့အထိကြံစည်ခဲ့တာ......."
သက်တန့်ရဲ့စကားကြောင့် နန်းဆက်ရင်ထဲတွင်ပြင်းပြင်းထန်ထန်ထိရှသွားခဲ့သည်။ဒါပေမယ့် သက်တန့်ကဖြစ်စဉ်မှန်ကို မသိလို့ ဒီလိုပြောတာကို နန်းဆက်သိနေတာပဲလေ.....ဖြေသိမ့်နိုင်ရမှာပေါ့။
တစ်စုံတစ်ယောက်ကြောင့်သာ နန်းဆက်ကသက်တန့်ကိုသတ်ဖို့ကြိုးစားမိခဲ့တာ။နန်းဆက်၏ခံစားချက်အစစ်အမှန်က သက်တန့်ကိုနာကျင်အောင်မလုပ်နိုင်တာသေချာနေခဲ့သည်ပဲ။ဒါပေမယ့်အဲ့ဒါတွေကို သက်တန့်သိအောင်ပြောလို့မှမရပဲ။အဲ့ဒီတော့ နန်းဆက်မှာကြေကွဲရုံကလွဲပြီး ဘာမှမတတ်နိုင်ခဲ့ပါ။
ထို့ကြောင့်လက်တွေ့တွင်နန်းဆက်ရဲ့နှုတ်ဖျားကထွက်ကျလာသောစကားလုံးများသည်ဤသို့ဖြစ်သည်။
"ဟုတ်တယ်။ကိုယ်မင်းကိုသတ်ဖို့စဉ်းစားတဲ့အထိ မိုက်မဲမိခဲ့တယ်။မင်းပြောတာမှန်တယ်။ကိုယ်က သိပ်ကိုယုတ်မာတဲ့သူ......"
နန်းဆက်ရဲ့မျက်ဝန်းဆီမှရစ်ဝဲလာသောမျက်ရည်စများနှင့်ကြေကြေကွဲကွဲစကားသံတို့ကြောင့် သက်တန့်မှာချက်ချင်းပဲ ပြေရာပြေကြောင်းစကားကိုပြောဆိုလိုက်ရသည်။
YOU ARE READING
သက်တန့်မျှော်စင်💛
Fantasyနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
