သက်တန့် နိုးလာစေဖို့ရက်သတ္တပတ်များစွာဆုတောင်းခဲ့သည်။တစ်ခုသောနေ့ရက်တွင်ဖြစ်သည်။
နန်းဆက်ရဲ့ရင်ဘတ်တွင်ဖိကပ်၍ဆုပ်ကိုင်ထားခဲ့သောသက်တန့်ရဲ့လက်ကလေးဆီမှ လှုပ်ရှားမှုတစ်ချို့ကို နန်းဆက်ခံစားမိလာသောအခါ လှုပ်လှုပ်ရှားရှားဖြစ်သွားရသည်။ထိုခဏတွင်မှိတ်ထားသောမျက်ဝန်းလေးများပွင့်လာ၍ နန်းဆက်မြတ်နိုးသော သူမ၏စကားသံလေးကို ပြန်လည်နားဆင်ခွင့်ရခဲ့ပါသည်။
"ဘာလို့ငိုနေတာလဲ နန်းဆက်"
"မင်းက အကြာကြီးအိပ်နေတာလေ။ကိုယ် ငိုချင်တာပေါ့ Honey"
"ငိုရတာကိုမုန်းတယ်လို့ ရှင်အမြဲပြောခဲ့တာပဲ"
"ဒါပေမယ့်မင်းအတွက်နဲ့ ကိုယ်အရမ်းပဲ ငိုချင်နေမိတယ်ဆိုရင် တားဆီးမှာလား"
"ငိုကြွေးခြင်းဆိုတာရှုံးနိမ့်ခြင်း အထိမ်းအမှတ်ဖြစ်တာကြောင့် ရှင်သိပ်မုန်းတယ်လို့ပြောခဲ့ဖူးတာ သက်တန့်မှတ်မိသေးတယ်။ရှင့်ရဲ့ပိုင်ဆိုင်မှုတွေထဲမှာ ရှင်သိပ်မုန်းတဲ့ ရှုံးနိမ့်မှုတွေမပါဝင်စေချင်ဘူး"
"ဒါပေမယ့်လေ သက်တန့်မျှော်စင်ဆိုတဲ့ ကောင်မလေးကြောင့်ငိုကြွေးတတ်ခဲ့ပြီးတော့ ရှုံးနိမ့်ခြင်းတွေကိုနမ်းရှိုက်တတ်လာခဲ့ပြီဆိုတာ မင်းသိသင့်တယ်"
နန်းဆက်စကားကြောင့်သက်တန့်ရဲ့နှုတ်ခမ်းတွင်ကျေနပ်ကြောင်းပြသသည့်အပြုံးလေးတစ်ခုဖြစ်ပေါ်လာသည်။
"ရှင်က ကဗျာဆန်ဆန်စကားတွေ ပြောတတ်လာပြီပဲ။ဂုဏ်ယူပါတယ် နန်းဆက်"
"ကိုယ့်ကိုလှောင်တာလား။ကိုယ့်ကိုမင်းက ရှက်ရွံ့သိမ်ငယ်စေတာပဲ Honey"
"မလှောင်ပါဘူး။ဂုဏ်ပြုတာပါကွယ်။မရှက်စမ်းပါနဲ့"
"မင်း........."
"ရှင်ရဲ့ စကားလုံးတွေက အမြဲတမ်းပဲ ခါးသက်မောက်မာနေခဲ့တာလေ။အခုလို ပြောင်းလဲလာမှုက အံ့အားသင့်ဖွယ်ကောင်းလွန်းလို့ပါ"
"မင်းကကိုယ့်ရဲ့ရှုံးနိမ့်ခြင်းကို ကျေနပ်နေတာလား။အဲ့ဒီလို အပြုအမူမျိုးကို ကိုယ်မနှစ်သက်တတ်တာ မင်းသိပါတယ်နော်"
YOU ARE READING
သက်တန့်မျှော်စင်💛
Fantasyနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
